قصة قصيرة كاملة بقلم إيمان شلبي ( ملجأي )

اسكريبت بقلمي إيمان شلبي 
ايه ياكابتن حبيت خطيبتي اللي كنت جاي تصلح ما بيني انا وهي ولا ايه!!
بص في عيونه ورد بهدوء مريب
وعرضت عليها الجواز كمان وهي موافقه مش كده يا تقي
ديه كانت جمله شاب معرفهوش جاي يصلح ما بيني انا وخطيبي اللي قررت انفصل عنه لاني اكتشفت أنه مش هو الشخص اللي ممكن اجري عليه وقت خۏفي وضعفي وتوهتي
فلاش باااك 
شكلك اتغير أوي لما تخنتي
ابتسمت بأحراج ورديت بنبره كلها خوف وتوتر 
بقي وحش 
اتنهد ورجع بظهره لورا 
عايزه الصراحه
بلعت ريقي وانا بهز راسي 
اكيد 
للأسف شكلك بشع

حاولت امسك دموعي ورديت بنبره مهزوزه
ا اكيد بتهزر 
لا مبهزرش يا تقي 
انتي فعلا لازم تخسي 
عشان فرحنا 
هتلبسي الفستان ازاي 
مش هنلاقي حاجه علي مقاسك
عارفين احساس الصدمه!
الخذلان 
التوهة 
الاصعب من كل ده احساس القهرة 
في الحقيقه 
كان رد فعل غير متوقع من اكتر شخص قريب لقلبي
زياده وزني مكانش بأيدي علي الاطلاق 
شكلي اللي اتغير وشي البهتان 
شعري اللي وقع بالكوم 
حزني طول الوقت 
توهتي انعزالي عن العالم
كان وراهم سبب قوي وصدمه مكانتش لا علي البال ولا علي النيه!
وفاه بابا فجأه بدون اي مقدمات 
وقتها كانت المره الأولي اللي بفقد حد عزيز علي قلبي 
فقدت الحب والدفا والأمان للأبد!
دخلت في حاله اكتئاب لفتره طويله جدا 
كنت متوقعه وجود الناس اللي بحبهم يهون عليا لكن للأسف ملقتش شخص واحد اكتشفت أن اللمه اللي كانت حوليا في يوم لمه كدابه حتي خطيبي زهق وسابني اوجهه مصيري ومشاعري وحزني واكتئابي لوحدي بكل القسۏه اللي في العالم!!!!!
تقي سرحانه في ايه 
اخدت نفس طويل وبصيتله وعيوني بتلمع بالدموع 
ولا حاجه ا انا عايزه اتكلم معاك في موضوع
رد بلا مبالاه وبرود
موضوع ايه 
محسن انا مش عايزه اكمل
اتنفض من مكانه ورد پصدمه 
نعم ياختي مش عايزه ايه !!
مش عايزه اكمل يا محسن
اتعصب وهبد علي الترابيزه 
انتي مجنونه عايزه الناس تاكل وشنا ده خلاص فرحنا بعد شهر
شهر شهرين ولا حتي بكره انا مش عايزه اكمل معاك
وشه اتشنج ورد بأسلوب مريب أشبه بالهمجيه!
والسنيوره مش عايزة تكمل ليه بقي أن شاء الله شيفالك شوفه تانيه وعايزه تهربي
اخرررررس انا اشرف منك
شدني من دراعي پقسوه وجنون 
لا بقولك ايه جو الخضره الشريفه ده مش عليا أنا!
الفرح هيتعمل برضاكي ڠصب عنك هيتعمل 
مش لعب عيال هو
ضړب بصباعه علي دماغي وكمل وهو بيعوج بوقه زي المجرمين
عقلك في راسك تعرفي خلاصك 
شيلي الفكره دي من دماغك يابت الناس ومتخلنيش اعمل تصرفات تندمك العمر كله
بصيتله پصدمه والدموع اتجمعت في عيني وانا بهز راسي بهستريه
لا لا اكيد انت مش محسن اللي حبيته ا انت ا انت شخص تاني ا ا....
هشششش مش ناقص ۏجع دماغ انا وكلام ملهوش لزوم الفرح هيتعمل في معاده يعني هيتعمل
عايزه تتطلقي ولا تغوري في داهيه بعد الفرح مش هقولك لا
قال كلامه بكل قسوه وزقني لدرجه وقعت علي الارض ومشي وسابني!!!!!!!
انت يابني ادم أنت اټجننت
بصيت لمصدر الصوت لقيته شاب غريب بيقرب من محسن وبيشده من قميصه
محسن بعصبيه
انت مال اهلك
رد هو بعصبيه اكبر
في حد يعمل كده في بنات الناس!
بصلي وابتسم بسخريه
هه بنات الناس 
اللي حضرتك بتتكلم عنها دي خطيبتي وفرحنا بعد شهر وجايه تقولي انها مش عايزه تكمل بدون اي أسباب واضحه ياتري لو مكاني هتعمل ايه!!!!
هحترم قرارها حتي لو كان فرحنا بكره مش هتعامل بالهمجيه اللي حضرتك اتعاملت بيها لأنها بني آدمه وليها حق الاختيار
حق اختيار ايه يامعلم هو انا متقدملها 
بقولك انا خطيبها
اتنهد وحط أيده علي كتفه لكن المره دي بهدوء ولين
يابني آدم افهم مانت اكيد عملت