قصة كاملة رائعة للكاتبة مرفت السيد.... كاملة « رغماً عني »

قلبي كان رافض يقبل الحقيقة
مسكت صلاح من هدومه ايه في ايه بابا ماله
حط وشه في الأرض وبكى
عم حسين جري عالدكتور قاله طمنا يادكتور
قال البقاء لله
قولتله باڼهيار انت كداب لأ بابا كويس مليش غيره ازاي يسيبني
وجريت عليه وهما بيحاولوا يمنعوني ماقدروش
شيلت الملاية من عليه واترميت في حضنه وفضلت ابوس في ايده وراسه
يابابا ماتسبنيش سايبني لمين
شالوني من حضنه بالعافية
ماحستش بعدها بحاجة فقدت الوعي
فوقت وانا مش عارفة دة حلم ولا حقيقة
بس للاسف حقيقة اتعمل لبابا جنازة بتدل على حب الناس وودعناه واتدفن حبيب قلبي صړخت فيهم نزلوني معاه طول عمرنا سوا ماتسيبهوش لوحده وكل الناس بتهديني
وماقدرتش اتحمل وفقدت الوعي تاني
رجعت من المدافن جسد بدون روح انا الي اتدفنت مش هو
الناس كانت بتيجي تعزيني وانا مش بانطق
اسبوعين وانا لاعارفة اتعايش ولا عندي تركيز في او حاجة بتحصل حواليا بس كل ركن في البيت بيفكرني بيه
صلاح مكانش بيسيبني كان شبه مقيم معايا بيجيب الاكل وبيغصب عليا اكل وبينزل يشرف عالمحل بتاع بابا وبيروح عيادته ويرجع ينام في اوضة الضيوف في بيتي
وفي تالت اسبوع بدأت افوق شوية واستوعب ۏفاته واقضي اغلب وقتي باصلي وادعيله
صلاح كان مهون عليا كتير بصراحة
وفي ليله بعد مارجع من برة ولقاني فايقة نوعا ما عن كل يوم صمم انتا نتعشى سوا وانه عاوز يتكلم . معايا لقيته بيسلمني ايراد المحل وقالي 
زينة انا قي حاجة لازم اعترفلك بيها
خير ياصلاح
بس توعديني تسمعيني للآخر
اوعدك
زينة انا.
يتبع
الفصل الثالث عشر
صلاح زينة انا
انت إيه ياصلاح
انا وعدت والدك الله يرحمه اخلي بالي منك ومن وقتها وانا ضميري تاعبني
ليه ياصلاح
عشان انا كدبت عليكي
انا سمعاك ياصلاح انت كدة قلقتني 
زينة انا جبت الفلوس الي معايا حاليا بالبنك غير الي صرفتها على الجواز من شغلي مع طارق
ماانت قولتلي قبل كدة
لا يازينة هي مش من شغلي مع طارق
انا مش فاهمة حاجة
هافهمك بس ارجوكي متقاطعنيش
انا بشتغل مع طارق بس شغل ماينفعش حد. يعرف بيه
زينة قبل ماعمي ېموت بفترة كان قلبه حاسس طلب من. طارق يرجع عشان يعرفه الشغل ويورثه من بعده بس طارق رفض
عمي ملقاش قدامه غيري اقنعني اكون معاه زي دراعه اليمين واني بظرف سنه هابقى مليونير وطبعا مقصدش الشركة ولاشغل المقاولات الهندسية بتاعكم
زينة عمي كان مهرب مجوهرات
بصينله بذهول مصطنع انا كنت عاوزة اعرف نوع شغلهم والحمد لله عرفت
قالي بحزن اشتغلت معاه وعرفت منه كل كبيرة وصغيرة شغله كان خطړ وتبع منظمة كبيرة برة مصر ومراته الألمانية كانت عارفة
وقبل مايموت طلب طارق وجمعنا احنا الاتنين وطلب مني اكون مكانه والمنظمة بعتت انطوان يبلغنا انهم وافقوا على تعييني مكان. عمي انا عارف انك. مصډومة بس الي حصل
بصتله بذهول وقولتله انا مش قادرة اصدق و ازاي محدش عرف عنكم حاجة لحد. دلوقتي
لان المنظمة داخل فيها ناس لاتتخيليهم هما الي بيسهلو دخول وخروج الالماظ وبياخدو التمن واحنا بنشنغل بعقل وحرص
انت بتحكيلي ليه
لاني قررت ابدأ على نضافة
مش فاهمة
يعني مش عاوز اعرضك لاي خطړ
اه هتعمل ايه هاتسيبهم يعني
مش عارف بس عاوزك تسامحيني
علي ايه ولاايه كدبك ولافلوسك الحړام ولا الراجل الي طارق قټله وانت اتسترت عليه
على كل دة وانا اوعدك اني هاوصل لطريقة اصلح بيها كل العك دة وعلى فكرة انا صرفت على جوازنا من ميراثي كنت شايل فلوس ميراثي وديعة وكسرتها عشانك استحرمت ادفع جنيه من فلوس التهريب عليكي وانا عشان خاطرك هابعد وان شالله ي. مۏتوني
بعد الشړ عنك 
يعني سامحتيني
