رواية كاملة بقلم ياسمين علاء الدين من الفصل الاول الي الفصل الأخير ( آدم و سما )

ڠصب عنها قربت منه وايدها سندت ع كتفه . هو عينه في عينها وايده التانيه كانت في ضهرها وقربها اكتر ليه
اسما برقت وانتبهت للموقف انها كده يعتبر في حضنه
ادم في دنيا تانيه سرحان في عيونها وهي ضربات قلبها زادت وطريقه تنفسها بتحرك البلوزه اللي لابسها
وبصلها في عيونها اوي وسرح فيهم وهي كمان. 
استسلمت ليه
ت الباب اتفتح . واسما زقت ادم بعدت بسرعه وهي متوتره. ووشها كله بيقلب الوان .. اصفر واحمر وجاب مېت لون. 
اما ادم فاستعاد نفسه بسرعه ولا كان حاجه حصلت . بس من جواه كان في بركان مشاعر بينفجر
فؤاد هو اللي دخل .. اسما بسرعه دخلت الحمام وهي بټشتم نفسها انها ضعفت قدامه. اما ادم فبص لفؤاد بغيظ وشتمه
فؤاد ضحك عملت ايه انا
ادم مش تخبط يا بأف
فؤاد عادي يعني. ...سكت شويه ... و اخبط ليه. انت كنت بتعمل ايه
ادم يعني هكون بعمل ايه. انا بس بقولك. خبط خلي عندك ډم. 
فؤاد يا. ادم
ادم اخرس .. ادم باصص علي باب الحمام. وبيفكر في رد فعل اسما
اسما غسلت وشها ...وخرجت ببرود اكن مفيش حاجه حصلت
اسما فؤاد عامل ايه
ادم بصصلها بس هي مش بتبصله. عرف انها بتتجاهله
فؤاد الحمد لله . انتي عامله ايه
اسما الحمد لله . كويس انك جيت عشان تحضر معانا الجلسه لان صاحبك خنقني . 
ادم ده اللي هو انا
اسما مردتش عليه وكملت الجلسه وهي بتفتح اي كلام مع فؤاد عشان تشغل نفسها ومتفكرش تاني
فؤاد هي فين دكتوره دعاء 
اسما في العياده اللي جنبي
فؤاد هروح اسلم عليها
تستمر القصة أدناه
اسما بتوتر لا . لا . استني انا هكلمها
ادم استغرب من افعال اسما. بس ساكتت وسايبها علي رحتها .
اسما كلمت دعاء دخلت وسلمت عليهم .. وفؤاد بصصلها باعجاب وبيكلمها بادب وهدوء
ادم بصله وابتسم وشاور لاسما. بصتله وكشرت وهو شاورها علي فؤاد اللي بيكلم دعاء و باين عليه الاعجاب
اسما ابتسمت ايه رايكم تيجو انهارده تتغدو
ادم كشړ لانه هو الوحيد اللي معزوم علي الغدا. ليه تعزم حد معاه . وهي عملت كده عشان متبقاش معاه في مكان واحد
دعاء وهنتغدا ايه
اسما تقريبا كده محشي. وملوخيه وحمام. 
فؤاد يا سلام. موافق طبعا 
دعاء وانا كمان
ادم سكت. فؤاد مش هتيجي
ادم بتحدي وهو عينه علي اسما اللي بتكلم دعاء لا طبعا جي. العزومه دي اصلا بتاعتي ومش هسيبها لحد
اسما سمعت كلامه وقلبها دق اوي. هو قصده يقول كده عشان تفهم انه بيتكلم عليها
خلصو والكل راح لبيت امينه وقعدو اتغدو مع بعض في جو من المرح والضحك. وكالعاده ادم هو اللي بيسرق الاضواء. 
في كل مكان .. 
امينه بتحبه وبتدلعه وبتهتم بيه اكتر من اسما. 
فؤاد ودعاء نظراتهم لبعض فيها اعجاب. وده اللي لاحظته اسما وادم ...
بعد الغدا والقعده .. كل واحد رجع ببته .. وادم قرر ان اسما تكون ليه
بس اسما قررت انها لازم تبعد عن ادم لان قربه خطړ. 
اسما مش هحن ليك تاني يا ادم . انت فاكر نفسك ايه . كلنا لعب وانت بتحركنا كلنا باشاره منك . لا انا مش هسمحلك بده. 
تاني يوم ادم وصل المركز عشان العلاج . واسما طلبت الممرضه تكون معاهم بحجه تساعدها .. بس هي بضيق علي ادم الفرص عشان ميستغلهاش
اسما انهارده تدريب سباحه . عشان عضلات رجلك تقوي
ادم قرر يتعامل معاها ببرود ماشي. 
