رواية كوميدية كاملة بقلم روني محمد ( يوميات سوكة المچنونة )

شنطة وعطتها لعماد كلهم كانوا مستغربين معتز قال 
بت انتى سرقتى مين عشان تجيبى الفلوس دى
انا مش حرامية الفلوس دى بتاعتى اصل طلع ليه عم مليونير ماټ وورثته
عماد فتح الشنطة واتفاجأ لما لقا الشنطة كلها ورق ابيض ..
سوكة حطت ايدها على وشها وقالت 
يخربيتك يا شمشون .. اه يا نصاب يا بن الڼصابة ..
بعد وقت 
عند سوكة وسندس 
سندس امسحى يا اختى امسحى عجبك كده ..
سوكة وانا يعنى كنت هعرف منين ان الزفت شمشون ده نصاب
بت ده عفريت حد ياخد على كلام العفاريت
اهو الى حصل بقى المهم انا متغاظة من الى اسمه معتز ده .. ده زعقلى قدام الموظفين
احسن تستاهلى ما انتى الى بداتى
سوكة كانت قاعدة حطة رجل على رجل وكانت بتغنى 
الغزالة رااايقة ... والناس الحلوة .... ولا يا شمشون نضف بضمير
شمشون اتعصب ورمى الفوطة من ايده وقال 
مش هينفع الپهدلة الى انا فيها دى يا ست سوكة .. انا عفريت ابن حرام بردو
اهو انت قولت ابن حرام اشتغل وانت ساكت ..
جت سندس وقالت 
يالهوى انتى جيباه معاكى الشغل طب افرضى حد شافه ..
انا قلت استفاد منه بدال ما هو قاعد ولا شغله ولا مشغله ..
سندس بقولك ايه يا شمشون روحنى البيت انا رجلى وجعانى مش قادرة امشي ..
شمشون اتعصب تانى وقال 
لأ بقى انا مش مكمل انا خلاص زهقت منكم
سوكة قامت وقربت منه ومسكته من قفاه وقالت 
انا ممكن احرقك دلوقتى .. بص انت مفيش طلب واحد طلبته منك وعرفت تنفذه
شمشون ما انا لسه عفريت مبتدأ بس مسيرى اتعلم
سندس بلا وكسة انت جى تتعلم فينا .. ده ايه الحظ المنيل ده ..
فى بيت سوكة 
سوكة وحنان مكنوش عارفين يقعدوا من صوت الدوشة حنان قالت 
لا بقى ده مبقاش بيت .. ده بقى كبارية
سوكة ولله يا ماما انا ماسكة نفسي ومش عاوزة انزلهم وعاملة حساب ليكى وللحج ابويا ..
بت يا سوكة تعالى ورايا
ايوه كده ألعب .. الست حنان بنفسها هتتعارك ..
بعد شوية فى الدور الى تحت 
حنان جرا ايه يا جيرة منيلة بستين نيلة ماتلموا نفسكم شوية
سوكة ايوه اماما اديها خليها تتوب
ردت عليها لوسى وقالت 
فى ايه يا ست حنان احنا عملناك حاجة .. الله
حنان عملكم اسود مطين بهباب .. احنا مش عارفين ننام منكم دماغنا صدع
لوسى طب ما تخدى اسبرين انا مالى
سوكة مسكت لوسي من شعرها وقالت 
جرا ايه يا ولية يالى شبه عضة انتى ....انتى بتتريقى على امى !

المعركة بدات وكله كان بيضرب فى بعضه زياد خرج من الشقة وقال 
سوكة .. وماما انتم بتعملوا ايه هنا ..
حنان ولا يا زياد يخربيتك انت ايه الى جابك هنا
زياد فى ايه يا ماما انا بسهر كل يوم هنا .. ده حتى بابا كمان جوه تعالو تعالو
حنان بغيظ كده ....يا محسن طب يمين بالله منا سيباك
محسن منك لله يا زياد .. اا انا كنت جى عشان اخد زياد انا عمرى ما ابص لواحدة تانى يا حنون
زياد لا يا ماما متصدقهوش هو اصلا الى جه الاول وشاف الرقصة من اولها انا جيت متاخر
بعد وقت 
محسن كان قاعد وماسك عينه وبيقول 
اه يانى .. توبت ولله يا حنان
حنان انا هخليك تتوب اكتر يا ابو عنين زايغة
محسن انا يا حنان ابص لغيرك طب انشالله انتص فى نظرى ... اا اه يا عينى
حنان احسن .. تستاهل انا مبقاش حنان بت شوقية لو مطفتش الناس العرة دول من هنا ..
محسن بصوت واطى يا خسارة مشوفتش اخر فقرة
بتقول حاجة يا ابوسوكة
لا كنت بقول انا عرفت دلوقتى سوكة طالعة لمين
سوكة وشمشون كانوا واقفين فالشارع سوكة قالت 
شايف الجدع الى هناك ده الى لابس اسود
اه شايفه ده لونى المفضل
المهم عوزاك تستخبى فى عربيته واول ما يجى يمشي تظهرله وتجبله صرع ..
شمشون حاضر يا ابلة سوكة
سندس شمشون اوعى تيجى جنب الواد الحليوة ابو قميص ابيض ده
شمشون احتار وقال 
انا كده اتلغبط قوليلى بقى اعمل ايه
سوكة انتى غبى يلا .. اه يا دماغى انا حاسة انى هتشل..
سندس الحقى يا سوكة ده ماشي بالعربية ..
سوكة ولا شمشون اجرى بسرعة حصله
بعد شوية شمشون كان قاعد يعيط وماسك رجله 
سوكة قالت 
يا حظك المنيل بستين نيلة يا سوكة وانا الى قلت ان خلاص العفريت ظهر وهيحل مشاكلى ..
سندس بذمتك ده عفريت ده .. ده اخره عيل فاشل ساقط ابتدائية
شمشون اعمل ايه يعنى ما انا كنت بجرى وراه والعربية داست على رجلى اه يا رجلى
سوكة يارتها كانت داست على رقبتك يا جدع كنا خلصنا منك ..
شمشون عيط اكتر وقال 
اا انا عاوز امى .. روحونى لامى
سندس ما تروح يا عم هو حد مسكك
شمشون انا تايه بقالى اكتر من ٢٠٠ سنة
تستمر القصة أدناه
وكسة توكسك يا بعيد .. ٢٠٠ سنة بدور على