قصة كاملة بقلم إيمان شلبي من الفصل الاول الي الفصل الأخير
المحتويات
الفصل الاول
5 يوليو 2018
٢٤ ساعه اون لاين !
جاتلي ماسدج علي ماسنجر وانا قاعده بقلب في الفيس كانت الساعه واحده بليل ...
قومت اتنفضت من مكاني وانا مش مصدقه أنه بيتكلم ..
يوسف بيكلمني ياماما يوسف بيكلمني ياريناد ..
قولت كلامي وانا قايمه بتنطط مكنتش متخيله ابدا ان ممكن لحظه زي ديه تحصل ..
ريناد اختي وهي بتقرب مني بفرحه انتي بتهزري دكتوريوسف اللي بشتغل عنده !
قلتها بفرحه وخجل بسيط وانا بضحك وعيني بتتقفل كالعاده ...
رديت عليه في الحقيقه برغم اني كنت متوتره في بدايه الآمر إلا اني فعلا كنت حاسه نفسي مبسوطه ...
مع كل ماسدج كان بيبعتها كنت بتوتر بجيب عرق من كل مكان وقلبي بيدق بطريقه غريبه لاول مره يدق كده لحد ...
هو انا هحب ولا ايه
ليه حاسه بمشاعر لأول مره احس بيها ليه حاسه نفسي متوتره مش قادره اقول كلمتين علي بعض برغم اني مش كده انا شخص اجتماعي جدا ليه معاه بالذات حاسه اني مش عارفه اتكلم معقوله هو ده الحب اللي بيقولوا ايه ! ..
عرفت من المحادثه أنه بيحب القرايه زي طلع في بينا حاجه مشتركه اتفقنا نتقابل في يوم عشان يديلي الكتب اللي عنده اقراها بس في الحقيقه محددناش يوم معين ...
بقولك ايه الماسنجر عندي بيعلق ابعتي رقمك كده نتكلم واتس ..
بعتله رقمي واتكلمنا واتساب شويه واتعرفنا برغم أنه كان بيعلق الماسدج بتاعتي شويه الا اني مكنتش بتضايق كنت بعذره برضو هو دكتور واكيد مش فاضي دايما ...
يمكن حبه اللي بدء يتسرب لقلبي يوم ورا التاني هو اللي خلاني احطله ألف عذر !
ملحقتش استوعب اللي قاله لقيته بيرن عليا فون..
بلعت ريقي بتوتر ووشي كله بقي احمر وحطيت ايدي علي قلبي وانا باخد نفس وبرد عليه ...
الو ..
معلش اسف النت عندي ضعيف جدا ..
لا ولا يهمك
عامله ايه !
تمام الحمد لله وانت!
الحمد لله ايه بقي مش هنتقابل عشان تاخدي الكتب !
بتعملي ايه كده
امممم ولا حاجه فراغ ...كنت بحضر شغل بكره عشان المدير طالبه مني
ربنا معاكي يارب ..
اللهم امين ..
فضلنا نتكلم شويهطلع شخص لطيف ودمه خفيف اوي ...حرك قلبي حرك مشاعر كانت مخفيه من سنين كانت مستنيه وجود واحد زيه عشان تتحرك وتعلن وقوعها في الحب وبكل استسلام ومن غير تمرد وعناد !!
وفي الخلفيه صوت ام كلثوم بتقول
وقابلتك انت لقيتك بتغير كل حياتي معرفش ازاي انا حبيتك معرفش ازاي ياحياتي !
فات يوم ورا التاني وعلاقتنا كل يوم بتتطور عن اليوم اللي قبله وحبي كل يوم وكل دقيقه وكل ثانيه بيزيد ...
بابا ماټ ياحور...
حطيت ايدي علي بوقي وعيني دمعت ...باباه كان في المستشفي بقاله يومين حالته مكانتش خطيره اوي كده كان علي امل أنه يبقي بخير في لحظه وبدون اي مقدمات ېموت !!
كان صعب جدا يستوعب مۏت باباه لانه كان بيحبه جدا طبيعي هو كان أقرب شخص ليه ...
البقاء لله ربنا يرحمه ..
قولتها بنبره صوت كلها ۏجع ودموع وانا مش عارفه اعمل اي كان بودي اكون جنبه في اللحظه الصعبه ديه لكن مقدرش مفيش لسه اي حاجه تربطنا عشان اكون جنبه !!
فات يوم ورا التاني ورا التالت وانا بحاول أوصله اتطمن عليه لكنه مكانش بيرد عليا يمكن الحاجه الوحيده اللي كانت بتطمني هو صاحبه اللي كان بيرد عليا كل فتره والتانيه يطمني عنهمعذور عارفه أنه مكانش قادر يكون معايا ويطمني اللي حصله مكانش هين وصعب يتنسي في لمح البصر ..
بس بالرغم من كده إلا أني كنت دائما بكتبله ماسدجات علي الواتس كنت علي امل يرد عليا لو حتي بماسدج يطمني عليه ..
واخيرا بعد ما فات اسبوع من القلق واللهفه والاشتياق ..
رد علي الماسدج بتاعتي ..
فوق
متابعة القراءة
