سكربيت حب مستحيل ( ايمان شلبي ) ..

-هو انا فعلا مضطر امشي عشان عندي شغل اشوفك بكره ياعروسه بااااي

قاله كلامه وهو بيغمزلي بخبث وفي الحقيقه معرفش ليه خدودي احمرت بخجل مش غضپ المره ديه!!

يُتبع 
 الجزء الثاني 
اووووماي جاد هو ده العريس ؟

قالتها صاحبتي "ياسمين" وهي بتبص علي صوره هادي بهيام واعجاب

شديت منها الفون بضيق :

هزيت راسي بيأس وانا بحط وشي في الأرض وبمط شفايفي بضيق وحزن

-لا بجد ملكيش حق يافلك الواد قمر

بصيتلها پغضب :
-انتي هتعاكسيه ولا ايه

ردت بخبث :
-الاه احنا بدأنا نغير ولا ايه ؟؟

فركت ايدي بتوتر وانا ببص في كل مكان إلا عيونها

-غيره ايه وكلام فاضي ايه لا طبعا هو انا بحبه اصلا عشان اغير عليه لا استحاله لا و....

-ممكن نتكلم ؟

قالها حد من ورايا قدرت أميز هو مين من نبره صوته المميزه

بلعت ريقي بصعوبه وانا بلف راسي وبرفع عيوني ابص في عيونه

اول ما عيوني اتقابلت مع عيونه حسيت برڠشه غريبه وقلبي فضل يدق دقه ورا التانيه ورا التالته!!!

هزيت راسي وانا بقوم اقف وببتسم ابتسامه مهزوزه

-م ممكن ياهادي اتفضل

بص علي ياسمين اللي فهمت وقامت بأحراج

-طب هستأذن انا هستناكي في المدرج

رديت بهمس :
-تمام

شاورلي بأيده بهدوء :
-اتفضلي

قعدت مكاني وهو راح قعد علي الكرسي اللي في وشي

اكذب لو قولت انه مش وسيم !!

هو فعلا كان وسيم جدا ،شعره بُني وطويل ،بشرته بيضا ،عيونه زرقا ،رموشه طويله ،جسمه رياضي ،لبسه شيك جداً كله براند وكأنه بطل من ابطال هوليود أو خارج من روايه