رواية عندما تجد الأمان مكتملة لجميع فصول بقلم الكاتبه المبدعة نشوه عادل

خير ربنا كتير الحمدلله انا عاوز اعرفك حاجة اهم 
عز ما تنطق يا ابنى ع طول انت عارف انى مبحبش جو الفضول ده 
عادل رفعت ابو رنا شركاته كلها افلست وسمعت ان الست رنا كمان خسړت الفلوس والاتليه اللى كانت فتحته بعد ما اتعرفت ع واحد ڼصب عليها ومضاها ع كل حاجة انا قولت اعرفك 
سرح عز شويه وفاق ع صوت عادل هقوم انا عشان اجهز واوصل اسيل متتأخررش انت كمان اوك!
عز ان شاء الله يا صاحبى 
خلص عز ورجع ع البيت وهو مبسوط لعادل لبس ع زوق نورهان طقم كلاسيك قميص اسود وبنطلون جملى وكان وسيم جدا 
نورهان اوعى البنات تعاكسك انا بقولك اهو 
عز ولا يملى عنيا ولا يشغل تفكيرى غيرك انتى سواء حاضرة او غايبة 
خبط الباب وكانت البيبى سيتر واسمها اسماء وقالت عز بيه فيه واحدة بتسال ع حضرتك 
عز وهو بيبص لنورهان واحدة مين دى!
اسماء بتقول اسمها رنا المهدى ووووو....يتبع
عندما_تجد_الامان الحادى عشر
بقلم_نشوه_عادل
بتقول اسمها رنا المهدى ومستنية حضرتك تحت ف الجنينة 
مشيت اسماء ونظر عز لنورهان وقالها من فضلك خليكى مع لارين ومتخليهاش تنزل تحت وانا هعرف اتصرف معاها 
نورهان عشان خاطرى متتعصبش اتعامل بهدوء وبلاش تعلى صوتك عشان لارين 
عزتمام 
نزل عز واول ما شافته رنا اتفاجئت معقول ده عز اللى كان دايما مهرجل ومش مهتم لا بشكله ولا لبسه ولا تسريحة شعره حاسة ان هى بتشوفه لاول مرة ف حياتها جريت عليه عشان تحضنه لكن عز وقفها باشارة من ايده وقال تؤتؤ متخليش العشم ياخدك اوى كده يا مدام انتى محرمة عليا ولا انتى ناسية!
رنا بدموع عز شوفت اللى حصلى انا وبابى كل حاجة ضاعت وبقينا ف الشارع ومحدش من اهلنا راضى يقف جنبنا ويساعدنا 
عز وانا مالى انتى متخصنيش اصلا 
رنا حبيبى انا عارفة انك مضايق منى اوى وعارفة انى غلطت جامد ف حقك وفى حق بنتى كمان بس انا واثقة انك لسه بتحبنى 
عز بضحك حلوة الثقة اللى ف غير محلها دى رنا انتى ليه مش قادرة تفهمى انى كنت مستحمل همك وقرفك عشان البنت لحد ما اكتشفت انك اكبر غلطة ف حياتى وفى حياتها والحمدلله ربنا عوضنى بست الستات كلها وعرفت معاها معنى كلمة حب ومودة بجد مش جشعة وانانية وكلبة فلوس زيك
رنا طب عشان خاطرى اقف جنبى عشان خاطر بنتنا!
