اسكريبت جديد ( 2 ) بقلم ايمان شلبي كاملة

ايه الكرتونه ديه ياحبيبتي !
ده طقم حلل تيفال ياحبيبي هديه عيد ميلادك 
احيييه
قالها وهو بيلطم علي خده بذهول وهي بتبصله باستغراب
ايه ياحبيبي مالك !
مالي هو ايه اللي مالي جيبالي طقم حلل تيفال في عيد ميلادي
هزت راسها ببرود اه ياحبيبي بساعدك عشان تشور نفسك هو انا وانت مش واحد ولا ايه !
انتي عايزه تجننيني يا يسرا!
هو الطقم مش عاجبك ولا ايه لو مش عاجبك ممكن نروح ...
قاطعها وهو بيهبد علي الطربيزه بعصبيه وجنون حالا تاخدي الطقم ده وتمشي من هنا وإلا وقسما بالله أولع في المكان وفيكي ېحرق الجواز علي اللي عايز يتجوز عايزاني ادخل علي صحابي القهوه وانا شايل طقم حلل تيفال واهلي هقولهم ايه هقولهم يسرا جيبالي ده في عيد ميلادي ناقص بقي تجبيلي مبشره

بصتله يسرا بعيون كلها دموع وحل الصمت في المكان لثواني وهو بيمسح علي وشه بغيظ وبيستغفر في سره ..
استغفر الله العظيم يارب يابنت الحلال انتي بټعيطي ليه دلوقتي 
عشان انت معندكش ډم وقليل الذوق المفروض من الذوق لما حد يجبلك هديه حتي لو كانت دبدوب تشكره مش تزعق في وشه اهئ اهئ ..
ياريتها كانت دبدوب احمر ولا حتي طقم شرابات ابو تلاته بعشره اهو كان اهون من اللي انتي جيباه
وماله يعني اللي انا جيباه انت تعرف الطقم ده بكام اصلا
مش عايز اعرف ياستي هيكون بكام يعني ١٠٠ ولا ٢٠٠
خلاص عنك ما عرفت انا هاخده لمحمد اخويا اهو اساعده يتشتور وانت روح بقي اتدبس في طقم حلل ومش اي طقم اللي علي مزاجي ها أنا ماشيه ..
كانت لسه هتمشي بس هو قام ولحقها وهو ندمان من جواه علي طريقه كلامه وعصبيته الغير مبررة
يسرا استني ا انا اسف
مردتش عليه انما بصتله بعتاب وهي بټعيط اكتر
خلاص يا يسرا والله حقك عليا انا ي يعني ..
علي فكره مش عيب لما خطيبتك تساعدك في جهازك
هز رأسه بسخريه وهو بيضحك من جواه علي الحال اللي وصله الشباب في مصر وكأن الأدوار اتبدلت بدل ما العريس هو اللي كان بيساعد العروسه اصبح كل شيئ ماشي بالعكس !
صح عندك حق انا اسف ياستي الا مقولتليش بكام بقي الطقم ده !
٢٥٠٠ 
ايوه ياحبيبتي مقولتليش برضو بكام الطقم !
مانا بقولك ياحبيبي ب٢٥٠٠
احم احم مانا مكانش ينفع اتعصب برضو واعمل نفسي زعلان ..
قالها بخفوت وهي واقفه تبصله باستغراب ..
بتقول حاجه ياحبيبي 
هه لا ياحبيبتي اتفضلي استني استني
قال جملته وهو بيقرب منها وبيشدلها كرسي تقعد عليه وهو بيشاور لها بأحترام ..
اتفضلي ياحبيبتي استني
قرب من الكرسي وهو بينفضه مع أنه مكانش فيه نقطه تراب وهي ضحكت عليه وقعدت ..
تشربي ايه ياحبيبتي لا ولا اقولك تأكلي ايه ياحبيبتي اجبلك نص فرخه مشويه ولا تحبي تأكلي ايه نفسك في ايه اجبهولك ..
في ايه يامهند مالك ياحبيبي انت كويس 
انا انا كويس اوي جدا خالص بس جميل طقم الحلل ده ياحبيبتي ذوقك حلو اوي
بصتله برفعه حاجب الله مش كان مش عاجبك من شويه 
انا يابنتي  
اه
ياشيخه وانتي برضو بتاخدي بكلامي وانا متعصب ده كلام وراح لحاله 
يعني هتاخده !
طبعا اخده واخد امه 
طب وصحابك 
يتحرقوا
واهلك 
احم امي هتحبك اوي ديه مش بعيد تدعيلك فى صلاه الفجر 
والله 
اه والله 
تصدق هتصدق أن شاء الله انا