رواية راائعة للكاتبة آية محمد مكتملة لجميع فصول... ( ابن صاحب الشركة )

لأوضته و أكل غداه بعد م غير هدومه و أخد شاور... وقف في بلكونته يتفرج علي البحر ووو
قاسم پصدمة اه ي بنت المچنونة!
كانت فرح بتتمشي علي الشط و هي لابسة فستان بيج من الشيفون اللي بيطير مع الهوا وهي بتتصور أو بتتكلم فيديو.. 
خرج من أوضته ونزل لحد عندها.. كانت بتكلم والدها اللي باصص في الفون و مبيردش علي كلامها...

فرح أول م تخف ي بابا ليك عليا نيجي هنا أسبوع علي حسابي..
عايده ي بت طب و عمتك!!
فرح تبيعي نورهان بنتك و تيجي معانا!
عايده ولا أعرفها أصلا..
فرح أيوا كدا أحبك و أنتي بياعه..
عايده هي يعني نورهان كانت فكرت تاخدني معاها كل سنه لما بتروح الساحل مع جوزها!
فرح ب مزح مفيش مره حتي تقولك تعالي ي ماما معانا غيري جو..
قاسم بوتجاز!!
فرح مستر ممكن طلب!
قاسم أطلبي!
فرح م تجيب النضارة دي هتصور بيها و أديهالك تاني...
قاسم بضحك ي بنتي أرحميني و أرحمي نفسك...
فرح اي دا ده أنت بتضحك اهو زي باقي البنأدمين أومال اي بقي!!
قاسم اي بقي اي هو انا ماشي أزعق في وشكوا!!!
فرح لا خالص! ده أنت أمير...
قاسم ما علينا! كنتي بتكلمي والدك
فرح أيوا..
قاسم هو.. والدك حصله كدا لسبب معين ولا فجاءه كدا!
فرح كانت جلطة..
قاسم اه.. ربنا يشفيه ي رب..
فرح ي رب..
قاسم و أنتي بقي اللي شايلاه
فرح ماديا بس مش أكتر.. عمتو مسابتوش لحظة.. هي أرملة و عندها بنت متجوزة و مخلفه و ولد متجوز ومسافر برا.. من ساعة م بابا تعب سابت بيتها و جت عاشت معانا..
قاسم و والدتك!!
فرح ماما حبيبتي مټوفية من عشر سنين.. كانت مريضة كبد ربنا يعافينا...
قاسم علي كدا أنتي شايلة المسئولية من بدري بقي!
فرح اه يعني... ممكن..
قاسم يعني و ممكن ازاي!!
فرح أنا.. كان عندي أخت أكبر مني..
قاسم كان!! و هي فين دلوقتي
فرح ماټت...
الكلمة وقعت بشكل صعب بالنسبة لقاسم.. إحساسه بالذنب علي غلط مش غلطه لدرجه أنه حمل نفسه مسئولية كل اللي حصل.. 
مسئولية أن غرام تتظلم كل السنين دي من أهلها.. من حياة فرح اللي متدمرة و المسئولية اللي أكبر من سنها و خطوبتها اللي اتفشكلت... 
و والدها اللي أصبح مقيد في سرير بين أربع حيطان و نظرته للي حواليه بصعوبة و إدراك قليل.. 
بس رجع فكر للحظة معقول تكون غرام فعلا رجعتلهم و حصل سبب تاني خلاها تتوفي!!
قاسم من أمتي
فرح بعد ماما ب كام شهر..
عرف أنها بتكدب عشان تهرب من اسئلته.. محبش يضغط عليها أكتر من كدا...
قاسم تيجي نشرب قهوة او شاي!
فرح لا أنا هطلع أنام شوية عشان تعبت من السفر..
قاسم تصبحي علي خير..
فرح و أنت من أهل الخير..
قاسم ااه فرح.. أنا أسف لو أسئلتي ضايقتك..
فرح هو اي كم الإعتذارات اللي بينا دا!!
قاسم والله أنا بردو شايفها كتير.. بس بيقولوا الصحاب مبيبقاش بينهم إعتذار أو شكر..
فرح بس أحنا مش صحاب..
قاسم يعني مننفعش صحاب!!
فرح خلينا نسمي كل حاجة بإسمها الحقيقي و الحقيقة أن أنت إبن_صاحب_الشركة اللي بقي مدير الشركة و أنا سكرتيرتك.. و دلوقتي ممكن أطلع أوضتي
قاسم أتفضلي.. هستناكي الساعة تسعة..
فرح تمام..
فرح رجعت لأوضتها وهي بتفكر في كلامها معاه.. بعتت رسالة ل هالة..
فرح أزيك
هالة بإستغراب عملتي اي ي مصېبه!!
فرح أنا بقولك إزيك ي هالة علفكرا!!
هالة فرح متحوريش عليا! اي اللي حصل
فرح مستر قاسم قالي ينفع نكون صحاب و أنا قولت أنه مديري و مش أكتر.. هو أنا كدا عكيت!
