رواية راائعة للكاتبة ريهام ابو المجد مكتملة ( قدر لنا اللقاء ) الجزء الاول
المحتويات
راحت فين استر يا رب.
هيام حازم اتصلي عليه بسرعة واسأليه.
شروق حاضر.
شروق اتصلت بحازم وكان في الشغل.
شروق إزيك يا حازم أنت فين
حازم أنا في الشغل يا شروق عايزة حاجة
شروق حست أن حازم ميعرفشي حاجة ومحبتشي تخوفه وخاصة أنه في شغل في بلد جنبهم فحاولت تداري على الموضوع.
شروق لا يا زومة كنت بس بتطمن عليك.
حازم بشك متأكدة!
بقلمي ريهام أبو المجد
قفلت الخط من غير ما تستنى منه رد.
هيام طب هنعمل أية
شروق لقيتها مفيش غير
غسان هو ظابط وأكيد ليه طرقه اللي يوصل بيها ليها.
هيام ايوا صح اتصلي عليه بسرعة.
وفعلا شروق اتصلت بغسان وطلبت منه أنه يجيلها عشان في مشكلة.
غسان وصل ونزل من العربية وقرب منها بلهفة وقال مالك يا شروق فيكي حاجة قلقتيني.
غسان طب اتصلتوا على حد من صحباتها.
شروق ما هو المشكلة أنها معندهاش أصحاب حياتها مختصرة علينا احنا وبس.
شروق بدموع عشان خاطري رجعهالي يا غسان.
غسان حضنها وقال مټخافيش يا حبيبتي هرجعهالك ادعيلها انتي بس.
في مكان بعيد كانت لارين في عربية مع شاب زميلها في الجامعة اتعرفت عليه من مدة.
لارين أنت رايح فين يا أحمد أنا كدا هتأخر على هيام وزمانها قلقانة وأنت خلتني أقفل الفون بتاعي.
لارين خاڤت وبدأت تبعد وقالت أنت بتقرب كدا ليه يا أحمد وبعدين بتتكلم كدا ليه لو سمحت أنا عايزة أرجع البيت أنت قولتلي أننا هنتفسح بالعربية شوية وهنرجع بسرعة.
أحمد ضحك وقال أنتي غبية اووي يا روحي أنا جايبك هنا لغرض معين ومش هتمشي إلا لما أخد اللي أنا عايزه.
لارين ضړبته على دماغه بالفون بتاعها وفتحت باب العربية وفضلت تجري وهو اتعصب
وهي اتصلت بشروق وشروق أول ما شافت اتصال منها فرحت وردت بسرعة وقالت لارين يا حبيبتي أنتي فين
لارين بعياط الحقيني يا شروق هيموتني.
شروق بفزع بتقولي أية فيكي أية ومين دا
لارين أحمد الغمري زميلي كان بيقرب مني وضړبته على راسه فهو بيحاول يخبطنا بالعربية الحقيني يا شروق أبوس إيدك.
وفجأة تليفونها اتقفل لأنة فصل شحن وهي بتجري وقعت واتعورت جامد في رجلها وإيدها وهو وقف العربية لما لقاها وقعت ونزل وقرب منها وهي حاولت تقوم وتجري بس هو مسكها من شعرها.
لارين بصړاخ سيبني حرام عليك.
أحمد والله ما هسيبك أنتي بتضربيني أنا دا أنتي واحدة جاية من ملجأ ملكيش أهل ولو عملت فيكي أية محدش هيسأل عنك لأنك حشرة.
لارين لما قال كدا عيطت واتقهرت وقالت سيبني أرجوك.
في الوقت دا كان شريف راكب عربيته وكان راجع القصر بتاعهم ومشغل أغاني.
لارين قدرت تفلت من إيد أحمد لما ضغطت على جرحه وجريت وشافت عربية جاية من بعيد وقفت قدامها عشان تقف.
