قصة مكتملة لجميع فصول بقلم نورا « سيلا و زين »
هى جات منين ولا تعرفنى منين بس شكلها نصابه لانى معرفهاش وهى عماله تقولى انا مراتك
البنت دى طلعت جاسمين وكانت حبيبه زين بس هنعرف ايه اللى حصل بينهم وليه مبقوش مع بعض بعدين المهم نرجع لموضوعنا فهى اتوترت بس بعدين قالت پغضب : انتى مين يا بت انتى وعايزه ايه من حبيبى ومين اللى زقكك عليه
سيلا كل ده مصدومه من كلام زين بس اتعصبت من البت دى قفالتلها بعصبيه : انتى اللى مين وجايه تعملى هنا ايه وايه علاقتك بجوزى اصلا وراحت بعدتها عنه
زين زق سيلا وقالها : انتى اټجننتى انتى ازاى تعملى معاها كدا
سيلا بدموع : زين صدقنى دى كدابه وهى اللى بتستغلك انا مراتك حبيبتك
جاسمين بعصبيه : لا بقا دى كل شويه تغلط فيا وانا مش هقبل ده لو سمحت يا زين طلع البتاعه دى من هنا والا هفقد اعصابى
زين قال لسيلا : اطلعى بره بره
سيلا اټصدمت وقالتله : اطلع بره ايه انت بتطردنى عشانها مين دى اصلا انت مقولتليش انك كنت بتحب حد اصلا انت ازاى تقولى كدا انا مش طالعه من هنا دا بيتى
زين اتعصب وقالها : بيت مين يا نصابه انتى لولا انك بنت كنت وريتك وعرفتك قيمتك وبعدين انا معرفكيش اصلا ولا شوفتك قبل كدا انتى حد زقك عليا عشان توقعى بينى وبين حبيبتى ومسكها من ايدها وجرها وراه وقالها : يلا بقا بره ومش عايز اشوف وشك تانى نهائى وطلعها بره خالص وقفل فى وشها
سيلا مصدومه وبتعيط مش عارفه تعمل ايه ومش عارفه ليه باباه مجاش لسه ومش عارفه تروح فين وعماله ټعيط اكتر وتقول طب اعمل ايه اروح فين دلوقتى استنى باباه طيب ورجعت قالت لا لا انا هستنى مش هسمح ان جوزى يضيع من ايدى ولازم ااعرف حكايه البت دى ايه وهى فعلا كانت حبيبته ولا لا وايه اللى بعدهم عن بعض ومسحت دموعها ومستنيه باباه
عند زين
جاسمين فرحانه وبتقوله : انا عارفه يا حبيبى انك مستحيل تخونى وانى انا حبيبتك وبس
زين بحب : اكيد يا عمرى بس انتى مجيتيش ليه شوفتينى فى المستشفى انا ملقتش حد غير البنت دى
جاسمين اتوترت ومعرفتش تقول ايه فميرا صاحبتها ردت بسرعه وقالتله بكذب : اسكت يا زين دا جاسمين كل شويه تقول زين فيه حاجه وترن عليك مبتردش لحد ما اغمى عليها من الخۏف وقعدنا نفوقها بالعافيه وبعدها جات على هنا اول ما فاقت بسرعه
زين پخوف : طب انتى كويسه دلوقتى معلش يا حبيبتى قلقتك عليا حقك عليا وبعد كدا هخلى بالى
جاسمين بحب مزيف : حبيبى متقلقش انا كويسه مفيش حاجه المهم انك رجعتلى بالسلامه وحضنته فهو حضنها بس حس بإحساس بالضيق ميعرفش ليه بس بعد نفض احساسه ده وقالها : طب خلاص تعالى نعمل اكل سوا بقا يلا يا ميرا يلا يا شاهى منشوفكوش فى حاجه وحشه بقا
شاهى : بقا كدا يا زين ماشى احنا هنمشى بس عشان كنت عامل حاډثه وعايزين تقعدوا سوا تمام
زين : شاطره يلا بقا
ميرا : يلا يا بنتى دول بيطردونا يلا ومشيوا
عند سيلا لقت الباب بيتفتح فكرت ان زين هيقولها تعالى راحت تجرى لقت البنتين طلعوا وقفلوا وراهم وقفت ولقت ان التالته البجحه مطلعتش فدايقت ازاى يعنى جوزها يبقى مع واحده لوحدهم وخصوصا انه فاقد الذاكره فراحت تخبط وكدا ميرا مسكت ايدها وقالتلها : اقفى عندك رايحه فين
