رواية كاملة بقلم ياسمين علاء الدين من الفصل الاول الي الفصل الأخير ( آدم و سما )

الاسبوع الجي هيبتدي علاج طبيعي ولازم يحافظ علي وزنه.
ادم انا اصلا مش عايز العب تاني. الدكاتره قالو صعب ارجع العب تاني 
اسما وانا دكتوره وبقولك مش صعب .
امينه اسما شاطره يا ادم اسمع كلامها مش هتندم . وبعدين هتخسر ايه.
ادم علي رايك معنديش حاجه اخسره
اسما بطل تشاؤم. خلي عندك تفائل. 
امينه عملتلك بقي البسبوسه اللي انت بتحبها 
ادم هو ده الكلام. 
اسما هيص يا عم.
اسما تليفونها رن وقامت ترد كان لاعب كوره هي بتعالجه.
اسما الو يا كابتن ربيع ...... بكره ميعادنا ... اوك ... سلام .
ادم هو ده ربيع 
اسما اه. هو بيلعب في نادي فرنسي. وجي امبارح. عنده استشاره بكره
ادم هو بيتعالج عندك 
اسما اه كان مصاپ ودلوقتي. بيتابع كل فتره.
ادم ده انتي عديتي بقي 
اسما بغرور طبعا. انت لسه شفت حاجه.
ادم اتغيرتي اوي وبقيتي مغروره كمان 
اسما مش غرور ثقه في النفس.
ادم ضحك ماشي يا واثق.
امينه اتفضل يا حبيبي 
ادم عجبته البسبوسه الله. بجد تسلم ايديك.
امينه دي اسما هي اللي عملتها 
ادم تسلم ايدك يا اسما. البسبوسه طعمها تجننن.
اسما بالهنا. 
ادم انا كده مش هقدر اروح
امينه براحتك يا حبيبي. قعد زي ما انت عايز 
ادم تسلميلي يا حبيبتي .. بص لاسما شاي بقي
اسما رفعت حاجبها لا. 
امينه قومي يا اسما
اسما حاضر .. متخدش علي كده 
ادم براحتي
اسما وهي داخله المطبخ بكره تقع تحت ايدي. وأطلعه عليك
ادم يا ساتر. مش جي من دلوقتي
اسما هتلف تلف وتجيلي. 
ادم خلي بالك في شعره بين الثقه والغرور
اسما واخده بالي متخفش عليا. الشاي
ادم شكرا.
ادم قعد معاهم طول اليوم ورجع بيته بليل .. حط المفتاح في الباب مكنش بيفتح .. رن الجرس كذا مره. لحد اما يارا مراته فتحتله
ادم انتي من امتي وبتقفلي الباب عليكي 
يارا عادي. يعني كنت قاعده لوحدي وقفلته
ادم دخل وهو مكشر مش مقتنع باجابتها. وهي دخلت علي اوضتها .. رفع رجله المكسوره وقعد علي السرير .
عند امينه واسما. .. قعدين بيتكلمو.
امينه مراته مجتش معاه
اسما هي شكلها مغرور. كنت عارفه انها مش هتيجي .
امينه انا عملت اللي عليا وعزمتها عشان ادم بس
اسما شكله عنده اكتئاب . وده هيصعب حالته 
امينه ربنا معاه . ان شاء الله. ربنا كبير. . انتي اعملي اللي عليكي .وهو بإذن الله ربنا يشفيه
اسما يارب . انا هدخل انام .عايزه حاجه 
امينه لا . تصبحي علي خير 
اسما وانتي من اهل الخير
اسما دخلت اوضتها وهي بتفكر في ادم والطريقه اللي هتتعامل معاه بيها
اما ادم فكان سرحان في مراته اللي مش مهتمه بيه ومن يوم اصابته وهي اتغيرت معاه. . سرح بفكره في امينه واسما .
ادم الحياه مغيرتهمش لسه زي ما هما طيبين. بس اسما بقت مغرور اكتر. افتكر ضحكتها وكلامها معاه وابتسم
يتبع
بارت٤
الايام بتعدي .. ويارا مرات ادم بقت بتغيب كتير ومش بتسال عنه. ولا بتهتم بيه.
اسما اتصلت بادم وطلبت منه انه يجي المستشفي عشان يفك الجبس. وتبدا جلسات العلاج معاه.
فؤاد وصل مع ادم. للمستشفي
كانت اسما واقفه بتضحك مع كابتن ربيع . ادم اضايق
فؤاد اسما عامله ايه .
اسما انتبهت الحمد لله . عامل ايه . ازيك يا ادم 
ادم كويس
فؤاد الحمد لله .. ازيك يا كابتن 
ربيع مد ايده وسلم علي فؤاد وعلي ادم
ربيع البقاء لله أنا اسف جت متاخر. 
ادم ونعم بالله.