نزل حمام السباحه . واسما فتحت شاشه العرض الكبيره علي تمارين وادم ينفذها في المياه وفعلا ابتدا يعمل كده
عدي الاسبوع..... وادم كل يوم بيعمل جلسه شكل ولحد ما ابتد يتحسن وفعلا حاسس باختلاف وكان متحمس جدا. انه يكمل علاجه عشان يرجع يلعب لان الكره وحشته
اسما كانت مع ادم والممرضه . والباب خبط ودخل ربيع بابتسامه ومعاه بوكيه ورد كبير. 
اسما ربيع ..
ربيع قرب وسلم عليه وبهمس واحشتيني
اسما وشها احمر وسكتت. اما ادم فكان نفسه يقوم يبوظله وشه او يكسرلها سنانها اللي فرحانه بيها
الممرضه استأذنت وخرجت بره
ادم ايه يا ربيع مش تسلم ياراجل . هو انا شفاف
ربيع سلم علي ادم مخدتش بالي منك .. اصل اسما بتسرق الاضواء
ادم وهو بيجز علي اسنانه وباصص لاسما بشړ ههه
ربيع تسمحيلي اخطفك انهارده ونروح نتغدا مع بعض. عايز اتكلم معاكي كتير
اسما لسه هتتكلم . ادم ببرود لا مينفعش
ربيع انا هخدها هي انت مالك
ادم ازاي يا جدع. انا ليا فيها اكتر منك. 
اسما قلبها انقبض من الكلمه .. ربيع اضايق ووشه احمر
ربيع پغضب انت بتخرف وتقول ايه
ادم ببرود عكس ڼار الغيره اللي شبت في صدره اصل هي اختي
ربيع اختك. 
ادم اه. مش انتي اختي يا اسوم
اسما بصتله بقرف اسومربيع كابتن ادم بيهزر ..
ادم والله العظيم يا جدع ما بهزر .. انت عارف ماما امينه
ربيع مامت اسما
ادم بالظبط كده ... اهي ماما امينه دي هي اللي مربياني وكنا جيران من واحنا صغيرين. وانا بقولها يا ماما يبقي كده اسما تقربلي ايه . مش اختي
ربيع بص لاسما مقولتيش انكم جيران وتعرفو بعض من زمان 
اسما مجتش الفرصه.
ادم ماما امينه بقي هي اللي قالتلي انا اتجوز اسما
اسما. برقت . ربيع نعم 
ادم قصدي انا اجوزها. يعني اسلمها للعريس. ودي اختي. يرضيك واحد يخرج مع اختك من غيرك 
معلش يا ربيع يا بني انت راجل وعارف
ربيع نفخ عايز ايه يعني
ادم هنخرج مع بعض نتغدا بره 
اسما خاڤت يحصل مشكله لا . احنا هنتغدا في البيت
ربيع ابتسم كده أحلي وبالمره اسلم علي طنط امينه
اسما تنور
ادم لا والله. 
اسما وربيع بصوله وهو عمل نفسه مشغول في التليفون
ادم اتصل بماما امينه الو يا ماما. انا واسما ومعانا ربيع جين نتغدا معاكي. .. تمام. ساعتين كده وهنيجي
ادم بعد اما قفل قال لربيع جهز نفسك. بعد ساعتين
ربيع لاسما تعالي معايا جايبلك حاجات في العربيه 
اسما ربيع قولتلك مش عايزه حاجه
ربيع اسما هزعل منك. 
ادم بصوت عالي وعامل نفسه بيتكلم ف التليفون اتفلق يا فؤاد مش هجيلك . مشغول يا جدع
اسما نفخت پغضب . ربيع همشي انا وكمان ساعتين هكون قدام البيت عندك
اسما ماشي 
ربيع خلي بالك من نفسك 
اسما وانت كمان
ربيع خرج وقفل الباب واسما بصت لادم بغيظ
اسما انت ايه اللي بتعمله ده. 
ادم ببرود عملت ايه
اسما اااادم ...بتصرفاتك دي بضايق ربيع
ادم ما يضايق وله يولع 
اسما ملكش دعوه بيه
ادم قام من ع السرير وقرب من اسما اللي واقفه بتتحداه
ادم محدش هيقرب منك. وانا موجود عارفه ليه... لانك بتاعتي من زمان .
اسما زقته وبعصبيه انت فاكرني لعبه. في ايدك . فوق لنفسك. انا مش بتاعت حد. انا ملك نفسي. 
ادم وهتبقي ملكي انا
اسما انسي. نجوم السما اقربلك مني
ادم متتحدنيش وبعدين انا مش عايز نجوم عايزك انتي
اسما وانا مش عايزاك
ادم ببرود انا بقي عايزك .. قرب منها ولمس خدها وهي اتوترت ووشها احمر. بس زقته وخرجت من الاوضه
عرف تأثيره عليها وان قربه منها بيضعفها ويوترها 
خرج وراها وهو مبتسم