لازم اسامحك ياصلاح انا مليش غيرك وهاساعدك تبعد. عنهم بس قولي ازاي
احنا نفكر وان شاء الله نوصل لحل بس دلوقتي قومي ارتاحي
صلاح ابقى بلغ طارق استقالتي بعد الي عرفته مينفعش اشتغل معاه
قالي حاضر تصبحي علي خير
دخلت انام وانا مبسوطة بس في احساس جوايا مش مريحني
عدت الايام بشكل طبيعي لحد اربعين والدي
وبعدها اتصدقت على روحه 
وفي يوم صلاح. طلب مني ننزل نشتري الفرش الناقص لشقتنا ونقضي يوم برة البيت اغير جو كدة وانا فعلا من وقت الۏفاة مش بخرج
وافقت وخرجنا اتغدينا واخترت معاه الحاجات الناقصة في الشقة
ولما روحنا طلبت منه اروح الماركت بتاع بابا
قعدت مكانه حسيت اني مرتاحة والعمال وكل الناس كانوا بيدعوا لبابا ودي حاجة فرحتني
اوي لحد. ميعاد قفل المحل
طلبت من العمال يروحو وانا هاقفله
وطلبت من صلاح يسبقني عالبيت وانا هافضل بالمحل شوية
وافق وهو مستغرب من طلبي بس انا صممت
كنت عاوزة اقعد لوحدي في مكان بابا المفضل
كنت حاسة بروحه في المكان كنت بالمس كل حاجة تخصه كان عامل مخزن حوة المحل ومكتب لنفسه
دخلت وفتحت ادارج مكتبه لفت نظري درج مقفول دورت بسلسلة مفاتيح بابا كلها ملقتش ولا مفتاح مناسب
روحت لقيت صلاح بياخد شاور ماحسش بيا قررت ادور بغرفة بابا الله يرحمه على مفتاح الدرج لقيت وسط. هدومه صندوق صغير افتكرت ان بابا من زمان كان موصيني لو حصله حاجة افتح الصندوق دة ضروري وان المفتاح بتاعه كان موجود في مكان هو قالي عليه ونسيته
فصلت ادور لحد. مالقيت مفتاحين بالكومود في ميدالية سوا
قولت لنفسي اكيد دة مفتاح المكتب ودة الصندوق
قررت ااجل البحث لبكرة بعد. خروج صلاح لشغله
خرجت لقيت صلاح خارج من الحمام نصف عاري ولابس فوكة حول وسكه
صړخت وهو اتخض وقالي وهو بيضحك في إيه خضتيني
وبعدها قرب مني وانا عاملة كدة وحط ايديه على شعري انتي وشال ايدي من على عنيا وقالي انتي ناسية انك مراتي
ورفع وجهي حتى احسست بانفاسه كنت مغمضة ابتسم وقالي فتحي يازينة عاوز اشوف عنيكي
فتحت عنيا قالي انا باحبك اكتر من نفسي
وانحني ليقبلني غمضت عنيا تاني وبعدت
فقرب مني وضمني في حضنه وقبل رأسي وقالي انا مستعد استناكي عمري كله بس وأنا جنبك
سيبته وقولتله تصبح علي خير
الصبح اول حاجة عملتها روحت المحل جربت المفتاح وطلع هو فتحت الدرج
وفضيت محتوياته بشنطة واخدتها وطلعت البيت
جبت الصندوق وفتحته
ولقيت.
يتبع.
الفصل الرابع عشر
لقيت عقد السوبر ماركت والشقة بإسمي
ياحبيبي يابابا
وشيك بمبلغ 100 الف جنيه في حساب باسمي كان فتحه ليا من زمان
والدرج المقفول كان فيه ايصالات بشغله وكشوفات حساب الموردين وبقبض العمال راجعتها كان حساباته خالصة مكانش مديون لحد حتى كان بيدفعها
وايصالات بتبرعات شهرية لاكتر من جمعية خيرية ومسجد 
ورسالة كاتبها ليا 
بنتي الحبيبة الرسالة دي معناها ان ربنا استرد وديعته
انا كاتب كل مااملك باسمك لانك اغلى ماعندي
وكل ماكنت باكسب كنت باشيل مكسبي في حسابك
وصيتي المحل مايتقفلش وهاتلاقي ايصالات تبرع لاكتر من جهة دة باطلعه بجزء من المكسب كل شهر ماتوقفيش الصدقة والخير ابدا تحت اي ظرف دة الي بيستمر حتى بعد المۏت
وعاوزك زي ماانا متوقع منك تخلي الناس لنا اشوفك تدعيلي على تربيتي ليكي
قلبي راضي عنك ادعيلي وزوريتي بانتظام
وخلفي كتير اعملي عزوة بلاش تكرري غلطي
ربنا يحفظك
باحبك يااجمل بنوتة
فضلت اعيط وادعيله
قومت اخدت شاور ولبست وقررت انزل المحل من النهاردة
روحت الاول على جمعية واتبرعت باسمه
ورجعت عالمحل
جردت البضاعة واتصلت بالموردين طلبت الناقص
وقبضت العمال وظبطت الشغل والكل كان فرحان بوجودي
اول حاجة جبت صنايعية لتوضيب المكان
وطلبت من عامل قديم