رواية كاملة بقلم ياسمين علاء الدين من الفصل الاول الي الفصل الأخير ( آدم و سما )

جبين امينه
ادم صباح الخير علي احلي امينه في العالم
امينه ههههه . صباح النور يا حبيبي. انت كويس
ادم اه الحمد لله .
امينه مردتش اصحيك تقوم .لان كان شكلك تعبان
ادم كنت محتاج فعلا انام وافصل تفكير شويه
امينه ربنا يريح قلبك ... يلا اقعد افطر. 
ادم همشي بقي كفايه انا هنا من امبارح
امينه يلا يا ادم. 
دقايق وخرجت اسما. صباح الخير
ادم وامينه صباح النور
فطرو مع بعض وونزلت راحت للمستشفي. وادم رجع بيته خد دش وغير . ولبس راح ع المستشفي يكمل جلسات العلاج .
خبط ودخل لاسما.. ادم اسما عايز اتكلم معاكي 
اسما اتفضل
ادم انا ممكن ارجع العب تاني
اسما طبعا ممكن. . التزم بس انت بالتمارين والجلسات وهتتحسن. 
ادم بس الدكاتره ...
اسما ادم. انا عارفه حالتك وبقولك اقدر بإذن الله هترجع تلعب. ثق فيا
ادم سكت .. اسما بهزار انت مش واثق فيا
ادم لا طبعا واثق. 
اسما خلاص اسمع كلامي
ادم هنبتدي من امتي 
اسما من دلوقتي لو تحب
ادم بصلها بقلق. بس هي ابتسمت وقامت وهي متحمسه وابتدو التمارين البسيطه. عشان تلين عضلات جسمه ..
ادم اسما انا تعبت
اسما بطل دلع. انت بتمشي علي الماشيه . وسرعاتها مش عاليه 
ادم بس انا مش قادر عل المجهود
اسما اللياقه بتاعتك هتزيد مع التدريب. 
ادم كان بيحاول يدي لنفسه. فرصه عشان يثبت للكل انه يقدر يقف علي رجله تاني .. وكلام ماما امينه اداله دفعه لقدام انه يكمل .. 
اما والد يارا فرفع علي ادم قضيه خلع .. بس يارا كانت عايزه تعمل اي حاجه عشان تتطلق لانها عامله حسابها علي الاستبن.
يارا اتفقت مع واحد من اللي بيشتغلو عند بابها في المكتب
يارا انا عايزاك تراقب ادم وتعرف بيعمل ايه وبيخرج مع مين. وكل تحركاته . كبيره وصغيره
الراجل حاضر
يارا خد المبلغ ده خليه معاك . وله جبتلي معلومه حلوه. هديك الضعف
الراجل فرح بس كده كتير اوي
يارا مش كتير وله حاجه .
الراجل قام . ويارا يا انا يا انت يا ادم . قال تربيني قال .فاكر نفسك تقدر تلوي دراعي . انا بقه هوريك مين اللي هيربي مين. 
ابتسمت بشړ. وقامت عملت تليفون مهم. 
عدي اليوم علي ادم. هو مصر علي النجاح. وانه يقدر يرجع يلعب تاني عشان كل اللي بيرهنو علي خسارته
يتبع
بارت ٦
اسما بتعمل لادم جلسات العلاج الطبيعي ... وادم بيحاول علي قدر ما يقدر يضغط علي نفسه
في مركز التاهيل.
اسما ادم مستعد 
ادم ناويه علي ايه يا اسما
اسما كل خير. يا ادم. 
ادم مش مطمن
اسما اقلع
ادم شهق وحط ايده علي هدومه بحركه دراميه
.. اسما ضحكت اتصدق تنفع ممثل. في ايه يا بني. اقلع
ادم عيب.
اسما اووف. بطل هزار عشان تبتدي
ادم شاورها تكمل
اسما اقلع هدومك والبس المايو
ادم يا لهوووي
اسما اتعصبت وحطت ايديها علي بوقه عشان تكمل . وهو ابتسم وبصلها في عنيها .
اسما هتلبس المايوه وتنزل في حوض التلج . يلا. بسرعه
شالت ايديها من عليه ..
ادم وتلج ليه. ما انزل سباحه عادي انا بعمل كده . 
اسما والله دي طريقتي وبتنفع. اكتر.
ادم مفتريه
اسما سمعتك علي فكره.
ادم قلع ولبس المايوه ونزل في الحوض لا صعب اوي الحراره.