ربيع عامل ايه . هتفك الجبس امتي
ادم الحمد لله . احتمال انهارده
ربيع اسما. دكتورة شاطره وممتازه. خلي عندك ثقه فيها واسمع كلامها 
اسما ابتسمت اللي يشوفك وانت بتتكلم يقول عليك بتسمع الكلام 
ربيع بهزار والله انتي ظلماني. انا كيوت
اسما ضحكت ماشي يا عم الكيوت.
ربيع هستناكي انهارده في المطعم. متنسيش 
اسما فاكره. متخفش
ربيع عن اذنكم انا. وحمد لله علي سلامتك يا كابتن
ادم. هز راسه وسكت وفي نفسه هي بتشتغل وله بتطبق الراجل.
اسما طرقعت صوباعها قدامه عشان ينتبه ليها لانه كان شارد
اسما هاي. روحت فين. 
فؤاد ادم.
ادم ها. في حاجه. 
فؤاد سرحان ليه
ادم مفيش. 
اسما يلا معايا ..
اسما اتصلت بدعاء صحبتها تخصص عظام. وبتستعين بيها علي طول.
دعاء دخلت سلمت علي فؤاد وادم. وجابت المنشار الطبي عشان تفك الجبس
ادم خلي بالك 
اسما كان في واحده اعرفها الدكتور قطعلها رجلها وهو بيفك الجبس
ادم پخوف لدعاء انتي بتعرفي تستعمليه 
دعاء بضحك اه . ما تسمعيش كلامها. دي بتهزر
ادم بصلها طيب خلي بالك الاول وركزي. 
دعاء حاضر ..مكنتش اعرف انك پتخاف كده 
فؤاد ايه يا ادم. الموضوع سهل
اسما اسكت انت متعرفش الحوادث اللي بتحصل. 
ادم متوتر وفؤاد واقف بيضحك. دعاء خلصت وفكت الجبس للادم. اللي حس براحه واطمن انه اتخلص من الجبس
بص لاسما پغضب انتي كان قصدك تخوفيني 
اسما ببراءه انا. 
ادم لا انا. يا بارده
اسما تنح 
فؤاد بجد انتم اطفال. هنعمل ايه يا دكتوره
دعاء هنعمل اشاعه. تاني. بس انا عايزه يلبس نوع حذاء معين هو طبي وهيريحه عشان ميضغطش علي رجله 
ماركه ال
فؤاد ماشي .. . هنزل انا يا ادم. وارجعلك تاني 
ادم ماشي. هستناك
دعاء حاول تقف عليها وتتمشي واحده واحده . 
ادم تمام
دعاء انا في عيادتي. خليه يتمشي ويجيلي. 
اسما حاضر.
خرجت دعاء وفؤاد نزل يشتري لادم الحذاء الطبي
اسما يلا انزل من علي السرير انت لزقت
ادم كان بينزل من ع السرير ولسه مش متعود يدوس ع رجله كان هيقع
. واسما لحقته وسندته وهو لف ايده علي كتفها عشان يسند عليها .. 
القرب ده كان كافي انه يخليها تتوتر وضربات قلبها بتزيد ووشها احمر.
اما هو فكان بيتاملها اكنه اول مره يشوفها.
لحظات صمت مابينهم مفيش صوت
الباب خبط. وانتبهت لنفسها
اسما حاولت تبعد بس ادم كان ساند عليها.
اسما ادم. نزل ايدك واسند علي الكرسي
ادم لسه هيتكلم كانت هي اتحركت بسرعه من جنبه .. وهي متوتره .. فتحت الباب للممرضه.
اسما خدي الكابتن لدكتوره دعاء. 
الممرضه بابتسامه حاضر. قربت من ادم ومسكت ايده.
ادم استغرب ردت فعل اسما . .. خرج مع الممرضه اللي كانت معجبه بيه واتصورت معاه وعماله تكلمه بس هو عقله مشغول معاها.
اسما وبخت نفسها ازاي تسمح لنفسها انها تحن ليه. او تفكر تاني فيه. ده واحد متجوز وعنده بيت.
اسما مش انا اللي اخرب بيت حد . 
قررت بينها وبين نفسها انها مش هتسمح تاني لمشاعرها انها تتغلب عليها
ادم كان عند دعاء عملتله اشاعه تاني . وابتدت تقوله علي تمارين بيسطه يعملها. لحد اما يتابع مع اسما .
فؤاد وصل وجاب حذاء طبي. لادم. لبسه.
ادم ماشي وفؤاد سانده وديني لاسما اسالها ع حاجه
فؤاد تعال. راحو لعياده اسما مكنتش موجوده. واما سالو عليها عرفو انها روحت
ادم في سره اكيد راحت لربيع. اضايق او بالمعني التاني كان حاسس بغيره
رجع البيت خد دش. . واتصل بمراته مكنتش بترد عليه.
ادم مش بترد ليه الغبيه دي
امينه اتصلت بيه. تطمن عليه وباركتله علي انه فك الجبس
ادم فين اسما 
امينه اسما بتلبس اصلها معزومه.
ادم بمكر معزومه فين 
امينه في مطعم ال مع ربيع.
ادم