اسكريبت جديد ( 2 ) بقلم ايمان شلبي كاملة

تعبير وهو بيبص للحارس اللي كان واقف علي الباب وبيهزلي رأسه بغموض 
معلش تتعوض أن شاء الله انا هاجي اسكندريه تاني
كان نفسي احضر النهارده كنت فرحانه أني هحضر حاجه تنسيني الحزن في عيد ميلادي
عيد ميلادك النهارده !
هزيت راسي بعيون مليانه دموع وهو بصلي وابتسم وهو بيقول
طب ثانيه واحده
لقيته بيقرب من العربيه بتاعته وبيفتحها وبياخد منها حاجه ..
قرب مني وانا واقفه ابصله باستغراب وفضول من عيني
لقيته بيمدلي أيده بعصير ميكس شوكولاته
ضحكت وانا ببصله وبهز راسي بعدم فهم مستنيه يشرحلي اللي بيحصل
ا احم بصى هو ده الراعي الرسمي ل سعادتي اه والله زي ما بقولك كده لا ميغركيش اني شاعر وبتاع انا اصلا تافهه ولما ببقي متضايق بجيب ميكس شوكولاته بشربه وانسي احزاني فقولت بما انك زعلانه أضحي بيه بالرغم أنه بقي ب٦ جنيه بس يالا مش خساره فيكي اعتبري هديه عيد ميلادك اتفضلي

ضحكت بخفوت وانا باخده منه وبقوله بشكر
شكرا بجد
العفو كل سنه وانتي طيبه واتمني متزعلش أيا كان السبب مفيش حاجه مستاهله دموعك خالص اضحكي عشان ضحكتك جميله باي يا
إيمان
ضحك وهزلي رأسه وكان لسه هيمشي جريت وراه وانا بقول بلهفه
والصوره !
يعني اخدتي العصير بتاعي وكمان عايزه صوره ده اي الطمع ده
بليييز
قولتها برجاء وهو حك رأسه وضحك وهو بياخد مني الفون بتاعي وبيفتح الكاميرا
يالا بطييييييخ
ضحكت بتلقائية وانا بحط ايدي علي بوقي كالعاده وهو لقط الصوره وعطاني الفون ودخل
بالرغم انها كانت علي غفله بس كانت احلي صوره اخدتها في حياتي 
كنت بضحك فيها بتلقائية وهو طبيعي جدا مش متصطنع في الصوره
بصيت للصوره وللميكس حسيت أني بملك الدنيا وما فيها
صوره مع الشاعر المفضل عندي وهديه تذكاريه منه وضحكه وحديث داير !
طب هعوز اي اكتر من كده لتمنيت احضر حفله ومحصلش نصيب ربنا عطاني اكتر ما تمنيت ومرضاش يزعلني فبقيت انا الشخص الوحيد اللي يشوفه يوسف ويكلمه يغازله بلطافه ويهديه الشيئ المفضل عنده !!
كنت لسه همشي بس لقيت حد بينادي 
لفيت لقيته الحارس بيجري نحيتي
نعم اتفضل
ا احم ممكن حضرتك تحضري الحفله 
ازاي ده مش حضرتك قولتلي العدد مكتمل
ضحك وهو بيقول بهدوء 
الشاعر ياستي ضحي بالكرسي بتاعه
عشاني !
قولتها بذهول وانا بشاور علي نفسي
هزلي رأسه وهو بيقول بلهفه 
يالا بسرعه قبل ما يبدء
هزيت راسي وبدون مقدمات كنت بجري زي الطفله الصغيره اللي مستنيه اي حاجه تبسطها !
دخلت وشاورلي الحارس علي المكان اللي هقعد فيه واللي كان مخصص للشاعر
حقيقي انا اكتر حد محظوظ النهارده للدرجادي ربنا بيحبني !
كنت بسأل نفسي بصوت عالي لدرجه الكل سمعني وضحك وانا من كسوفي قعدت علي الكرسي وانا بحط وشي في الأرض 
بحاول اخبي العصير وكأنه كنز ثمين وكأني طفله خاېفه حد ياخد منها لعبتها !
بدأت الحفله وفي الحقيقه انا كنت مبسوطه اوي بدأت اندمج معاه واردد كل كلمه قبل ما يقولها
حافظه أشعاره كلها وكأنها منهج بالنسبالي
كان بيلف يبصلي بين الحين والتاني وخاصه كل ما تيجي جمله عن العين أو الضحكه وكأنه بيوجهلي الكلام
كنت مكسوفه جدا متوتره قلبي بيدق لكن في النهايه كنت مبسوطه 
كان في امل جوايا بيقولي إن اللي جاي هيبقي خير 
بيقولي اني قريب اوي هلاقي اللي يحبني ويحتويني هلاقي اللي يشاركني لحظاتي السعيده اللي تكاد تكون قليله
كان عندي امل اني الاقي نصي التاني وهنا في المكان ده بالتحديد !
خلصت الحفله والكل مشي وانا قاعده مستنيه يخلص عشان اشكره
اشكره علي اجمل
يوم قضيته في حياتي واجمل صوره وهديه حصلت عليها
قربت منه وانا بفرك ايدي بتوتر وحاطه وشي في الأرض بكسوف
ا احم استاذ يوسف
لفلي وهو بيستأذن الناس اللي كان بيتصور معاهم باحترام وقرب مني
اتفضلي يا جميل
ا احم ا أنا بشكر حضرتك جدا انا
انا اللي مبسوط انك حضرتي وهكون مبسوط اكتر لو قبلتي اعزمك علي الغداء بمناسبه عيد ميلادك
رفعت راسي وانا ببرق پصدمه مش قادره اصدق اللي سمعته !
معقوله يوسف اكرم بنفسه بيعزمني علي الغداء !
حسيت نفسي في حلم واتمني لو حلم مينتهيش اتمني يكمل للآخر وتبقي نهايته سعيده وفيها جبر لقلبي وعوض من ربنا عن كل حزن شوفته في حياتي
موافقه
بعد مرور سنه
كنت قاعده في بلكونه بيتنا سانده راسي علي كتفه ببص للقمر المنور في السما والنجوم اللي بتلمع 
قدامنا اتنين شاي بالنعناع وطبقين كيك عملتهم بكل حب عشانه احتفالا بمرور سنه علي اجمل صدفه وصوت ام كلثوم وهي بتقول بحب
الليل وسماه ونجومه وقمره وانت وانا ياحبيبي انا ياحياتي انا 
تمت 
الحدوته دي كتبتها بمناسبه عيد ميلادي واتمني السنه اللي جايه اكون مع حد يستاهلني ويحبني اتمني اكون انا البطله الحقيقيه