رواية راائعة للكاتبة زينب محروس كاملة من الفصل الاول الي الفصل الثامن والاخير... ( حب المراهقة )

متولى يتردد فى ذاكرته و مرة واحدة فتح عيونه لما سمع صوتها الرقيق و هى بتقول مالك
اخد نفس طويل و قال بجمود ماليش ايه اللى جايبك هنا ع الصبح فى حاجة
جاية اشوفك.

عشان ايه مكنش المفروض تيجي اتفضلى يا غادة روحى الكلية قبل ما باقى العمال يوصلوا.

طب ما اللى يوصل يوصل فيها ايه واقفة مع ابن خالتى!

يا غادة فى حاجات كتير مبقاش المفروض إنها تحصل من هنا و رايح لازم يكون فى فواصل بينا و بعدين مش كل الناس عارفين إنك بنت خالتي ف دا غلط عليكي ف لو سمحتي تمشي من هنا.
غادة بدموع فادي أنت بتعاملني كدا ليه بلاش تكون قاسې معايا كدا.
فادي بعصبية غادة بقولك امشي من هنا لو مش مشيتي حالا حتى تعامل القرابة اللى بينا أنا همحيه.
غادة سكتت لثواني و هى بتبصله و بټعيط و بتحاول تستوعب إن العصبي و القاسې اللى قدمها ده يبقى فادى اللى كان احن واحد عليها و اكتر واحد بيحاول إنه يسعدها مسحت دموعها و ابتسمت بكسرة و قالت أنا هوافق ع العريس.......
يتبع........

الجزء الثالث
غادة ابتسمت بكسرة أنا هوافق ع العريس اللى بابه جايبه.
فادي شد على أيده بضيق و قال بتكشيرة براحتك..... حياتك و انتى حرة..
غادة مسحت دموعها معاك حق أنا حرة
لفت ضهرها و مشيت خطوتين و هو متابعها و نفسه يمنعه بس مش قادر و مرة واحدة غادة رجعتله و جريت عليه و هى بټعيط.
ثانية ثانيتين تلات ثواني و كان فادى باعدها عنه و رفع ايده و نزل على وشها بكف كان كفيل عشان يمحي كل ذرة امل عند غادة اللى بصتله پصدمة و هى حاطة ايدها على خدها رفعت نظرها ليه پصدمة و دموع متحجرة فى عيونها فهو قال بجفاء من النهاردة أنا و انتى زى الأغراب و كأنك متعرفنيش و اه لازم تعرفى انا عمرى ما هحبك و لا هبادلك نفس مشاعرك التافهة المراهقة.
كلامه ده كان فعلا هو النهاية لعلاقتهم حتى ك ولاد خالة غادة مشيت من قدامه و هى فى حالة صدمة من اللى حصل. 
كانت ماشية و هى مش عارفة رجلها هتوديها على فين.
فادى فضل واقف مكانه و مغمض عيونه بۏجع فسمع صوت سلمى من وراه بتقول بضيق
أنت واحد غبي خليك كدا بقى لحد ما هتضيع من إيدك كبريائك ده هيخليك تخسر اكتر واحدة بتحبها.
فادى حاول يظهر إنه مش مهتم و اتحرك تانى يكمل شغله فى العربية و قال 