عز بعصبية بنتى انا وبس انتى مينفعش تكونى ام انتى اللى سماكى ام ظلمك ده انتى جاحدة ده انتى بسببك البنت لحد الان بتحلم بكوابيس فيه ام ف الدنيا تحبس بنتها ف الضلمة وتضربها ولا فى ام بنتها تقولها خليكى معاها تسيبها وتروح النادى والكوافير تعرفى انا لو بايدى كنت دفنتك بالحيا قصاد كل كلمة اه طلعت من بنتى بسببك
رنا بتحدى بس دى بنتى وانت متقدرش تحرمنى منها وكله بالقانون 
عز تقريبا انتى عندك فقدان ذاكرة وناسية انك مضيتى ع تنازل عن بنتك مقابل ٢ مليون وحتى مكلفتيش خاطرك تقرأى البنود ولا اخدتى بالك من وصل
الامانة اللى مضيتى عليه يعنى احط فيه اى رقم دلوقتى وارفع عليكى قضيتين واحدة بالتنازل وواحدة بالوصل 
اټصدمت رنا وحاولت تستعطفه مرة تانية زوز انا رينو حبيبتك طب خلينى اشوف لارين مرة 
عز بتحذير قسما بالله العظيم وانتى عارفة كويس انى لما بقسم بالله بنفذ لو فكرتى مجرد تفكير وشيطانك وزك تقربى من لارين هنفذ كل اللى قولته دلوقتى واعيشك بالسجن بقيت عمرك ودلوقتى زى الشاطرة كده خليكى بشوية الكرامة اللى لسه عندك ده لو عندك اصلا والباب اللى دخلتى منه ده تخرجى منه ومشوفش وشك تانى لا من قريب ولا بعيد حتى لو صدفة فاهمة
قال كلمته الاخيرة بزعيق خرجت رنا وهى مصډومة ازاى اتغير كده مش شكله بس حتى صفاته وكلامه وحست انها بتتعامل مع وحش نزلت نورهان وقربت من عز اللى كان بيصب عرق وعروقه بارزة پغضب جففت عرقه ومسكت وشه بايدها مرحلة وعدت والمفروض انك نسيتها متخليش اللى حصل ده يأثر عليك 
عز كان نفسى اموتها بسبب اللى عملته ف بنتى وفيا
نورهان متستاهلش ومظنش انها هتفكر تقرب منك بعد اللى عملته وقولته اهدى بقى زمان عادل ع وصول ومينفعش يشوفك كده 
حضنها عز وقال شكرا انك ف حياتنا ي روح 
نورهان بعصبية مين روح دى ان شاء الله !
عز بضحك انتى روح لانك رديتى لينا الروح ورجعتينا للحياة 
ضحكت نورهان ووصل عادل واخد عز واتقدم لاسيل واتفقوا ع كل حاجة
رجع عز ع البيت وكان هدى تماما وكمان فرحان لعادل غير هدومه واتعشوا وقعدوا يلعبوا مع لارين لحد ما اخدتها نورهان ونيمتها ورجعت ع اوضتها وقعدت قصاد عز 
عز مالك يا نور حاسس انك عاوزة تقولى حاجة!
نورهان بصراحة اه بس خاېفة 
عز پصدمة خاېفة! خاېفة منى!
نورهان اخاڤ منك انت اكيد بتهزر ازاى اخاڤ وانت امانى 
عز اومال خاېفة من ايه !
نورهان خاېفة ع زعلك او انك تضايق وانا مش بحب اشوفك كده ابدا
ابتسم عز وقال انا لو زعلت واضايقت من الدنيا كلها هاجى لحد عندك واعمل استوب قولى ع طول من غير مقدمات ولا خوف 
نورهان رنا 
اټصدم عز
وقال مالها جات ليكى او قالت حاجة زعلتك ده انا امحيها من ع وش الارض
نورهان اهدى ي حبيبى محصلش اى حاجة من دى لا جات ولا قالت حاجة ولا تعرفنى اصلا 
عز اومال ف ايه قولى ع طول انتى عارفة انا مش بحب الفضول 
نورهان عاوزاك تساعدها 
عز نعم! اساعد مين اساعد اللى كانت السبب ف اللى انا وبنتى وصلنا ليه اللى زى رنا دى حرام فيها الكلمة الطيبة حتى 
نورهان عز يا حبيبى دى مهما كان ام بنتك سواء رضيت او رفضت هيفضل اسمها مرتبط بلارين ف شهادة الميلاد وانا مش بقولك ساعدها عشانها هى لا عشان خاطر لارين 
عز لارين! انتى بتتكلمى بجد ده انتى اكتر واحدة عارفة كويس انا بنتى پتكره سيرتها واسمها اد ايه
نورهان خلاص بلاش عشان خاطر لارين عشان خاطر ربنا كأنك بتعمل خير لله ودى مهما كانت واحدة ست يرضيك انها تفضل ف الشارع كده 
عز اللى زى دى مش بتقدر المعروف ولو عملت كده هتاخدها حجة وتنط ليا كل شويه وتفكر ان فيه امل ما بينا 
نورهان طيب انا هقولك تعمل ايه ووووو...يتبع
عندما_تجد_الامان الثانى عشر
بقلم_نشوه_عادل
طيب انا هقولك تعمل ايه انت عندك شقة ف الميعادى ومش بتروح هناك قعدها فيها بدون ما تكتبها ليها وتجيب ليها شغل ف اى مكان وتفهمها انك هتاخد منها ايجار تمن الشقة لما تشتغل وبكده تكون كسبت فيها ثواب وجايز بعد كده ربنا يهديها 
نظر ليها عز بحب وقال هو انتى ازاى كده!
