رواية راائعة وجديدة بقلم حنين عادل مكتملة لجميع فصول... ( حب وانكسار )

قصاد عيني دائما كان حافز شيخ فسره ليا أن ده الصراط اللي هانمشي عليه يوم القيامة
اكتشفت اني مش بعمل لآخرتي اي حاجة فكان لازم افوق
بدأت حفظ في القرآن استغفرت كتير وسألت كتير وعرفت أن رحمة ربنا اكبر ..وان التائب عن الذنب كمن لا ذنب له
بس نفسي ربنا يتقبل مني ويقبل توبتي واي شاب او بنت عملت الأكونت ده وعملت بيه حاجات غلط تعرف انها هاتخرب حياتها وتنطرد من رحمة ربنا

الحب غريب ..هل ده فعلا كان حب لا دي كانت علاقة الشيطان مهيأها في دماغي أنها حب وډمرت حياتي عليه وهديت استقرار بيتي وخسړت مراتي
سلمي اتخطبت لابن عمي اللي جدي قال عليه ..
الغريب اني مازعلتش حسيت أن ربنا طبطب علي قلبي وارتحت ومابقتش في بالي
حاولت كتير ارجع لمراتي بس مكنتش موافقة حتي تقابلني اترجيت عمي كتير يخليها تقابلني وتوريني ابننا اللي ماكنتش عاوز اشوفه الا لما ابقي انسان كويس واخيرا وافقت
روحت حلقت ولبست احسن حاجة عندي وكأني عريس وجبت لها هدية وبوكيه ورد ودخلت
دخلت عليا الصالون وهي لابسة عباية استقبال لونها لافندر ولأول مرة الاحظ جمالها ورقتها وكانت شايلة ابننا قعدت وقعدت قصادي وكانت متوترة
بصيت في عينيها 
انا متحرمة عليك
أخدت ابننا وبصيت ليه سبحان الله الخالق المبدع كان تبارك الله شبه أمه
بصيت ليها جميل اوي شبهك
بصت لي وهي مستغربة ..
مؤمن علي فكرة انتي مش متحرمة عليا انا رديتك
وقفت پغضب بس انا مش عوزاك
شدتها قعدتها علي حجري فا اتحرجت وقامت قعدت بعيد ساكتة
مؤمن انا عارف اني ماستحقش فرصة منك حتي اني كتير عليا والله بس صدقيني انا اتغيرت اتغيرت اوي جربيني بس 
والله بحبك
آية ايه قولت ايه !
مؤمن بحبك وربنا ماعرفش امتي وازاي فجأة لقيتني بفكر فيكي كتير وحاسس بالندم لدرجة اني لما بتفكر عملت ايه ببقي عاوز اموت نفسي اديني فرصة والله وهاسعدك
هزت دماغها بابتسامة فاطمن قلبي لاول مرة وجوايا أحاسيس كتير وحلوة 
روحنا بيتنا وعيشت اسعد انسان في الدنيا وربنا عوضني اكيد بنزعل من بعض احيانا بس بنرجع تاني ده وقود الحب
فرحان