هالة لا طبعا معكتيش أصحاب دي يعني اي زي انا و أنتي أو زيك أنتي وعلا أو داليا مثلا!! تضحكي معاه و تهزري معاه و كدا!!
فرح أيوا.. يعني هما الصحاب اي غير هزار و ضحك!
هالة طب هو اي اللي خلاه يقولك كدا
فرح كنا بنتكلم و قال كدا! و بعدين أنا قولتله أنه مديري و بس!
هالة فرح! هو كان بيتكلم عادي فاهماني..
فرح أيوا م أنا عارفة.. مټخافيش عليا ي هالة.. قلبي دا قفلته من سنين...
هالة البنات دي غريبة أوي.. كلمة عادية بتجيبهم و توديهم و تخليهم يحطوا ألف إحتمال..
فرح بس مش أنا.. مش أنا بجد دي حقيقة.. أنا مبقيتش أثق في حد..
هالة ولا حتي أنا!
فرح طب انا هقفل بقي قبل م نتخانق.. خلي بالك من الشركة علي أخلص الفسحة بتاعتشي.. يلا سلام...
فرح قفلت الموبايل و وقفت في البلكونة وهي بتفكر..
فرح أنا عارفة أنك كويسة ي هالة و أنا بحبك.. لكن أثق في الناس ازاي و أنا شوفت بعيني البنت بتخون ثقة أبوها!! 
م أنا صاحبة عمري و أختي خانت ثقتي! 
إبن الجيران و خطيبي خذلني و أتخلي عني 
أثق في الناس إزاي بس!!
بعيدا عنهم.. ياسر في أوضته قدام اللاب توب بتاعة بيكلم أخته فيديو...
ياسر ها ي ستي عملتي اي!!
دعاء معملتش ي ياسر الاه.. هي مش موافقة..
ياسر خلاص أنا هكلم أبوها و أتقدملها رسمي وخلاص..
دعاء اه عشان بدل م تترفض بيني و بينك تترفض قدام عيلتها كلهم و أبوك و أمك كمان!
ياسر هي ليه رفضاني طيب اي السبب!!
دعاء شكلك واقع بجد
ياسر أنا كل أما باجي البلد بيبقي عشان أشوفها بس مش أكتر...
دعاء يعيني ع الحب ي سيدي..
ياسر م تخلصي ي دعاء بقي تتصرفي هعنس ي شيخة!!
دعاء ولااا متزعقش فيا!!
ياسر حاضر ي أستاذة دعاء.. مش هزعق..
دعاء طيب أنا هروحلها دلوقتي تظبطلي شوية هدوم و هكلمها تاني..
ياسر ماشي.. يلا سلام..
قفلت الخط مع أخوها الكبير و خرجت عشان تعمله اللي أتفقوا عليه... 
في قرية ريفية بسيطة و جميلة.. عيلة ياسر عايشين فيها انما هو عايش في القاهرة لوحده عشان شغله... 
وصلت وهي شايله في إيديها شنطة فيها هدوم لبنت بتظبط اللبس في محل صغير جمب بيتها...
دعاء إزيك ي زينة أخبارك اي!!
زينة الحمد لله ي دعاء تعالي..
دعاء فاضية ولا عندك شغل كتير!!
زينة إن كنت
مشغولة أفضالك ي عروسة.. فرحك إمتي ي بت!
دعاء بعد العيد الصغير علطول..
زينة ربنا يتمملك علي خير...
دعاء أنتي عرفتي أن البنات بتوع الثانوية اللي أنتي فصلتيلهم فساتين نزلوا صوره ع النت!!
زينة اه عرفت و زعقتلهم... ازاي بنات صغيرة زيهم ينزلوا صورهم كدا.. و المشكلة أن أهلهم هيمسكوا فيا أنا..
دعاء ده مكسب ليكي الناس تشوف شغلك.. ده أنا شوفت كذا حد. بيسأل مين اللي عملهم...
زينة بس مش علي حسابهم.. و بعدين ده رزق و هيجيلي هيجيلي.. و أنا الحمد لله مرتاحة كدا.. قوليلي بقي عاوزة اي يتعمل!!
دعاء عاوز أقصر العبايات دي عشان أحطهم في جهازي و عاوزاكي تفصليلي كام فستان خروج علي اللي هجيبوا.. و فستان كتب الكتاب بقي زي م عملتيلي فستان الخطوبة ي سكر...
زينة ماشي ي حبيبتي عنيا ليكي..
عبد الله الشاااي ي زينة!!
زينة ي لهوواي نسيت أني حاطة الشاي أعملك معايا!!
دعاء أستني بس هو أنتي عملتي الشباك دا أمتي.. ده مفتوح علي بيتكوا!!
زينة اه عملتوا عشان لو بابا عاوز حاجة يناديلي و أسمعه...
دعاء ربنا يخليه ليكي ي رب...
زينة خرجت من المحل و بعد