مثلث عشق ( سوليية نصار )

الجزء الرابع
-وبالمناسبة أنا حاطلكم سـ.م في الاكل ...
قالتها حور ببرود فبصينالها بصد@مة فضحكت هي جامد وقالت وهي بتاكل:
-متقلقوش ...حتي الفلوس اللي هشتري بيهم السـظم خسا.رة فيكم ...قيمتكم أقل بكتير ...
-حور ممكن تسمعيني ...
قالت أيوب بتوتر ...كان فعلا خايف...
-لا معلش اخر.س عشان مش هسمعك ...
بعدين بصتلي وقالت:
-تعرفي متو.جعتش منه قد ما اتو.جعت منك انتي يا مسك ...يا اختي يا توأم روحي ..كنتي بتقولي كده دايما صح ...
بصيت علي الأرض وانا بعيط فقالت:
-لا لا بلاش تمثيل وعياط يا حبيبتي ...ده أنا شوفتك وانتي مبسوطة في حضن جوزي فمتجيش تمثلي عليا ...

عيطت جامد وانا بقول:
-حور بس اسمعيني...حور ....
-اخر.سي انتي كمان مش عايزة أي تبرير لان مفيش أي مبرر ليكم انتوا الاتنين ...فمفيش داعي تقولوا أي حاجة ...خلينا نستمتع بآخر عشا لينا سوا عشان من النهاردة انتوا خسـ.رتوني ...
حطيت راسي في الارض وفضلت ابكي فزعقت حور وقالت:
-اخر.سي ...اخر.سي بتبكي علي ايه ما أنا شوفتك معاه في الصور  وكنتي مبسوطة ...متقوليش أنك حاسة بتأ.نيب الضمير...اللي زيك مش عنده ضمير اصلا...انتي أكيد خايفة اقول لاهلك...
بصت لأيوب  وقالت :

-واكيد خايف لافضـ.حك عند اهلك واهلي ...

حطت ايدها علي دقنها وقالت:
-بصراحة عندي اغراء شديد اني أعمل كده وافضـ.حكم وابين ر.خصكم للناس ...بس أنا قررت استني ربنا يجيبلي حقي ...يعني زي ما ربنا كشفكم ليا بالصدفة أكيد هيجيب حقي ......طبعا  عايزين تعرفوا  كشفت قذ.ارتكم ازاي ...صدفة صدقوني سبحان الله ربنا مكانش عايز واحدة نضيفة زيي تتغش فيكم ...اتنين من اقذ.ر خلق الله  ...حابين تعرفوا أزاي كشفتكم ؟!
سكتت شوية وبصتلي بقوة ..رغم انها كانت جامدة وبتتصرف ببرود الا اني شوفت عينيها حمرا اووي وكأنها بتقاوم انها تعيط وقتها قلبي و.جعني وحسيت بتأنيب الضمير اكتر فكملت هي .. 
-من فترة والدتك اتصلت بيا قلقانة عشان انتي اتاخرتي وقالت أنك هتروحي عندي وان موبايلك مقفول وقتها  أنا قلقت بس قولتلها أنك كنتي عندي فعلا ولسه ماشية ....
غمضت عيوني ودموعي بتنزل اكتر وانا بفتكر وقتها ان امي اتخانقت معايا لما اتأخرت مع أيوب وقالتلي انها اتصلت بحور تتطمن عليا 
كملت حور وقالت:
-بس اللي كنت معرفهوش ان صاحبتي اللي انا داريت عليها ومرضتش احر.جها قدام والدتها كانت بتصيع مع جوزي اللي سبحان اللي في نفس اليوم رجع برضه متأخر وده اللي خلاني اشك فيكم ...كان نفسي يطلع الموضوع كد.ب...كان نفسي يكون بيخو.ني مع أي واحدة غيرك يا مسك ...مكانتش عايزة اتصدم فيكي لكن لما قدرت افتح تليفونه وشوفت الغراميات وصورك معاه وانتي في حضنه ....حضن جوزي ..جوزي أنا !!وقتها حسيت وكأنك ضر.بتيني بخـ.نجر في قلبي  ...الخيا.نة منك كانت أصعب يا مسك ...اصعب بكتير ...ليه عملتي كده...ليه خو.نتيني ؟!