رواية كاملة بقلم ياسمين علاء الدين من الفصل الاول الي الفصل الأخير ( آدم و سما )

زي القمر بالبدله . ربنا يحميه لشبابه
اسما بصتله وسرحت فيه وابتسمت بهدوء 
اسما ربيع بردو كويس
امينه بتقولي ايه 
اسما ماما هو انتي مش بتحبي ربيع
امينه هو شاب كويس . بس هيخدك ويسافر اما تتجوزي اكيد لان شغله هناك 
اسما بس انا عمري ما هسيبك
امينه هو متجوزك بامك. لازم هتسبيني.
اسما فكرت في الموضوع انها لو اتجوزت ربيع هتبعد عن امها وهي ملهاش غيرها هي اللي ربتها بعد مۏت بابها
اسما مسكت ايدها وباستها مش هقدر ابعد عنك
ادم راح قعد جنبهم. امينه كانت بتمسح دموعها حب يهزر معاها ماما تعالي نرقص سلو
امينه ضحكت انت فايق يا ادم 
ادم فيها ايه. مش عجبك
امينه ده انت تعجب القمر. بسم الله ما شاء الله عليك
ادم ربنا يخليكي ليا . يا امي باس ايديها
امينه بصت لبنتها واسما فهمت ان مامتها بتوريها الفرق بين ربيع. وادم .
الفرح خلص . وادم خد اسما وامينه ورجعهم البيت
امينه تعال ياادم اطلع عايزه اتكلم معاك 
ادم حاضر
طلعو واسما دخلت علي اوضتها علي طول من غير كلام . ادم بص عليها وهي ماشيه وسرحان فيها .
امينه من امتي
ادم هو ايه 
امينه بتستهبل صح 
ادم ضحك مش عارف من امتي بس اللي اعرفه اني بحبها
امينه مقولتش ليه
ادم بنتك كل اما احاول اقرب منها تبعد عني . 
امينه وبعدين
ادم بحبها وعايز اتجوزها 
امينه ضحكت مجتش ليه اتقدمت
ادم بفرحه بجد . هتوافقي
امينه وموفقش ليه. هو انا هلاقي زيك.
ادم كنت خاېف لترفضي. .عشان انا كنت متجوز . مستقبلي مش مضمون . حاجات كتير
امينه المستقبل بايد ربنا هو اللي قادر يفتحلك ابواب الرزق . زي ما ربنا هو الهادي. فهو كمان اسمه الرزاق
ادم ونعم بالله
امينه . انت راجل عارف كنت هرفض امتي لو انت لسه متجوز وعلي زمتك . مكنتش هقبل ان بنتي تخرب بيتك
ادم اصلا هي اتجوزت . 
امينه ربنا يهديها. انت زعلان انها اتجوزت
ادم لا طبعا. انا بس مستغبي نفسي. مش عارف ازاي كنت متجوزها. . 
امينه ربنا ليه حكمه وهو واحده عالم بيها
ادم انا عايز اتجوز اسما. ونعيش كلنا مع بعض. انا هبيع البيت بتاعي واشتري واحد تاني علي زوقها وزوقك
امينه وانا مالي يا بني دي حياتكم 
ادم وانتي فاكره اني هخليكي تبعدي عني. ده انا هتجوزها عشانك انتي
امينه يا نصاب
ادم انتي الحب الاول والاخير. 
امينه ربنا يسعدكم يا بني . انا هكلمها
ادم ماشي. هنزل بقي انا . تصبحي علي خير 
امينه وانت من اهل الخير يا حبيبي ...
نزل ادم وهو فرحان حاسس ان الحجر اللي علي صدره وقع . 
امينه دخلت لاسما . كانت اسما نامت.
عدي اليوم .. والكل نام في اماان وسلام 
يتبع
بارت٩ اعتراف 
تاني يوم امينه انتظرت اما تصحي عشان تتكلم معاها .. اسما كانت اجازه من الشغل
اسما صباح الخير
امينه صباح الخير.. الفطار جاهز.
اسما بتاكول ماما عايزه تقولي ايه 
امينه ادم عايز يتجوزك 
اسما شرقت وفضلت تكح. امينه بتخبط علي ضهرها. 
بعد دقايق. اسما مش موافقه
امينه ليه مش موافقه . ادم انسان كويس ومحترم انا عارفه تربيته كويس وواثقه انه هيخلي باله منك وهيحميكي . بيحبنا وانتي بتشوفي ده بعينك
اسما انا وعدت ربيع بكلمه. واما ينزل من السفر هقوله انك تيجي تعيشي معانا اما نتجوز
امينه هههههه . لا متخفيش عليا. مش منتظره منه يوافق او يرفض لاني ببساطه مكنتش هقبل
اسما ولو ادم كنتي هتقابلي 
امينه اه
اسما اشمعانه . 
