رواية راائعة للكاتبة نور البشري الجزء الاخير ( خيط ضعيف )
دا شئ يريحك أنا معنديش مانع .
حسام دخل واحنا بنتكلم
حسام مبروك يا نغم مبروك يا وليد .
وليد الله يبارك فيك .
حسام يسبب كل الي في الاوضة ويسلم علي مروة .
حسام إزيك يا مروة.
مروه ازيك يا حسام .
أنا ووليد بصينا لبعض وفهمنا أن في بداية حاجة حلوة ما بين حسام ومروة.
رجعنا البيت مع بعض
وليد كان بيحاول يريحني بكل شكل
وكل يوم يجبلي كتب جديده علشان أسلي وقتي وانا لوحدي ايام كتير يجمع نهي وكريم وحسام ومروة في البيت عندنا ونسهر كلنا .
كل ما أقوله انا حاسه انك ضاغط نفسك علشاني ولو تحب اروح عند ماما يقولي متكلميش في الموضوع دا تاني انا مستحملش أدخل البيت وانتي مش في
وفي يوم كنا عند الدكتور
الدكتور الحمدلله كل حاجة مستقره وفي خبر حلو .
وليد خير يا دكتور .
الدكتور دول مش طفل واحد مدام نغم حامل في تؤام .
انا بجد يا دكتور الحمدالله زي ما يكون ربنا بيعوضني بعوض العمر كله مرة واحدة.
وليد ماسك ايدي
عارفه يا نغم لو ربنا كرمنا بولد وبنت انا هسمي البنت نغم علي اسمك علشان نفسي تطلع زيك في كل حاجة
أنا يعني يبقي عندك اتنين نغم اتنين مني هنتعبك.
وليد علي قلبي زي العسل بس هي تنور الدنيا بس
أنا طيب والولد هتسمي ايه.
وليد شاكر علشان كل ما اشوفه وابصله اشكر ربنا علي نعمه وجودكوا في حياتي.
يتبع
بقلمي
الكاتبة_نور_البشرى
رواية_خيط_ضعيف
رواية_خيط_ضعيف
الحلقة 23 والاخيرة
عدت شهور الحمل بسرعة كنا بنعد الدقايق علشان نشوف ولادنا
وأنا في الشهر السابع خدت قرار مفاجئ حتي لوليد .
أنا وليد انا اخدت قرار بخصوص شغلي.
وليد خير يا حبيتي.
أنا أنا هسيب المجلة.
في حد ضايقك
أنا لا محدش ضايقني طبعا .
وليد طيب إيه السبب.
أنا انا فكرت ولاقت أنى هبقى عندي مسؤلية طفلين وأنت والبيت وكمان عاوزة احقق حلمي وانزل كتابي حكاوي نغم 2.
وليد إلي يريحك أعملي إنتي عارفة رأي في موضوع الشغل من زمان أنا كنت موافق علشان عارف ان دي حاجه بتفرحك.
تاني يوم روحت المجله لكريم
أنا كريم عاوزة أقولك علي حاجة عارفه انك هتزعل مني وتعتبره تخلي عن المجلة.
كريم خير يا نغم كلامك قلقني .
أنا لا متقلقش ولا حاجة أنا قررت أني أقدم استقالتي هسيب المجلة والشغل نهائي.
كريم ليه يا نغم كدا انتي من أنجح البنات الي قابلتهم.
أنا شكرا يا كريم بس دلوقتي انا هكون مسؤلة عن طفلين وعاوزه اتفرغ لكتابه كتابي حكاوي نغم الجزء التاني .
كريم شئ يزعلني جدا اني أفقد حد زيك من فريق عمل المجلة بس طبعا بيتك وراحتك اهم وطبعا انتي عارفه أن المجله مفتوحه لكي اي وقت.
أنا شكرا ليك يا كريم.
هستأذنك هنزل اخر مقاله ليا النهارده علشان اودع في متابعيني.
كريم إتفضلي يا نغم وهستناكي في فرحي طبعا وخطوبة مروه وحسام هنعملهم في نفس اليوم
كمان اسبوعين .
أنا اكيد باذن الله .
دخلت مكتبي وبدأت احضر في المقال
الي كل متابعيني علي مدار السنين
مقال النهاردة مقال خاص ومميز ودا يمكن لأنه مقال الوادع دا هيكون آخر مقال ليا في عالم الصحافة
مقالي النهاردة
بعنوان خيط ضعيف بكتبه عن تجربة شخصية مش تجربه أحد القراء.
كل واحد فينا في حياته خيط ضعيف بيربطه بيها
في يوم من الايام كان بيربطني بالحياة خيط ضعيف هو الحب الي عاش في روحي مكتوم سنين
حقيقة ان الي رجعني للحياة مقدرش أنكرها
رجعني للحياة بتمسكه بيا برغبته في بداية جديدة والغفران.
الخيط الضعيف قواني واداني الأمل اني أقوم واقف من تاني بعد ما خسړت كل حاجة.
الحب خيط ضعيف بايدينا نخلي يقوى
بالأمل فيه والثقة والاحترام والغفران والمودة
وبايدنا نقطعه بالخصام والتعصب و تقليب الماضي محدش فينا مبيغلطش أو معصوم من الخطأ لو يوم غلطت وجاتلك فرصة تصحح خطأك من جديد أحضنها باقصي ما فيك .
