حكاية لن أتخلى عنكِ ( السلسله القصصيه هل فات الاوان ) بقلم ناهد خالد ( 1 ) كاااملة
المحتويات
يتكلم اويدافع عن نفسه وده حصل انا قدرت اشحنها ضده لدرجه انها مبقتش طايقه تبص في وشه غير كده مليش فيه
_انت بتبعني يا امجد بعد ماخدت الي انت عاوزه بعد ما جيت واتفقت معايا عشان عارف اني بحب يونس وعاوزاه وانا الغبيه الي قبلت ادخل معاك في لعبتك وفبركت الصور والورق ومشيت معاك للآخر جاي دلوقتي تشيل ايدك
_هفضحك يا أمجد وهعرفهم حقيقتك
_محدش هيصدقك ومعكيش اي دليل نورتي
انتهي المسجل وأمجد وقف ساكت ومش لاقي حاجه يقولها
_يعنى أي! يعنى يونس مخانيش وأنت الشيطان الي ورا كل ده! كل ده عشان الورث مش كده ولا عشان حقد ك من يونس مقبلتش انه ينتصر عليك! انا ازاي كنت عايشه مع واحد زيك!
مسحت دموعها بأيد بتترعش من الانفعال وقالت
_طلقني يا أمجد
_أنت مجنونه أنت عارفه أني لو طلقتك كل حاجه هتروح ليك شرط الوصيه إن في حالة الطلاق يبقي الجهه الي هطلق ميبقاش لها أي حاجه لو عاوزه تطلقي روحي ارفعى قضية خلع لكن أنا مش هطلق
نزلت مع يونس وخد حمزه من سعد ومشيوا
طول الطريق كانت ساكته وقف يونس العربيه بصت حواليها لقت مكان غريب مش الفيلا
_يلا ياريم انزلي
_انزل فين
قالتها بصوت مبحوح
بصتله شويه وهي ساكته بعدين قالت
_مش هينفع يايونس
_نعم
قالها بعصبيه وكان لسه هيكمل
خلينا نأجل كلام في الموضوع ده دلوقتي طيب في الأهم
_وده اي ان شاء الله!
قالها بسخريه فردت بهدوء
_عاوزه اروح اعمل تحليل ليا ولحمزه عاوزه اعرف هو ابني ولا لأ
البارت السابع
_ممكن تهدى شويه
_اهدى أي يايونس أنا بقالى يومين مبنمش وعلي أعصابى مستنيه نتيجه التحليل
_طيب اهدى ياريم خلاص كلها عشر دقايق والدكتور يرجع ومعاه نتيجة التحليل
_خايفه يطلع مش ابنى أنا رغم أني مش فكراه ورغم إني مبقاليش معاه كتير بس احساسى بيه كبير اوى حاسه انه فعلا ابنى واتعلقت بيه ومش عارفه لو النتيجه طلعت عكس ده هيبقي احساسى أى وقتها
_ها يا دكتور اي النتيجه
غمضت عنيها وهي بتستعد للإجابة الى كل حياتها الجايه متوقفه عليها تقريبا
ويونس مكنش أقل منها في شئ هو كمان إجابة الدكتور هتفرق كتير معاه بس لأسباب مختلفه تماما عنها
_النتيجه إيجابيه هو فعلا ابنك
فتحت عنيها پصدمه رغم فرحتها الكبيره إلا إن إحساس كان جواها بيقولها ان ممكن ميكنش ابنها ابنها ازاي ومش فاكراه!
قام يونس بهدوء وقال للدكتور
_تمام يادكتور شكرا
_العفو شرفتوا
الټفت لريم وقال
_يلا
كان واضح أنها مسمعتوش وإن تركيزها في مكان تاني قرب من كرسيها و بصوت أعلي
_ريم
_ها
بصتله بتوهه وأفكارها لسه بتضارب في دماغها وأسئله كتير مش لقيا ليها أي إجابه
_يلا نمشى
قامت معاه وخرجوا من المستشفى
_ها اعتقد اتأكدتى هترفعى القضيه امتى
_في أي وقت
_تمام بس قبل ماترفعيها في حاجه لازم تعمليها
_حاجة أي
_لما نروح نتكلم يلا
__________بقلمي ناهد خالد _____
بعد فتره وصلوا الفيلا وطلعت ريم تشوف حمزه الي سابته مع الشغاله الجديده الي يونس جبها النهارده
نزلت بيه بعد شويه وقعدت مع يونس الي بدأ كلامه من غير أي مقدمات
_هنروح للمحامى عشان يرفع القضيه بس قبلها هتعملى حاجه
_حاجة أى
_هتنقلى كل الي بأسمك بأسمى
_تمام هنروح امتى
بصلها باستغراب وقال
_مسألتيش يعنى عاوزك تعملى كده لى
ردت بثقه
_عشان أيا كان الي ناوي تعمله أكيد مش هتأذيني يايونس
رفع حواجبه بسخريه
_اوه بجد! اومال مفكرتيش كده لى لما صدقتى إني خۏنتك ولا دى حاجه متأذكيش فعادى أعملها
_يونس احنا مبنغلطش
_مش فاهم
_يعنى في إنسان في الدنيا مبيغلطش مبيجيش وقت ويتغابي ويحسبها غلط انا عملت كده اقدر دلوقتى اقولك اني انصرفت غلط غلط لما مصدقتكش وغلط لما مسمعتكش حتي بس صدقني كل ده كان بدافع الغيره ومن كتر حبي فيك الصدمه كانت صعبه اوي عليا لدرجة إني مستوعبتهاش وتصرفاتي كلها كانت ناتجه من صدمتي فيك وكل حاجه قدامي كانت بتقول ان ده حصل فعلا يونس أنا كان جوايا ڼار لو كانت خرجت كانت حړقتك من كتر الو جع الي حسيته وقتها
_ازاى قبلتى تبقي مع أمجد وازاي علاقتك بيه طبيعيه مش أنت الي كنت دايما بتقولى عمري ماهبقي في يوم لحد غيرك!
