رواية رفيق الروح مكتملة لجميع فصول بقلم الكاتبه أية عفيفي

اكل
ملك بنتي و هتطلع شاطره شبهي 
عمر طبعا 
مريم انا فرحانه اوي يا سمسم اننا هنبقي مع بعض 
اسماء و انا فرحانه اكتر منك عملنا كل حاجه سوا و هندخل نفس الكليه 
فاكره اول يوم ليا بالخمار لما انتي جبتيه ليا و لبسناه سوا
و اول يوم لينا بالنقاب سوا 
مريم كانت ايام حلو و انا مش هنساها ولا هنسي وقفتك معايا لما كنت في المستشفي و كنتي بتيجي تذاكري ليا الي فاتني في الدروس 
اسماء يا قلبي احنا اخوات و انتي دايما واقفه معايا بتشجعيني 
مريم ربنا يديمك في حياتي يا سمسم
يلا خلينا نروح عشان منتأخرش
اسماء ماشي 
مريم اسماء 
اسماء لا لا
مريم انتي عرفتي انا عايزه ايه
اسماء عايزه ايس كريم مش كده
مريم اه يا سمسم عشان خاطري خلينا نجيب
اسماء النقاب هيتبهدل
مريم احنا خلاص وصلنا البيت هناكله فوق
اسماء ماشي يلا مش هزعلك
مريم احلي سمسم
يوسف شافهم و ابتسم لما شافها بتشتري ايس كريم 
لسه زي ما انتي بتحبي الايس كريم 
ملك آيس كريم يا مريم
اسماء قوللها يا طنط اصرت نجيب ايس كريم
مريم بس يا بت اسكتي 
مافيش اكل ولا ايه يا غاليه البت اسماء جعانه 
اسماء انا الي جعانه بردو ولا انتي الي نفسك مفتوحه النهارده 
ملك اقعدوا مع بعض و انا هجهزلكم الاكل
ملك محمد جه يا سمسم عشان ياخدك
مريم اخوكي جه ليه خليكي باتي معايا 
اسماء يا بنتي انا معاكي طول اليوم ما زهقتيش مني
مريم ما بشبعش منك يا سمسم
اسماء هجيلك تاني يا جميل بس عشان اشوف طنط القمر
مريم بقي كده بتبعيني ماشي
اسماء انا اقدر بس انتي عارفه انا بحب طنط اكتر منك
مريم امي تتحب اصلا 
اسماء يلا تصبحوا علي خير
مريم و انتي من اهله يا سمسم 
عمر مريم يا حبيبتي
مريم نعم يا غالي
عمر جهزي ورقك انتي و اسماء و عمر هيروح يقدملكم في الكليه
مريم بلاش يتعب نفسه انا هروح انا و اسماء اصل احنا متحمسين نشوف الكليه اوي 
عمر ماشي يا حبيبتي اهم حاجه تكوني مبسوطه
يوسف السلام عليكم 
عمر و عليكم السلام 
يوسف قولت اجي عشان اخد ورق البشمهندسه عشان اقدم لها
عمر ملوش لزوم يا ابني راحت هي و اسماء النهارده و قدموا كانوا متحمسين يشوفوا الكليه 
يوسف لسه زي ما هي بتحب تكتشف الاماكن ربنا يوفقهم 
عمر اللهم آمين
ملك مريم يا حبيبتي 
مريم نعم يا جميل
ملك يوسف عارف معيده عندك في الكليه اسمها ريهام هتقابلك بكره في مسجد الكليه 
مريم و يوسف يعرفها منين
ملك مش عارفه يا بنتي جايز كانت زميلته
مريم هو يوسف بيكلم بنات من امتي 
ملك بس مريم بلاش سوء ظن جايز معرفه مش شرط يكون بيكلمها يعني 
مريم انا مالي اصلا هو حر في حياته انا داخله انام عشان اصحي بدري عشان نشوف البشمهندسه ريهام هانم
ملك في ايه مالها كده البت دي ربنا يهديها 
شاب لو سمحت ما تعرفش الاقي البشمهندس عمر خيري فين قالوا ليا هلاقيه هنا
يوسف عايز بابا 
الشاب هو حضرتك اخو مريم 
يوسف و انت تعرف مريم منين
عمر يوسف يا حبيبي في حاجه
الشاب حضرتك البشمهندس عمر
عمر ايوا يا ابني في حاجه 
الشاب عايزه اتكلم مع حضرتك 
عمر اتفضل يا ابني 
الشاب اعرف حضرتك بنفسي انا عبدالله طالب في كليه هندسه اخر سنه و كنت عايز اطلب ايد مريم بنت حضرتك 
هي بصراحه محترمه جدا و مميزه عن الي حواليها و في حاجه شدتني ليها و بتمني تكون شريكه حياتي و ياريت حضرتك توافق و انا اوعدك اني اسعدها 