اسما مش هتقعد كتير
ادم سنانه ابتدت ټضرب في بعض. وهي واقفه بص
تليفونها رن وكان ربيع. اسما الو يا ربيع
ادم بصلها ونسي التلج اللي هو فيه
اسما امتي ... طيب خلاص. توصل بالسلامه. لا شكرا. سلام
قفلت وابتسمت. ادم وده من ايه ده
اسما في ايه
ادم قالك ايه واقفه مبتسمه اوي كده
اسما قالي انه هيوصل الاسبوع الجي. وكان بيسالني عايزه حاجه
ادم بغيره دمه تقيل. و باف كده
اسما بالعكس. ده دمه خفيف اوي . بيضحكني علي طول . غير كده هو انسان كويس جدا . وطيب اوي
ادم والله. لحقتي تعرفي كل ده عنه
اسما طبعا بالتعامل بتعرف 
ادم انتي ملكيش خبره مع الرجاله وميعرفش الرجل غير رجل زيه
اسما كشرت وقعدت ع الكرسي تفتكر هو مش كويس 
اصل بيكلمني باحترام وعلي طول بيسال عليا. متفاهم طبيعه شغلي
ادم ندم ع كلامه بصي حاولي متتسرعيش وادي لنفسك فرصه تفكري بعقلك الاول قبل قلبك
اسما هو ده اللي بعمله. شكرا علي نصيحتك
ادم جسمه كله مش حاسس بيه ومش قادر يتكلم من البرد سنانه بتعمل صوت من الخبط في بعض
انتبهت انها سابته وقت اطول. من المفروض يقعد فيها
اسما قفلت التايمر بتاع الحوض. ادم. ادم.
ادم بيحاول يبصلها بس مش عارف
اسما ادم بطل هزار. اصلا انا قفلت التايمر
ادم بصعوبه وجسمه كله بيترعش م ف تريه
اسما مفتريه طيب انا بقي هوريك الافتراء 
ادم بصلها وهي ضحكت متخفش. بهزر. يلا اطلع
بعد دقايق كان ادم لابس هدومه . وبيشرب اعشاب دافيه. 
اسما جابت بطانيه وغطته بيها.
ادم انتي
اسما سوري. تقريبا خدني الكلام ونسيتك. بس تستاهل عشان انت بتضيقني.
ادم ضيفي علي مفتريه انك مجنونه
اسما ما خلاص بقي . انا هعوضك. هعزمك علي الغدا. ايه رأيك
ادم اممم . انتي مش مضمونه 
اسما ده انا كنت هعزمك علي كبده من عند البرنس . بس خلاص ملكش في الطيب نصيب
ادم لا ليه. انتي اصلا طيبه. 
اسما ضحكت مش كنت لسه شريره
ادم مين قال كده . ده انتي اطيب خلق الله. وبهمس استغفر الله العظيم ربنا يسامحني علي الكدب ده
اسما قربت بتقول حاجه. 
ادم بقول ربنا يخليكي علي الواجب ده
اسما اها. يلا بقي عشان ننزل. 
ادم يلا.
نزلو مع بعض. وراحو علي مطعم الكبده وقعدو ياكلو. ادم بيحب الكبده واسما عارفه عشان كده كانت بتعوضه علي اللي عملته فيه
كانت في عيون بتراقبهم و بما ان ادم لاعب مشهور فالعيون كانت عليهم . وناس كتير كانت بتشجعه انه يرجع يلعب تاني ويقف علي رجله.
كان فرحان وهو شايف اهتمام الناس بيه ودعاوتهم. 
اسما كانت مبسوطه وهي شايفه فرحته.
خلاصو وركبو عرببتها. ادم طول الوقت كان مبتسم والفرحه باينه عليه
ادم شكرا اوي يا اسما. كنت محتاج اخرج واغير جو . 
اسما شفت الناس بتحبك ازاي. نفسهم ترجع تاني الملعب.
ادم ان شاء الله. قريب. 
اسما ان شاء الله.
في طريقهم كان في محل بيبيع ايس كريم.
اسما وقفت العربيه .. ادم رايحه فين 
اسما هجيب ايس كريم. اجيبلك 
ادم لا.
اسما نزلت وراحت جابت اتنين ايس كريم. واحده بالمانجا والتانيه بالفراوله
ورجعت العربيه. .. ادم مش عايز ايس كريم 
اسما الاتنين ليا
ادم الاتنين.
اسما اها.
شد واحده من ايدها وهي اتضيقت هاتها انت قولت مش عايز
ادم وانتي تاكلي ليه اتنين هتتخني
اسما طيب وانت مالك
ادم انا خاېف علي شكلك.
اسما لا متخفش انا حلوه في كل حالاتي
ادم بعدين ربيع يضايق
اسما لا مفتكرش. هو مش بيفكر بالمظاهر . ودي اكتر حاجه عجبتني فيه
ادم رفع حاجبه والله.
اسما والله
ادم طيب. خدي دي عشان تتلمي . لبس الايس كريم في وشها
اسما بصتله وكانت هتعيط. بس انتقمت منه ومسكت الايس كريم ولبستها في وشه . وقعدو يهزرو مع بعض كتير وصوت ضحكهم كان عالي.
ادم اااه. بقالي كتير مضحكتش كده.
اسما وله انا.
ادم احلي حاجه فيكي انك بتتصرفي علي طبيعتك. 
اسما مش