نورهان كده ازاى يعنى مش فاهمة!
عز طيبة وحنينة وبتساعدى اللى تعرفيه واللى مش تعرفيه قنوعة وبترضى بأقل حاجة وكلمة تفرحك بجد لسه فيه كده انتى مستحيل تكونى بشړ زينا!
نورهان وهى تمسك وجهه برفق لا انا بشړ من طين وبغلط ومليانة عيوب بس ربنا وضع ف قلبى الرحمة انا مش ساذجة يا عز انا فاهمة الدنيا كويس ولو طلبت منك تساعدها فصدقنى عشان خاطر بنتك لما تكبر وتعرف اللى عملته لامها بالرغم من كل اللى عملته فيكم هتفتخر بيك اكتر
عز ده انا اللى فخور بيكى وبحمد ربنا مليون مرة انه عوضنى بيكى
نورهان بحب وانت كمان كنت عوض من ربنا ليا ولقلبى كل واحد فينا اتأذى بشكل مختلف وربنا جمعنا عشان عارف ان احنا هنعرف نصون بعض ونحافظ ع بعض 
عز ده اكيد يا روحى 
نورهان طيب ايه بقى مش يلا نوم عشان الوقت اتأخر وعندك شغل بكرة بدرى 
عز اشطا بس بشرط تنيمينى 
نورهان بضحك انيمك يا نونو ليه دى لارين مش بتقولها 
عز يا سيتى انا نونو اعتبرينى ابنك ونيمينى زى لارين 
ناموا بسلام وتانى يوم كالعادة صحيت قبله حضرت ليه الفطار والحمام وقبل ما ينزل قالت ماتنساش تعمل اللى طلبته منك امبارح
عز حاضر يا روح هعملك اللى انتى عاوزاه عشانك والله 
وصل عز ع الشركة ف نفس الوقت اللى عادل وصل فيه ودخلوا ع مكتبه وطلب واحد من الامن ويدعى علاء ....عز اسمع يا علاء هكلفك بمهمة صغيرة وانا عارف انك هتقدر 
علاء طبعا يا عز بيه لو ف ايدى مش هتأخر 
عز عاوزك تعرفلى واحدة اسمها رنا المهدى موجودة فين ولو لقيتها عرفنى بطريقها وبس وطبعا حقك محفوظ 
علاء ماتقولش كده يا عز بيه انا لحم اكتافى من خيرك واللى عندك بيزيد وان شاء الله هحاول اوصل ليها ف اقرب وقت 
عز لا انا عاوزك تعرفلى طريقها النهاردة سيب اللى بايدك هنا لزمايلك واعتبر ده شغلك النهاردة
علاء حاضر يا عز بيه
مشى علاء ....عادل هو ف ايه ما تفهمنى الكلام ع ايه بدل ما انا عامل زى الاطرش ف الزفة كده 
حكى ليه عز عن كلام نورهان ...عز بس يا سيدى وانا بعمل كده عشانها هى لكن رنا دى متفرقش معايا اصلا
عادل والله يا ابنى مراتك دى بقت عملة نادرة ف زمنا ده يا بختك بيها 
عز قل اعوذ برب الفلق امسك الخشب ياض
عادل بضحك يا عم اللهم بارك طبعا انا هقوم اشوف شغلى سلام
العصر لقى عز الفون بيرن وكان علاء وقال عز بيه انا لقيتها 
عز فين!
علاء موجودة ف مستشفى الشفاء اللى ف ..... 
عز مستشفى ليه ! 