عمر باين عليك يا ابني ابن ناس و محترم و شكلك بيقول انك شاري بنتي بس انا لازم اسأل عنك و اتكلم مع اهلك و اخد رأي مريم في الموضوع
عبدالله خد وقتك يا عمي و ان شاء الله اهلي هيكلموا حضرتك بس انا حبيت اتعرف علي حضرتك الاول عايز اشوف الانسان الي ربي مريم علي الاخلاق واضح جدا ان حضرتك شخصيه محترمه جدا
عمر ده من ذوقك يا ابني 
عبدالله عن إذنك يا عمي نتقابل مره تانيه ان شاء الله 
عمر مالك يا يوسف شكلك مضايق
يوسف لا ابدا مفيش تعبان شويه هروح انام 
مش قادر اتخيل ازاي واحد يتكلم عنها كده قدامي كان هاين عليا اخنقه بإيدي يعرف ايه هو عن مريم عشان يتكلم كده عنها و بيقول انه بيحبها قدامنا عادي يعني 
مريم مين هيسمع الاول يا حلوين 
ساره انا يا ابله
مريم يلا يا جميل
يوسف مريم 
مريم نعم يا ابيه
يوسف تعالي عايز اتكلم معاكي 
مريم في حاجه يا ابيه
يوسف انتي عرفتي اني في واحد معاكي في الكليه جه يتقدملك
مريم اه يا ابيه بابا قالي 
يوسف و انتي كنتي عارفه انه هيجي 
مريم لا هعرف منين 
يوسف يعني ما اتكلمتيش معاه 
مريم لا هتكلم معاه ليه
يوسف امال عرفك منين
مريم و انا اعرف منين يعني و بعدين ايه الاسلوب الي بتكلمني بيه ده انا لاخلاقي ولا تربيتي تسمحلي اني اكلم حد انا عارفه حدودي كويس يا ابيه 
وبعدين انا مش شايفه انه عمل حاجه غلط واحد اعجب بواحده و جه عشان يتقدم لها ايه الغلط في ده 
يوسف انا الي كونت غلطان لما فكرت انك.......
و سابها و مشي 
عمر مريم يا حبيبتي 
مريم نعم يا بابا
عمر ايه رأيك في الشاب الي اتقدملك انا سألت عنه و طلع كويس و من عيله محترمه و انا موافق عليه شوفي رايك ايه يا حبيبتي
مريم لسه بدري يا بابا لما اخلص الكليه الاول .شكلك زهقت مني و عايز تخلص مني ولا ايه يا غالي 
عمر ازهق منك يا حبيبتي ده انتي نور عيني 
مريم يبقي خلاص لما اخلص الكليه
عمر خلاص يا حبيبتي زي ما انتي عايزه
مريم ايه الشياكه دي يا جميل انتي رايحه فين كده شكلك خارجه مع الحاجه في مشوار
ملك بس يا بكاشه 
يا ستي احنا رايحين نخطب ليوسف 
مريم ايه!! يوسف هيخطب مين 
ملك البشمهندسه ريهام عشان كده سألتك عنها و لما قولتي انها كويسه و محترمه عمر كلم اهلها و حددنا معاهم معاد
مريم و يوسف وافق
ملك اه يا حبيبتي الحمدلله وافق اخيرا و هنفرح بيه
يتبع
آيه عفيفي
رفيق الروح
الفصل
عمر ما شاء الله ناس ادب و اخلاق 
ملك فعلا يا عمر ناس طيبين و يدخلوا القلب و العروسه اللهم مبارك قمر 
بس احنا هنلحق نجهز للخطوبه بالسرعه دي 
عمر ان شاء الله نلحق احنا مصدقنا ان يوسف وافق يخطب
مريم هو اتحدد

معاد الخطوبه 
عمر اه يا حبيبتي الاسبوع الجاي عقبال ما نفرح بيكي انتي كمان
ملك هتساعديني يا مريم في تجهيزات الخطوبه
عمر سيبي مريم تذاكر عندها امتحانات ربنا يوفقها انا و انتي ان شاء الله نلحق نخلص
مريم عن اذنكم هدخل اذاكر
طول الاسبوع كنت قاعده في اوضتي ما بخرجش منها مش عايزه اسمع اي تفاصيل عن خطوبتهم لحد ما جه يوم الخطوبه
ملك انتي لسه ما لبستيش يا مريم هنتأخر يا حبيبتي
مريم لا انا مش هاجي 
ملك مش هتيجي ليه 
مريم عند امتحان بعد بكره و ملحقتش اخلص الماده لسه 
ملك مش عايزه تيجي عشان تذاكري هتلحقي تخلصي مذاكره يا حبيبتي بس انتي تعالي عشان يوسف هيزعل لو مجتيش 
مريم يوسف مش هيفتكرني و هو مع خطيبته 
و لو سأل عني قولله اني عندي امتحان و اكيد يهمه مصلحتي