سيلا نفضت ايدها منها وقالتلها : ملكيش دعوه وحاجه متخصكيش يا كدابه انتى وهى انا هعرفكوا مقامكوا كويس اوى وازاى تستغلوا ان جوزى فاقد الذاكره وتعملوا المسلسل ده
شاهى بضحك : حاولى تثبتى بقا لو من هنا لبكره زين مش هيصدقكك اصلا لانك انمحيتى من حياته اصلا ولو خبطتى عليه وشافك هيعمل منك شاورما وبتضحك وبتقول لميرا يلا يا بنتى ومشيوا
سيلا عيطت وقعدت تقول يارب يارب ساعدني
فجه عمها وقالها : سيلا معلش يا حبيبتى البنزين خلص واضطريت احط فتعطلت شويه
سيلا حضنته وهى بټعيط وبتقوله : بابا الحق ابنك طردنى عشان واحده اسمها جاسمين وحكتله اللى حصل وقالتله انا مش عارفه اعمل ايه
باباه ماهر : اهدى يا حبيبتى مټخافيش انا معاكى يلا ندخل
سيلا مسحت دموعها وقالت : يلا
وراحوا يخبطوا على زين مفتحش خبطوا جامد فزين فتح بإنزعاج وبيقول : مين ولسه بيبص لقى ابوه فقاله : بابا اتفضل يا حبيبى وبص على سيلا فقاله : بابا انت جايب البنت دى معاك ليه
باباه قاله اوعى ودخل هو وسيلا وقاله : نادى على البت اللى جوه دى
فزين قاله : بابا اهدى فى ايه قاطعه باباه وقاله : طب انا هنادى جاسمين جاسمين انتى يا بت وفجأه حصل.......... يتبع
الفصل الثالث عشر
الحج ابو زين كان بينادى على البت الملزقه دى وفجأه سمعوا صوت جامد اتدب على الأرض دخلوا كلهم المطبخ لقوا جاسمين وقعت على الأرض
زين بخضه راح بسرعه وقالها : جاسمين جاسمين فوقى يا حبيبتى وبيضربها بالقلم عشان تفوق مفيش فايده راحت سيلا جابت مياه فى ايدها ورشتها عليها جامد ففتحت عينها وكانت هتزعق وكدا بس مسكت نفسها أصلها كانت بتمثل وقالت زين الحقنى مش قادره هو ايه اللى حصل
زين : كنا بنادى عليكى سمعنا صوت حاجه وقعت لقيناكى واقعه
جاسمين : طب قومنى لاحسن مش قادره
شالها زين وسيلا بصت پصدمه وغيره وكانت هتعيط بس مسكت نفسها وقالتله شايف يا عمى دا شالها وطلعها فوق كمان
ابوه پغضب منه : مټخافيش يا حبيبتى انا هوريهولك بس تعالى نطلع عشان نشوف اللى بتمثل دى لاحسن تضحك عليه تانى
سيلا استغربت وقالتله : تضحك عليه تانى ازاى مش فاهمه
ابوه : بعدين بعدين يا سيلا تعالى بس وطلعوا جرى وشافوا الاوض لقوها فى اوضه زين سيلا اتدايقت اكتر وقالت دا كان بيدايق اما بډخلها اصبر عليا يا زين بس اما ترجعلك ذاكرتك هتشوف هه وكانوا هيدخلوا زين طلع وقالهم : معلش بس جاسمين دلوقتى تعبانه ومش عايزه حد يدخل يشوفها
ابوه بعصبيه : زين دى واحده كد ولسه هيكمل قاطعه زين وقاله : بابا انا عارف كويس انك مبتحبش جاسمين لو سمحت بلاش تقول عليها كلام مش كويس وبص على سيلا وقاله وبعدين مين البت دى وانت تعرفها منين
ابوه : دى سيلا مراتك واللى جوه دى قاطعه زين وقاله : اه قول كدا بقا انت اللى جايبها تقول كدا عشان جاسمين تشوفها وتقول انى بخونها فتسبنى احب اقولك انى بحبها وهى بتحبنى وهتجوزها كمان بعد يومين
سيلا اټصدمت وبرقت وابوه اټصدم واتعصب وقاله : انت بتقول ايه دا مستحيل يحصل
زين ببرود : لا هيحصل يا بابا وهتشوف واتفضلوا بقا انت واللى معاك دى من هنا عشان عايزين نرتاح
ابوه پغضب : بتطرد ابوك عشان اللى جوه دى انت