_بس أنت كنت لغيري وده الي كان في تفكيري وقتها إن زي ما أنت قدرت تكون مع غيري أنا كمان هتخطك وهكون مع غيرك ومتتخيلش أنا عافرت ازاى عشان أقدر اعمل ده
مسح بكفه علي وشه واتنهد بتعب
_طيب عموما هنروح للمحامي دلوقتي تعملي نقل الملكيه وكأنه بيع وشړي بينا ولما كل الإجراءات تخلص وتبقي الحاجه بأسمي هنمشي في اجراءات القضيه
_تمام يونس
_نعم
بصتله بتوتر كبير وسكتت شويه بعدين قالت
_هو هو أنت لسه زعلان منى!
بص لعينيها ثوان وقام وقف
_تصبحي علي خير يا ريم هنروح بكره للمحامي
اتنهدت بيأس وهي بتابع خروجه وهمست
_وأنت من أهل الخير
_____ناهد خالد _________
_كده تمام هروح بكره اسجل الاوراق في الشهر العقاري وتبقي كل حاجه بأسم حضرتك يا يونس بيه
_تمام وبالنسبه للقضية
_هرفعها بعد بكره علي طول هقدم طلب فيها متقلقش بس أي سبب الضرر
_ضرر أي
_يونس بيه لازم يكون في سبب لطلب الخلع
اووه أنا ازاي نسيت ده
_وبعدين يايونس أي الحل
_ممعناش دليل لأي حاجه هو عملها وحتي لو هو مش سبب كافي للطلاق
الټفت للمحامي وكمل
_خلاص لما نلاقي الحل نبقي نبلغك عن اذنك
بعد مانزلوا من العماره الي فيها مكتب المحامي
_هو كده مفيش حل
_لأ في
_أي
_انه يطلق ويرحمنا من ۏجع الدماغ ده او امسك عليه ضرر للخلع
_أنت عارف إن أمجد مش هيوافق وهتمسك عليه ضرر ازاي
_أنا هتصرف
_هتعمل أي يايونس
_سيبي الموضوع عليا
_________بقلم ناهد خالد ______
_اي ده أنت بتعمل أي علي مكتبي
كاان يونس قاعد علي مكتب أمجد ورافع رجله الاتنين علي المكتب وماسك ملف في ايده بصله بهدوء ورد
_تؤ مسموش مكتبك يا آمجد اسمه مكتبي
_نعممم
_اهدي مش كده أنت لسه شباب أخاف عليك يحصلك حاجه من عصبيتك دي
_مكتب اي يايونس الي مكتبك أنت اټجننت
_لأ بس واضح إنك معندكش معلومه أنا اشتريت نصيب ريم وبكده انا المالك الرئيسي للمجموعه بصفتي المشارك بنسبه أكبر ولا نسيت أن ريم نصييها ٦٠٪ وأنت ٤٠٪ ودي الحسنه الوحيده الي عملها عمك الله يرحمه
وقف مصډوم وهو مش متخيل انه بقي تحت سيطرة يونس
وقد كان مر شهرين ويونس مطلع عينه في الشركه وكل قرار بياخده لازم يتعرض علي يونس الأول ويبقي له حق الرفض او الموافقه وهو طبعا بيرفض والحقيقه انه مبيعملش اي صفقات والشركه تقريبا شبه متوقفه وده موقف الفلوس الي بيحصل عليها أمجد من الشركه وهي مصدره الوحيد الي بيصرف منه
_بعدين يا أمجد احنا شويه ومش هنلاقي ناكل!
_أعمل اي يعني يارنا سي زفت يونس موقف كل أعمال الشركه وانا عارف انه بيعمل كده عشان يطفشني
_تتنازل!
_لا طبعا اتنازل اي هو عارف اني لو ھموت مش هيحصل هو عاوزني ابيعله نصيبي
_طب ماتبيعه يا أمجد
متابعة القراءة