علاء ابوها عنده جلطة ع القلب ومحجوز بالمستشفى دى وهى معاه مرافق واللى عرفته انها بتنام هنا وملهاش مكان من واحدة من الممرضين 
عز طيب يا علاء عدى ع الحسابات خد الفلوس بتاعتك وروح انت النهاردة 
علاء كتر خيرك يا عز بيه مع السلامة 
اخد عز مفاتيح عربيته ونزل راح ع المستشفى وشاف رفعت ع اجهزة القلب وبصوت عالى قال سبحان المعز المذل ربنا يشفيك يا استاذ رفعت ويسامحك 
رنا من وراه وهى بتحضنه بدموع عز ...عز انا كنت عارفة انك مش هتتخلى عنى 
ابعدها عز عنه وقال الزمى حدودك يا رنا واوعى تفكرى تلمسينى تانى وانا مش جاى عشانك ع فكرة انا جاى بسبب رغبة مراتى 
رنا بعدم فهم مش فاهمة!
عز يعنى تقدرى تجيبى شنطة هدومك وتيجى معايا هوديكى شقة تقعدى فيها 
رنا بفرحة بجد ..بجد يا عز 
عز ايوة بس خلى بالك هاخد منك ايجارها 
رنا پصدمة ايجار! بس انا مش معايا فلوس عشان ادفع حاجة 
عز ما هو ده الحل التانى انا لقيت ليكى شغل ف شركة الحاق عمالة بالخارج بمرتب كويس تشتغلى وتعطينى ايجارى عاوزة بعدها تشوفى شقة تانية انتى حرة 
رنا باستسلام ماشى موافقة 
عز هاتى شنطة هدومك ع اما انزل تحت اسأل ع حاجة 
نزل عز للاداريين وطلب اسعاف

مجهز عشان ينقل رفعت لمستشفى خاص وكلم عادل طلب من والده يستقبله بالمستشفى بتاعته ويخلص الإجراءات 
رنا شكرا يا عز ع وقوفك جنبى وجميلك مش هنساه
عز لا انسيه متتأمليش ان احنا نتقابل تانى انا كده عملت بأصلى للاخر 
رنا اومال لما احب اجيبلك الايجار اعمل ايه!
عز لا متتعبيش نفسك ابقى سبيه مع البواب 
بالفعل اخدها وعرف البواب انها ساكنة وانه مطالب ياخد منها ايجار من الشهر الجاى ونزلت الشركة زى ما عز قالها 
تعدى الايام طبيعى وفى يوم صحى عز الصبح لقى نورهان لسه نايمة ابتسم وباس راسها لقى حرارتها عالية اتخض 
عز وهو بيهزها نور ...نور فوقى 
نورهان بتعب انا اسفة يا حبيبى مش قادرة اقوم 
عز انتى حاسة بايه طب ..طب استنى انا هتصل بالدكتور 
نورهان مفيش داعى انا هبقى كويسة ان شاء الله بس سيبنى انام 
لم يستمع ليها عز واتصل بالدكتور وجه فحصها كويس وقال عندها سخونية داخلية بس الحمدلله الجنين بخير 
عز باستغراب جنين ايه يا دكتور!
الدكتور المدام حامل هو حضرتك متعرفش ولا ايه ووووو.....يتبع
عندما_تجد_الامان الثالث عشر
بقلم_نشوه_عادل
المدام حامل هو حضرتك متعرفش ولا ايه!
صدمة من نورهان وعز ....نورهان حامل ...حامل بجد! 