ملك شكلك زعلانه من يوسف مش كده
مريم لا عادي 
عمر انتي مش هتيجي يا مريم
ملك لا مش هتيجي عندها امتحان 
عمر ماشي يا حبيبتي اقعدي ذاكري
جده يوسف عشت وشوفتك عريس يا نور عيني ايه الحلاوه دي يا واد 
اضحك كده يا واد النهارده خطوبتك و لا تكون مكسوف 
يوسف يلا يا تيتا هنتأخر
عمر ايه الحلاوه دي يا عريس رينا يكملك علي خير يا ابني
يوسف امال فين مريم 
ملك مش هتيجي عندها امتحان و بتذاكر
يوسف و المذاكره اهم مني يعني
عمر انت عارف يا ابني انها بتحب الكليه و عايزه تجيب تقدير
يوسف ربنا يوفقها 
مريم اسماء تعالي اقعدي معايا انا محتاجاكي 
اسماء في ايه مالك انتي بټعيطي ولا ايه 
مريم تعالي يا اسماء
اسماء اهدي بس و انا هلبس و اجي
اسماء في ايه مالك قلقتيني عليكي بټعيطي ليه كده 
مريم يوسف يا اسماء هيخطب النهارده هيخطب واحده غيري انا كنت فاكره انه بيحبني زي ما انا بحبه الكل فاكر اني بحبه زي اخويا بس انا حبي ليه اكبر من كده انا كنت واخده قدوتي و كنت بقلده في كل حاجه .بس هو طلع بيعتبرني اخته يا اسماء
اسماء اهدي يا حبيبتي ما تعمليش في نفسك كده 
مريم كنت بدعي يكون من نصيبي بس بقي لغيري
اسماء لو من نصيبك هيكون ليكي مهما حصل ممكن الخطوبه تتفشكل
مريم شكله بيحبها يا اسماء و هي طيبه و تستاهله 
اسماء اهدي يا حبيبتي بكره تتجوزي واحد احسن منه 
مريم ما فيش حد زي يوسف محدش بېخاف عليا زيه
انا هدعي انه يبقي من نصيبي و انا عندي حسن ظن بالله انه مش هيخذلني
اسماء حسن الظن بالله مش معناه ان ربنا يحقق الي انتي عايزه معناه اني مهما كان الي ربنا قدره ليكي خير حتي لو انتي مش عايزه 
نرضي كده و نقول الحمدلله
مريم الحمدلله
اسماء يلا امسحي دموعك و خلينا نقوم نذاكر عايزين نجيب تقدير 
انتي بقيتي بخيله من امتي مش هتشربيني عصير المانجو الحلو الي طنط بتعمله انا واحده هفتانه و داخله علي الامتحانات
ما تبصيش ليا كده اه انا باجي عندكم عشان اشرب عصير 
يا بت اضحكي بقا انتي قمر و انتي بتضحكي يا جميل
مريم يلا نذاكر يا سمسم
اسماء يلا يا جميل
ملك ازيك يا اسماء يا حبيبتي
اسماء الحمدلله بخير يا طنط
ملك الخطوبه كانت حلوه عقبال فرحكم يا حلوين
اسماء لسه بدري علينا يا طنط نخلص الكليه الاول
عن اذنك يا طنط الوقت اتأخر
بقيت بتجنب اقابل يوسف في مكان غيرت مواعيد في تحفيظ الولاد عشان ما نتفابلش حتي لما بيجي عندنا بقيت بنام او اروح عند اسماء
اسماء مريم تعالي عشان تساعديني اختار الفستان الي هلبسه في فرح محمد انا اخت العريس ولازم اكون احلي واحده
مريم انتي قمر من غير حاجه يا سمسم 
يلا انا هلبس و اجي
يوسف السلام عليكم 
مريم و عليكم السلام 
عن إذنك
يوسف هي رايحه فين
عمر رايحه عن اسماء عشان تساعدها انت عارف محمد فرحه قرب
يوسف دلوقتي فاضيه و مش عندها مذاكره 
عمر انت لسه زعلان يا يوسف عشان ما حضرتش خطوبتك خلاص يا ابني انسي الخطوبه عدي عليها سنه 
يوسف ماشي 
عمر مش هتحدد معاد الفرح يا ابني
يوسف لسه شويه 
عمر ليه يا ابني التاخير طالما شقتك جاهزه
يوسف عشان نتعرف علي بعض اكتر
عمر يا تعبني معاك يا ابني 
ملك مالك يا حبيبتي حاسه انك متغيره في حاجه مضايقاكي يا بنتي
مريم مافيش حاجه يا ماما بس ضغط المذاكره و الامتحانات
ملك هي الامتحانات طول السنه 
مريم انا اتأخرت علي اسماء و لازم اروح ليها
ملك ماشي