امينه لاني عارفه انه بيحبني ومش هكون تقيله عليه . حبه حقيقي مش تمثيل
اسما سكتت . امينه انتي بتحبيه وهو بيحبك 
اسما مش بحبه مين قال كده. 
امينه كل حاجه بتقول كده انا مش صغيره. وبفهم كويس 
اسما قوليلو طلبه مرفوض. 
قامت من ع السفره . غيرت هدومها وخرجت 
امينه رايحه فين 
اسما هروح لدعاء ... 
ركبت عربيتها وهي مخنوقه ونفسها ټعيط. بتانب نفسها انها رفضت تتجوزه . 
اسما مغرور واناني مش بيحب الا نفسه
لقت نفسها قدام بيته رنت الجرس لحد اما فتحلها واستغرب
ادم انتي كويسه. 
اسما انت عايز مني ايه 
ادم اهدي بس .وتعالي نتكلم
اسما مش عايزه اتكلم معاك. انا بكرهك. متتدخلش في حياتي ..واخرج تاني وابعد. زي ما عملت المره اللي فاتت بعد اما اتعلقت بيك مشيت .
ادم بيسمعها وساكت. مستني اما تخرج كل اللي في قلبها يمكن يفهم سبب حالتها دي
اسما ٦سنين كنت بحبك . وانت وله سالت روحت اتجوزت وعيشت حياتك وسافرت وجيت وله مره فكرت فيا . ودلوقتي بعد اما حياتي استقرت وخلاص لقيت الانسان اللي بيحبني . جي تقولي عايز اتجوزك 
انت فاكرني لعبه بتحطها في مكان ما انت عايز .وتلف تلف وتيجي تلاقيها مكانها. لا مش انا اللي هضعف تاني . لاخر مره هحذرك. ابعدعني .
خلصت كلامها وهي بتنهج من العصبيه وايديها بتترعش .. 
ادم كان مصډوم من كلامها ..
لسه هتمشي . سمعته وهو بيكلمها 
ادم كل اللي عايزك تعرفيه .ان انا بحبك جدا . .الاول كان كل تفكيري في الكوره وبس ولاغي مشاعري بهزر بس عمري ما حبيت ...حتي اما اتجوزت انا كنت فاكر اني بحبها بس الحقيقه ان علاقتي بيها كانت عامله زي الزينه ديكور وبس 
هي منظر وشكل ومكانه اجتماعيه ..وانا اللاعب المشهور الوسيم اللي كل البنات بتتمني نظره منه 
ده كان شكل العلاقه. بس اول اما رجعتي لحياتي تاني. خلتيني اشوف الحياه بشكل تاني. عيشت معاكي طفولتي من اول وجديد مامتك عوضتني حرماني من امي. حتي انتي عوضتيني حب اختي . كنتي صاحبتي الايد اللي اتمدت ليه في وقت كل الناس اتخلو عني. انتي كنتي مؤمنه بيا . خلتيني رجعت تاني احب الحياه . ومهتمش بالمظاهر. 
انا اسف علي كل لحظه ۏجع انا كنت السبب فيها. 
مش هقدر انسي حبك وله ابعد عنك بس بردو مش هقرب ومش هضايقك. خلينا اصدقاء واخوات. 
اسما غمضت عينيها والدموع نازله وۏجع قلبها بيزيد من كلامه. هي بتانبه علي حب الطفوله وهو مكنش يعرف بالحب ده. وله بتانب نفسها ... جواها حرب بين قلبها اللي بيقولها اهربي وقلبها اللي بيقولها اقربي
ادم قرب منها ومسك ايديها اسما
هي مش بترد عليه
ادم بحبك وهفضل اقولها لاخر يوم في عمري. مش عايزك تحبيني وله تضغطي علي نفسك. لو بتحبي ربيع ده حقك. انا بحب وعارف معني الحب ايه. بس متطلبيش مني ابعد لانك بتحكمي عليا بالمۏت. 
اسما دموعه نازله . ادم وقف قدمها ومسح دموعها بايده 
وحضنها ..
ادم كفايه دموع. مستحقهاش. وبعدين فين اسما المفتريه . مش متعود منك علي الهدوء ده
اسما ضړبته في كتفه ورفعت راسها ..
ادم موافقه اننا نكون اصحاب 
اسما هزت راسها باه
ادم شكرا .. ودلوقتي تعالي اكلك ايس كريم
ادم خدها وراح اشتري ايس كريم من المحل اللي بتحبه . 
واشتري لنفسه واحدها . وفضلو يلفو بالعربيه 
اسما عربيتي قدام بيتك 
ادم هروحك وارجع اجبهالك
اسما لا هرجع معاك