الدكتور باندهاش ايوة حامل بس انا مش قادر احدد الشهر الكام بالظبط لان ده تخصص نسا وتوليد 
عز بفرحة شكرا جدا يا دكتور ده بجد احلى خبر انا سمعته بحياتى 
الدكتور العفو ربنا يكمل للمدام ع خير 
مشى الدكتور وقعد عز جنب نورهان...عز نفسى اعرف انتى حاسة الاحساس عندك اتعدمت ولا ايه يا نورى ازاى حامل ومتعرفيش
نورهان وانا اعرف منين هو انا كنت حملت قبل كده انت كمان 
عز بضحك طيب حقك عليا خلاص متزعليش قومى يالا البسى عشان اخدك للدكتورة 
نورهان اوك 
دخلت نورهان غيرت وراحت مع عز عند دكتورة النسا والتوليد وأخبرتهم انها حامل ف الشهر الاول
عز انا مبسوط اوى بجد فرحة الكون كله فيا واخيرا هيكون فيه اخ او اخت للارين 
نورهان بضحك طب بصراحة عاوز ولد ولا بنت 
عز مش هتفرق طالما منك انتى انا راضى بنت بقى ولا ولد حتى لو شايب انا راضى 
نورهان بضحك ليه متجوز كوتشينة
عز احلى كوتشينة بحياتى 
نورهان طيب يلا روحنى بقى عشان لارين زكانها ع وصول 
عز ممكن تريحى نفسك وتلتزمى بكلام الدكتورة وكده كده دادة امينة موجودة وهتخلى بالها منها 
نورهان انا محدش هيخلى باله من بنتى غيرى 
ابتسم عز وروحها وطلع ع شغله واول ما وصل لقى بواب العمارة مستنيه 
عز عم سليمان انت هنا من بدرى ولا ايه!
سليمان ايوة يا بيه حاولت اتصل بيك كذا مرة وتليفونك مقفول 
عز طب تعال معايا ع المكتب ...بص للسكرتيرة ابعتى القهوة وعصير لعم سليمان 
دخل ع مكتبه وقال خير يا عم سليمان ف حاجة !
سليمان الست اللى حضرتك جيبتها تسكن بالشقة لقيتها نازلة بشنطة هدومها وعطتنى الظرف ده والمفتاح وقالتلى اعطيهم ليك 
استغرب عز وقاله امتى الكلام ده!
سليمان الصبح بدرى وكان فى ايدها جواز سفر تقريبا والعلم لله مسافرة 
دخلت السكرتيرة وشرب سليمان العصير ومشى فتح عز الظرف لقى فيه الايجار وورقة مكتوب فيها شكرا ع الاستضافة دى انا مكلتش عليك حقك وسيبت ليك الايجار زى ما انت طلبت انا خلاص تأكدت ان مبقاش ليا مكان ف حياتك انت وبنتى عشان كده كان لازم اشوف حياتى انا اتجوزت واحد سعودى وهروح اعيش معاه هناك مش هزعجك تانى لا انت ولا لارين وللمرة المليون شكرا ع وقوفك جنبى وانا ف اصعب ظروفى واتمنى تحاول تسامحنى وتخلى لارين تفتكرنى بالخير
عدت سنوات كتيرة واليوم حفل تخرج لارين من الجامعة الامريكية ف وجود والدها ونورهان واخواتها ليليان وريان 
لارين النهاردة ربنا كرمنى ان اقف النهاردة وانا الاولى ع دفعتى بتقدير امتياز مع مرتبة الشرف حابة اشكر عيلتى اللى وقفت جنبى ف كل خطوة كنت بخطيها ف مسيرتى التعليمية واللى كانوا اكبر حافز ليا عشان اكمل لكن هخص بالشكر مامى
نورهان 
حست نورهان وكأن قلبها سيخرج من مكانه اول مرة لارين تقول مامى دمعت عيونها واكملت لارين هى كانت الركن الاول ليا الدعم الاساسى منساش سهرها جنبى ومساعدتها ليا انا لو قضيت عمرى كلها اشكرها مش هوافيها حقها لا هى ولا بابى ولا اخواتى انا ربنا بيحبنى اوى فرزقنى بيهم نعمة شكرا من قلبى ليكم 
تصفيق حار ونزلت لارين الى نورهان وحضنتها وقالت بهمس بحبك اوى يا ماما 
دمعت نورهان وشددت من حضنها وقالت وانا بمۏت فيكى يا نور عين ماما والله 
عز طب ع فكرة انا كمان كنت واقف جنبك زيها 
ضحكت لارين وحضنته بحب ....ريان انا فخور بيكى يا لارى ونفسى اكون زيك 
لارين وهتبقى احسن منى كمان ان شاء الله يا حضرت الظابط المستقبلى 
اقترب شخص منهم وقال مبروك يا لارين كنت واثق انك هتاخدى منى المركز الاول 
لارين بابتسامة الله يبارك فيك يا رامى ومبروك ليك انت كمان 
عز مش تعرفينا ع الاستاذ ولا ايه!
