قصة قصيرة كاملة للكاتبة الاء محمد ( وفي قانون العشق دائما يسقط الكبرياء قتيلا بڼار الشوق )

بيستغل في اي مناسبه عشان يعرف الناس انه مهندس .. بقولك عربيتك الجديده نوعها حلو اي علاقه انك مهندس مش فاهمه ..
مصطفى ضحك عشان احنا مميزين ولازم نتعامل معاملة خاصه ..
ريم ضحكت ولسه هترد لقيت ادم ف وشها وبصصلها پغضب ..
ريم بصتله وابتسمت مستر ادم ازيك ..
ادم بغيظ الحمد لله .. مين ده ..
ريم ضحكت هي و مصطفي هاا قوله بقي انت مين ..
ادم اتنرفز من ضحكهم ما تقولي انتي انا بسألك انتي علي فكرة ..
مصطفى ما تهدي يا عم .. انت مش عارفني .. انا مصطفى .. مصطفي محمد ..
ادم بصله باستغراب وبعدين ضحك اوي ده بجد .. انت مصطفى ..
مصطفى لا خياله مالك ياض بقيت عامل كده ليه بقولك انا مصطفى ..
ادم جري عليه وحضنه واحشني  .. انت فينك من زمان ..
مصطفى في الدنيا وحشني يا صاحبي ..
ريم ضحكت لقاء السحاب .. مصطفى و ادم .. ولا زمان يا ولاد ..
مصطفى ضحك و بصلها سيبي زمان ل زمان .. احنا ف دلوقتي .. ادم احنا رايحين نتعشي انا وريم و طنط .. تيجي معانا 
ريم لا مستر ادم مش فاضي هنروح احنا التلاته بس ..
مصطفى بصلهم باستغراب و ادم قال باحراج انا .. انا فعلا مش فاضي .. روحوا انتوا ولينا قعدة يا مصطفى ..
مصطفى ابتسم و فضل واقف معاهم وهما بيتكلموا وبيهزروا .. كان هيتجنن من الغيرة .. بس مش قادر يتكلم او يعترض علي اللي بيحصل لان ده مش من حقه ..
شوية و والدة ريم جت واستغربت أما لقيت ادم واقف معاهم ..
مصطفي اول ما شافها جري عليها وباس ايدها وحشتيني يا طنط .. عاملة ايه يا حبي ..
والدة ريم ضحكت يا واد اختشي انت هتفضل طول عمرك كده ..
مصطفي غمزلها انا كده معاك بس يا عسل انت ..
ريم خف معاكسات لأمي يا زفت انت ..
 كلهم ضحكوا اوي و ادم بص ل والدة ريم ازيك يا طنط ..
والدة ريم كشرت وردت من غير نفس الحمد لله .. يلا يا مصطفى شوف هتعزميني فين ..
مصطفي عنيا .. فلتتفضل سمو الاميره ..
ركبوا كلهم واتحركوا بالعربية .. وراحوا مطعم شيك وقعدوا ياكلوا ..
مصطفى بص لريم ها مش ناويه تحكيلي بقى ..
ريم اخدت بالك مش كده ..
مصطفي طبعا ايه اللي حصل ...
ريم حكيتله كل اللي حصل معاهم من اول ما وقفت جنبه وساعدته لحد ما اتخطبوا وبعدين سابوا بعض ..
مصطفى ياااه معقول ادم يبقى بالنداله دي ..
ريم انا مش بالومه ولا زعلانه منه انا عارفه كويس اوي ان محدش له سلطه على قلبه ..
مصطفى اتنهد انتي هتقوليلي انا عارف ده كويس اوي ..
والدة ريم لا والهانم لسه بتحبه ..
مصطفى ابتسم مش بايدها يا طنط ..
أما عند ادم طلع بيته وهو مضايق..
ندي بصتله انت نزلت فجأة كده ليه ..
ادم مصطفي كان واقف تحت نزلت اسلم عليه ..
دنيا مصطفى محمد صاحبك انت وريم من المدرسة ..
ادم ايوا .. كان واقف تحت بيتكلم هو وريم ف نزلت اسلم عليه ..
دنيا اهاا .. طيب كويس .. انا هنزل انام بقي تصبح علي خير ..
ادم وأنتي بخير ..
 ادم اول ما نزل لقي مصطفي واقف وساند علي عربيته كأنه مستنيه ..
مصطفى بصله وابتسم كنت مستنيك .. تعالي نقعد علي قهوة عم عطية ..
ادم مشي معاه من غير ما يتكلم .. قعدوا علي القهوة ..
مصطفى هاا عايز ايه ..
ادم بصله انت في ايه بينك وبين ريم ..
مصطفى وده يخصك في ايه