بتتكلمى على ايه يا سلمي
دا على اساس انى صغيرة يعني و مش فاهمالك! أنا شوفت اللى حصل من شوية و شوفتك و أنت بتمد ايدك على بنت يا استاذ يا محترم!
فادى بضيق هى اللى مش محترمة بتحضني ليه اكون ليها ايه عشان تحضني كدا! غادة كبرت يا سلمي و المفروض تعرف كويس دينها بيقول ايه و ايه اللى المفروض يحصل و ايه اللى لاء انا اه صح ابن خالتها بس بردو اجنبى عنها و المفروض يكون فى حدود بينا فى التعامل مش كفاية ساكت على لبسها ده!
سلمي بجدية معاك حق فى موضوع التعامل ما بينكم ده بس أنا بتكلم على إنك ضړبتها يا فادى و دا مش مبرر و لا عمرها دى كانت اخلاقك! دا غير انى عارفة إنك بتحبها يا فادى و أنا و انت عارفين دا كويس لكنك خاېف تتكلم أو تقول على مشاعرك عشان مش عايز تحرج نفسك مع عمي صلاح...... صح
فادى اتنهد بقلة حيلة معاكى حق أنا فعلا مش هتكلم عشان عمي صلاح أنا واثق إنه مش هيوافق ف ليه أحرج نفسي و كفاية كلام فى الموضوع ده و متتكلميش معايا فى حاجة تخص غادة نهائى بعد كدا.
سلمي بضيق أنت حر خليك جبان كدا علطول عموما مكنش ينفع تضربها أو تمد ايدك عليها.
فادى باندفاع هى اللى غلطانة و حضنتني.
سلمى حتى لو هي غلطانة يا فادى كان المفروض تفهمها بهدوء و تعلمها ايه الصح و ايه الغلط و كمان غادة دلوقت فى مرحلة مراهقة يعني بردو لسه مش مدركة أوى لأفعالها يا فادي.
أنا مش معلم حد و لا هفهمها حاجة ابقى اتكلمي انتي بقى أو متتكلميش دى حاجة ماتخصنيش و يلا بقى انتى كمان من هنا عشان عندى شغل.
بعد يومين فى بيت فادى كان قاعد بيقلب فى فونها لما والدته جت و قعدت جنبه فسألها و عيونه فى الفون أمال فين سلمى يا أمي
والدته بتلقائية عند غادة أصل النهاردة علاء جاى يقعد مع غادة و يتعرفوا على بعض.
فادي بضيق مكتوم و هي سلمي هناك ليه وسيط يعني و لا ايه مش فاهم!
والدته باستغراب فى ايه يا فادى دى بنت خالتك و أنت عارف سلمي و غادة مقربين ازاى من بعض!
فادى قفل فونه و قام بسرعة أنا رأيك اجيبها الوقت أتأخر.
خرج من البيت تحت نظرات والدته المستغربة ضيقته الواضحة فى الكلام و قالت و هى بتبص فى الساعة ع الحيطة وقت ايه اللى أتأخر! دى الساعة لسه سته!!
فادى وصل عند خالته و خبط ع الباب و رنا فتحتله فقال بضيق رنا اندهي ل سلمي عشان نمشي.
رنا بحماس تمشي فين يا فادى مش هتشوف عريس غادة أنا متحمسة اوى.
فادى بضيق هو أنا يعنى تايه عن علاء ما كلنا عارفينه اندهي ل سلمي الله يكرمك يا رنا مش ناقصك.
قبل ما رنا ترد جت والدة غادة و هى بتقول فادى أنت واقف ع الباب ليه يا ابنى ما تدخل.
لاء يا خالتى معلش مستعجل اندهي سلمي عشان رايحين مشوار
والدة غادة بقولك ايه يا فادى مينفعش تأجل المشوار النهاردة.
فادى بجدية لاء يا خالتى دا ضروري بس ليه فى حاجة
والدة غادة أصل عمك متولى مش هنا و هيتأخر فى الشغل و مينفعش علاء يجي و ميكونش معانا راجل بس يلا بقى طالما مش فاضي هرن على عم غادة يجي يستقبله.
فادى رجع فى كلامه و قال بسرعة لاء يا خالتى خلاص أنا هأجل المشوار ليوم تاني.
بعد شوية كان فادى قاعد فى الصالون مستني علاء يوصل و هو بيفكر هيعمل ايه عشان يطفشه و هو سرحان سمع صوت غادة بتقول ماما متعرفيش الهيلز الأسمر فين
أو ما سمع صوتها عيونها اتعلقت ع باب الصالون و بالفعل غادة دخلت و يا ريتها ما دخلت اټصدم من لبسها و شكلها كانت لابسة فستان أحمر قبل الركبة و كتفها باين و رافعة شعرها و حاطة روج أحمر.
غمض عيونه پغضب و هو بيستغفر ربنا و قام و اتحرك لعندها و مش واخد باله من نظرتها المصډومة و دموعها اللى اتجمعت لما افتكرت اللى حصل من يومين.
اتحرك لأوضتها بعد ما قال تعالى ورايا.
سلمي اول ما شافته جريت عليه و قالت بلهفة أنت جاي عشان تمنع غادة من الجوازة دى