رامى اهلا بحضرتك يا عمى انا رامى زميل لارين بالكلية 
عز اهلا بيك ومبروك التخرج 
رامى انا ..انا كنت عاوز اطلب من حضرتك طلب انا عارف ان ده لا وقته ولا مكانه بس انا بنى ادم صريح ومبحبش اللف ولا الدوران
عز اتفضل طبعا 
رامى انا ..انا بصراحة بحب بنت حضرتك جدا وعاوز ادخل البيت من بابه طبعا انا عارف انه لسه متخرج وكده بس انا ضامن شغلى والحمدلله ليا بيزنس خاص واكيد حضرتك هتسأل عنى كنت حابب اخد رقم حضرتك ونتفق ع ميعاد عشان اجيب اهلى ونيجى نتقدم 
لارين پصدمة رامى انت ...انت مقولتليش انك بتحبنى
رامى كنت عارف انى لو صارحتك هخسرك وانك مش هتصدقينى استنيت اليوم ده بفارغ الصبر عشان اثبتلك حبى بالفعل مش بالكلام 
اعجب عز بيه جدا وابتسمت لارين بخجل واستخبت ف حضڼ ليليان اختها ....ليليان ايوة يا عم مين ادك تخرج وخطوبة ف يوم واحد عقبالى
ريان وهو بيخبطها بخفة ع راسها لسه بدرى اوى عليكى يا مفعوصة 
ضحك الكل واعطى عز رقمه لرامى وبالفعل اتخطبوا وبعد سنة كان يوم المنتظر 
دخلت نورهان ع غرفة لارين وكانت لابسة الفستان الابيض والطرحة وجمالها ينحنى ليه القمر دمعت وقالت سنة ورا سنة وانتى بتكبرى قصاد عينى وبستنى اليوم اللى اشوفك فيه بالابيض وربنا عطى ليا الصحة والعمر عشان اشوفك بيه 
لارين وهى بتبوس ايدها دايما معايا وسندى يا امى 
احست نورهان برعشة ايد لارين وقالت خاېفة مش كده!
لارين اوى حاسة انى داخلة ع امتحان صعب مش مذاكرة ليه 
اخدتها نورهان من ايدها وقعدتها وقعدت جنبها وقالت هو مش امتحان هى مرحلة وحياة جديدة هتتحولى فيها من واحدة كانت مسؤلة من اهلها لواحدة بقت مسؤلة عن بيت وزوج وقريب ربنا يرزقك بالذرية الصالحة وتكونى مسؤلة عن اسرة حلوة زيك وانا واثقة
ان بنتى حبيبتى هتكون زوجة صالحة وام حنونة 
دمعت لارين ....نورهان كان نفسك تكون موجودة معاكى مش كده 
نظرت ليها لارين باندهاش حضرتك عرفتى ازاى!
نورهان اللى ربى خير من اشترى يا بت 
لارين مش عارفة يمكن كان نفسى تكون معايا بس كل ما بفتكر عمايلها بقول لا خليها بعيد
نورهان بس دى امك وهى هنا ونفسها تحضنك وهى اتعلمت الدرس سامحيها عشان تقدرى تكملى الجاى من حياتك 
مشيت نورهان وفتحت الباب ودخلت رنا حضنت لارين وهى بدمع وكأن لارين نسخة رنا ف شبابها نسيت لارين زعلها منها وبادلتها الحضن وبعدها وصل عز واخد لارين عشان يوصلها لعريسها 
انتهى الفرح ومشى المعازيم وانتقلت لارين لحياتها الجديدة 
رنا شكرا ع كل اللى عملتيه مع بنتى وشكرا انك خلتينى اجى واشوفها وهى عروسة 
نورهان العفو انا معملتش الا المفروض كان لازم يتعمل 
مشيت رنا وبقى عز مع نورهان وقال اتمنى لارين تكون زيك ف بيتها 
نورهان واتمنى رامى يكون زيك ليها يكون ليها الامان
عندما_تجد_الامان الاخير
بقلم_نشوه_عادل