يمكن تكون الفرصة دي عوض ربنا عن كل ۏجع عشته.
الحب بس مش راجل وست
الحب حبنا لنفسنا والقدرة علي تقبل الماضي والأمل في الجاي.
الحب الي بيدفي قلوبنا في لحظة ۏجع.
الحب الي بيدينا القوة علشان نبقي احسن.
الحب بينا وبين أهلنا لو أخدوا قرار غلط في حياتنا كان علشان خوفهم علينا الحب للماضي لما تسامحه وتغفره بكل الي فات وتفتح صفحة جديدة بقلب جديد.
اتمني لكم الحب والغفران لقلوبكم وقلوب احبتكم
امضاء نغم.
بعت المقال ورجعت البيت
وليد نغم إنتي بجد مرتاحة لقرارك اني قدمتي استقالتك.
انا جدا يا وليد انا فكرت في القرار دا كتير ودي كانت اللحظه المناسبة.
وليد اهم حاجه عندي راحتك .
أنا بحبك يا وليد بحب كل لحظة عشتها معاك زمان أو دلوقتي.
وليد ربنا يخليكي ليا يا نغم واشوفك علي طول مبسوطة.
عدي اسبوعين أنا النهارده في أخر يوم في الشهر السابع.
يوم فرح كريم ونهي وخطوبة حسام ومروة
واحنا في الطريق أنا ووليد بالعربية واحنا نتكلم ونهزر
فجاه جالي ۏجع رهيب
أنا وليد الحقني أنا هولد .
وليد بذهول نغم بتقولي ايه إنتي لسه في السابع
ايه ..السابع ..هتولدي بدري .
انا اه الظاهر كدا ۏجع رهيب مش قادرة
وليد هلف وارجع المستشفي حالا .
وصلنا المستشفي دقائق كنت في اوضة العمليات
وليد أصر أنه يدخل معايا .
فضل ماسك ايدي وبيطمني لحد ما روحت في البينج.
فوقت من البينج وليد كان قاعد جنبي ماسك ايدي
أنا وليد ولادنا فين
وليد ولد وبنت زي القمر زيك يا حبيتي حمدالله علي سلامتك.
أنا عاوزه أشوفهم هما كويسين.
وليد أه في الحضانة اطمني علشان اتولدوا بدري .
أنا ودني ليهم.
وليد حاضر شدي حيلك بس واوديكي ليهم انتي لسه تعبانة خالص.
أنا لا دلوقتي اسندني وودني ليهم عاوزة اشوفهم.
وليد عنيدة إنتي يا حبيتي حاضر قومي بالراحة وأنا هسندك لحد الحضانة.
وصلنا الحضانة وشوفت ولادنا.
أنا حته من مننا يا وليد علشان تجمعنا لآخر العمر.
وليد ربنا يقدرني وأحافظ عليهم وعليكي.
أنا هتسميهم زي ما قولت .
وليد نغم وليد وشاكر وليد.
إحساس ملوش وصف انا بقت أم وكملت حياتي مع وليد أد إيه ربنا عوضه كبير وكان بيجهزلي احلى حاجة.
رجعنا البيت مع ولادنا
وليد بقي بيساعدني علي أد ما يقدر
اوقات كتير بنهار من التعب أنام وأ ودلانا في حضڼي ييلعبوا يسهر يلعب معاهم لحد ما أنام شوية.
بدات أشتغل علي كتابي حكاوي نغم الجزء التاني
في وقت الفراغ.
المشهد الاخير
وعدت سنة
النهارده عيد ميلاد نغم الصغيرة وشاكر
وأخر صفحة في حكايتي
هكتبها النهارده قبل ما أجهز للعيد ميلاد.
عشنا أنا ووليد أيام صعبة كتير غلطنا واتعلمنا
قابلت ناس وجعتني وچرحتني بس ربنا بعتلي الي عوض كل الۏجع والصبر والدموع بفرحه تفوق كل الاحلام.
الحكاية لسه مخلصتش مع كل يوم جديد هتقابلوا زي انا ووليد كتير.
لو في يوم ضاع منك الي بتحبه روحك والقدر قدملك الفرصه تعيد الي كان من تاني.
امسك فيها وحارب علشان تحافظ عليها وأحضنها وإشكر ربك علي
هدية الفرصة والعمر الجديد
لما الدنيا تقفل في وشك وتحسسك أنك خلاص مش قادر اتأكد ان دا في عوض جاي ليك في السكة عوض ينسيك كل الألم الي فات ويملي قلبك مكانه بالفرح
وفي كل لحظة وكل دقيقة أشكر رب الكون علي نعمة الحياه والحب والفرصة والفرحة علي نعمة العمر الجديد.
النهايه والبداية
الكاتبة_نور_البشرى
رواية_خيط_ضغيف
اهداء أخير
الحب رحمة يهديها الله الي من يشاء اكراما له على نقاء قلبه كما اهدى الي نغم ووليد .
أمنيتي لكل قلب لامسته كلماتي أن يهديه الله روح طيبة تملئ أيامه بالسكن والسلام والحب ففي الكثير من الحكايات ستجدوا صورا أخرى من نغم ووليد أسكنكم الله في في قلوب دافئة أمنة ووهب لأرواحكم الأمان والسكن والي اللقاء في حكاية أخرى .
الكاتبة نور البشرى
