رواية كاملة بقلم ايمان شلبي من الفصل الاول الي الفصل الأخير ( داليدا و رحيم )
المحتويات
من دون خجل ولا ضيق
تعرفي انا زمان قبل ما اعرفها كنت بعرف بنات كتيره اوي عمري في حياتي ما فكرت اشتري هديه ولا ورد لاي بنت مش بخل مني صدقيني بس انا كنت بحس أن الحاجات دي شكليات وملهاش اي لازمه
لحد ما عرفتها اول ما عرفت انها بتحب الورد كنت معدي قدام واحد بتاع ورد افتكرتها لقيتني بدون تردد بنزل وبعمل احلي بوكيه وبختار كل ألوانه بكل حب لقيتني بشتري هديه وبقعد بالساعات عشان اجيب حاجه مناسبه من غير ما ازهق كل ده عشان بس اشوف ضحكتها
وضحك وهو بيبصلي
وعلي فكره انا عمري ما خونتها هي بس غيوره حبتين تلاته لأن انا بطبيعه شغلي بقابل بنات كتير جدا وللاسف بنات بلا اخلاق كلهم عايزين يوقعوا ما بينا فبتتبعت لها صور متفبركه وهي بتزعل وطبيعي جدا اي بنت مكانها تزعل وتطربق الدنيا بس انا بقدر أراضيها بس للاسف موضوع النهارده لازم انتي بنفسك تشرحيلها
متقلقش كل حاجه هتتحل
ابتسم وهو بيهز رأسه وبيكمل سواقه
اما عني سرحت في كلامه سرحت في لمعه عيونه وهو بيحكي عنها سرحت في كل كلمه قالها
اتمنيتلهم السعاده من كل قلبي واتمنيت اتحب زي هانيا
اتمنيت حد يحبني يفضلني يغير من نفسه وطريقه تفكيره يعمل حاجات مكانش بيفكر فيها بس عشان يفرحني
اتمنيت احس اني شخص محبوب في كل وقت في وقت ضعفي حزني في وقت فرحي في وقت احتياجي
اتمنيت شخص يحبني علي حقيقتي شخص مفضلش اتجمل واعمل اراجوز عشان أعجبه شخص يحبني من غير مجهود مني شخص لو شكلي بقي عامل زي الأموات افضل في عينه اجمل بنت في الدنيا مش شخص يحبني لمجرد شكلي واول ما شكلي يتغير أو تحصلي مشكله يبعد ينفر مني وكأني وباء !
كنت قاعده براقبه وهو بيختار البوكيه بكل حب لحد ما خلص وعمل بوكيه يجنن وحطلها فيه شوكلت
خلص وحاسب الراجل ورجع ركب العربيه وهو بيعتذر
اسف اتأخرت
ابتسمت بهدوء
ولا يهمك
لقيته بيشد ورده حمراء من البوكيه وبيمدلي أيده بيها
اتفضلي
ايه ده
كده البوكيه يبوظ
لا يأستي متقلقيش دي زياده وبعدين انا قولت انك سنجل بائس تعطف عليكي بورده وكده خدي خدي متتكسفيش اعتبريني اخوكي بس متعرفيش هانيا لحسن تعمل مننا شاورما
ضحكت علي كلامه وانا بمد ايدي وباخد منه الورده وبشكره برقه
شكرا
العفو بس أنا عايز اقولك حاجه
انتبهتله وانا بسأله
اتنهد وهو بيكمل سواقه
انا عايز افرح بأخويا ما تيجي نخلي حوار الخطوبه ده جد
ضحكت جامد وانا بقوله بمرح
لا ياعم أنا بحب السنجله
يابنتي ده اخويا حلو وبسمسم
بسمسم هههههه هو كحك !
ده رومانسي اكتر مني والله
اتنهدت وانا ببص قدامي وبحاول اقفل الموضوع
ربنا يسعده ويرزقه ببنت الحلال
يااااااارب اللي تربيه يارب عشان هو مترباش
ضحكت وهو كمان ضحك وكملنا الطريق لحد ما وصلنا الفيله
نزلنا من العربيه ودخلنا واټصدمنا احنا الاتنين اما شوفنا هانيا بټعيط في حضڼ رحيم
بصيت لشريف اللي ملامحه اتغيرت وهو بيجز علي أسنانه وبيقول بصوت عالي
اه ياخايييينه
يتبع
الجزء الرابع
فتحت بوقي پصدمه لما لقيت هانيا مبعدتش عن رحيم بل بالعكس مسكت فيه اكتر وهي بټعيط بحرقه وهو البجح المشمحترم حتي متهزش ولا بصلنا ولا قام من مكانه وكأنه معملش مصېبه !!!
أما عن شريف اتنهد وهو بيقرب منهم بحزن وانا مش فاهمه اي حاجه
ايه اللى بيحصل ده هو ازاي مش متعصب ولا منفعل ازاي وهو شايف بعينه خېانه من اخوه ومراته
قرب منهم وهو بيحاول يبعدها عن رحيم بس هي رافضه تماما
لقيته قعد علي ركبته قدامها وهو بيقول بحزن مصطنع
طب انا اسف حقك عليا طب هي جت تشرحلك اللي حصل والله صدقيني
متابعة القراءة
