سكريبت جديد بعنوان انت الهدي
المحتويات
سكريبت أنت الهدى
_نازل تصلي
لقيته بصلي بقرف كدا اللي هو وانا من امتى بصلي وسبني ونزل ..ابن اللذينا فرحان أنت هتدخل ال ناار يا حبيبي.
احب اعرفكم انا رضوي ودا ابن خالتي اللي ساكن جنبنا. طبعا زي معظم الشباب يوم يصلي ويوم لا ونفس النظام للأسف مع الصيام.. بس وحيات خالتي ام حنان رمضان دا ما هيعدي غير وانت بتصلي. تمام وانا عارفه ازي أخليك تصلي يا أدهم.
_ راحه فين
يووه دا أنا ملحقتش اطلع خطوه برا العماره ولقيته فبصيت له وقلت
_رايحه اجيب فوط الجامع علشان اغسلهم زي كل يوم جمعه..
هز راسه وقال لي _ طاب ادخلي جوه.
حبيت أعند معاه فقلت له _ طاب الفو...
ابتسمت مع نفسي وقلت فسري _ الغيره يا جماعه الغيره
المهم طبعا انا عارفه رجولته نقحت عليه وانه هيروح يجيبهم هو وبما إن العشاء فاضل له خمس دقايق يبقى هيصلي
المهم بعد نص ساعه صلاة العشاء لقيت الباب بيخبط .. فتحت وهوووبا لقيت الفوط في وشي
وصوته بيقول_ مشفكيش طالعه برا شقتكم تاني.
_تسلم يا رجوله
العفو.
غلست الفوط وطلعت انشر في البلكونة لقيته واقف بيشرب سچاره وسرحان سألت نفسي انا مش عارفه هو هيبطل العاده دي امتى
المهم وقفت انشر وانا بغني _ رمضان أهوأهوأهو فرحتنا أهي أهي أهي
لقيته بصلي بضيق كدا وقال _ علي صوتك كمان في حد هناك لسه مسمعش
قلت له_ تمام يسطا متتحمقش اوي كدا
رد عليا وقال_ لا انا مش صايم بكره....
بصتله وانا بسبل في عنيا وقلت _كدا هتكسف ماما...
نفخ وقال لي_ اوووف خلاص ماشي اديني رنا وانا هاجي بس متقعديش تروحي وتجي بليل. وانجزي يلا مش ساعه تنشري في الفوط.
ما هو انا ميبقاش عندي أعاقه في المشاعر مش هسيب المنطقه كلها واحب المتخلف دا ابو جمال امك يا جدع
تمام دلوقتي انا قدام باب الشقه فتحلي الباب وهو مش لابس التيشرت وباين عليه اثر النوم بصيت وراه شوفت الشقه مبهدله مليانة اعقاب سجاير وفكرت _ طب والله حرام واحد مز زي دا يفضل سنجل لحد دلوقتي.
فوقت على سؤاله بيقول_ خير يا رضوي انا مش قلت رني وهنزل
قلت له _تليفونك مقفول.
بعد ما اتسحرنا قال_ تسلم ايدك يا خالتي علي الاكل يجنن
ردت ماما وقالت له_لا تسلم ايد رضوي دا هي اللي عملاه.
قمت قايله فسري _ ايوه بالله كمان يا ماما يمكن الوح دا يحس
وطبعا اتكسفت فقلت _ احم هقوم اعمل الشاي انا
عملت الشاي وطلعت
متابعة القراءة
