قصة قصيرة كاملة للكاتبة الاء محمد ( وفي قانون العشق دائما يسقط الكبرياء قتيلا بڼار الشوق )

بجد ..
احمد بغرور طبعا .. انتي اول مره تلبسي سوليتير ولا ايه ..
ندي بصراحه اهاا .. هو انت شقتك فين ..
احمد انا عندي شقتين واحده ف مدينتي و واحده في أكتوبر .. اختاري اللي عيزاه ونفرشها ..
ندي اممم طيب حلو اوي .. انا موافقه ..
احمد بلامبالاه عارف .. المهم هنكتب الكتاب علي طول عشان انا مبحبش اضيع وقتي انا ورايا شغل كتير ..
ندي وافقت رغم طريقته السخيفه معاها و انه طول الوقت شايفها غبية ومش بتفهم .. كانوا قاعدين في الصالة بتاعة بيت أحمد وندي ماسكه الموبايل بتختار الوان الشقه ..
ندي الله احمد اللون ده حلو .. اي رأيك نعمله ف اوضه النوم ..
احمد بص للتليفون اي الارف ده .. انتي ذوقك بيئة كده ليه .. هنعمل اي لون تاني انا اختاره ..
ندي بس يا احمد انا كده مختارتش اي حاجه في بيتنا .. انت اللي مختار كل حاجه حتي لون السجاد ..
احمد والله هو ده اللي عندي مش عجبك نفركش الموضوع كله ..
والدة ندي جت علي صوته وقالت لا يا حبيبي موضوع ايه اللي يتفركش بص اعمل اللي انت عايزه انا عارفه ان ندى بنتي زوقها مش قد كده ..
ندى بس يا ماما ..
امها قطعتها وقالت بس ايه .. ابن خالتك عنده حق انتي ايش فهمك اصلا في الالوان هو يا حبيبي ذكي وشاطر واعرف كل حاجه اسكتي انتي بقي ..
ندي سكتت وهي مضايقه ومش مرتاحه بس اضطرت تمشي الدنيا عشان امها عايزة كده ..
 دنيا مالك يا ابني فيه ايه ..
ادم ندي بقالها فترة بعيدة عني ومش بتسأل عليا وأما بكلمها بتقفل بسرعه مش عارف مالها ..
دنيا بتفكير وده حصل امتي ..
ادم بدموع ف عينه من ساعة ما تعبت وحصل اللي حصل .. هي ممكن تكون زهقت مني عشان بقيت عاجز ..
ندي بصتله لا يا حبيبي انت ان شاء الله هتبقي زي الفل .. هي تلاقيها بس مشغولة او مش حابه تشوفك وانت تعبان كده ..
ادم يارب .. انتي لابسه كده ورايحه فين ...
دنيا رايحه اقابل ريم هنخرج شوية .. تيجي معانا 
ادم لا روحي انتي انبسطي ..
دنيا فعلا خرجت و ادم فضل قاعد ماسك الموبايل .. شوية وسمع صوت زغاريط جاية من بيت ندي .. استغرب اوي هيكون اي سبب الهيصه دي .. اتصل ب ندي اتفاجي انها عملتله بلوك ..
احمد يارب ميكونش اللي ف بالي يارب ..
صوت الزغاريط والاغاني علي اوي .. ادم كان عايز يروح يشوف فيه ايه بس مكنش قادر يقف .. اتحامل علي نفسه وقام سند علي الحيطه لحد ما حرج من البيت .. طلع بيت ندي اتفاجي بالماذون قاعد عندهم وبيكتب كتاب ندي علي ابن خالتها ..
ادم پصدمه ايه ده .. اي اللي بيحصل هنا يا ندي ..
ندي اتفاجئت ووقف و هي متلغبطه ومش عارفه تقول ايه .. والدتها قربت منه ..
الام اهلا يا ادم .. انت اكيد عرفت ان انا النهارده كتب كتاب ندي فجيت تبارك لها صح .. الله يبارك فيك يا حبيبي تعالي تعالي لما اسندك لحد البيت بدل ما تقع ..
والدة ندي شدته وخرجوا برا الشقه وبعدوا عن الناس ..
الام بقسۏة اسمع بقي .. بنتي شافت حياتها واختارت راجل عنده فلوس و شقتين و عربية وهيعيشها كويس .. مش لسه بيكون نفسه زيك وهيقعد كام سنه عقبال ما يجيب الأساسيات ..
ادم بصلها وابتسم برغم كل الۏجع اللي جواه حضرتك عندك حق الف مبروك واعزميني على الفرح بقي عشان ندي هيبقى لها عندي هديه كبيره اوي ربنا يسعدها ..
بااك ..
ادم فاق من ذكرياته على صوت باب الشقه بيتفتح ثواني ودخلت اخته لاوضته   ..
دنيا بابتسامه وحشتني اوي يا ادم ..
ادم وانتي كمان وحشتيني مقلتليش ليه ان انك هترجعي النهارده ..
دنيا حبيت اعملهالك