شريف لما لقى بنت وقفت قدامه فضل يضرب جلكس بس هي مش بتتحرك وقف ونزل وقال فية أية يا أنسة واقفة كدا لية
بس فجأة سكت لما أخد باله إن دي البنت اللي تقرب لشروق فقرب منها وقال أية دا أية اللي جابك هنا
لارين جريت عليه وقالت أستاذ شريف الحقني.
شريف في أية وهدومك متبهدلة كدا ليه
بقلمي ريهام أبو المجد
أحمد بغل والله ما هسيبك يا لارين.
شريف بعصبية أنت عايز أية يلا
أحمد وأنت مالك وسع من طريقي.
لارين بعياط دا
حاول يقرب
مني وكان عايز يموتني لما ضړبته.
شريف عروقه برزت وقرب منها وفضل يسددله لكمات متتالية ومسكتشي إلا لما أغمى عليه.
قرب منها وقال بحنية أنتي كويسة يا أنسة لارين
لارين بعياط لا مش كويسة أنا عايزة شروق.
شريف طب اهدي وهعملك اللي أنتي عايزاه.
خلع جاكت البدله بتاعته وحطه عليها وفتح باب العربية بتاع السواقة وقعدها وركع على رجلة قدامها وقال بحنية مټخافيش أنتي في أمان دلوقتي هاتي بس رقم شروق وأنا هتصلك بيها أنتي حفظاه
لارين ايوا حفظاه عشان لو حصل حاجة.
شريف حلو طب قوليهولي عشان اتصل بيها.
شروق كانت في عربية غسان هي وهيام وفي طريقهم للمكان اللي جالهم منه الإشارة وهيام كانت بټعيط وتقول أنا السبب يا ريتني ما خليتها تنزل.
غسان أهدي يا أنسة هيام إن شاء الله هتكون بخير.
هيام بعياط يا رب.
شروق وصلها رقم غريب مكنتشي هترد لكن غسان قالها ترد.
شروق نعم مين
شريف أنا شريف يا شروق مټخافيش لارين معايا دلوقتي.
شروق بفرحة بجد معاك طب احنا قربنا نوصل خلي بالك منها.
وقفلت الخط وفعلا بعد وقت قليل كانوا وصلوا وأول ما شروق شافتها وهي شافتها جريت عليها وحضنتها جامد وقالت لارين يا حبيبتي أنتي كويسة عمل فيكي أية الژبالة دا
لارين بعياط كان بيحاول يقرب مني يا شروق بس الحمدلله الأستاذ شريف انقذني منه أنا آسفة يا شروق سامحيني.
شروق بحنية مش وقته الكلام دا يا حبيبتي المهم أنك بخير.
هيام حضنتها بلهفة وقالت لارين أنتي كويسة ليه تعملي كدا وتوجعي قلوبنا
لارين أنا أسفة يا هيام.
هيام أسفة أنت عارفة عرضتي نفسك لأية
شروق هيام مش وقته الكلام دا المهم أنها بخير لو سمحتي خديها وركبوا العربية ومتتكلميش معاها في حاجة.
هيام حاضر.
بقلمي ريهام أبو المجد
شروق قربت من شريف وقالت متشكرة جدا يا أستاذ شريف بجد مش عارفة أشكرك إزاي أنت بإنقاذك ليها أنقذتنا كلنا.
شريف بإبتسامة اهدي يا شروق أنا معملتش حاجة أي حد مكاني كان هيعمل كدا وبعدين أي حد من عيلتك في عيني والله.
شروق بجد شكرا يا أستاذ شريف جميلك دا فوق راسي وهسدده إن شاء الله.
شريف بلاش أستاذ دي وقولي شريف بس وبعدين مفيش جميل ولا حاجة.
غسان من وراه لا جميلك فوق راسنا وأكيد هنردهولك لو احتاجت أي حاجة متترددشي أنك تكلمني أنا المقدم غسان راشد عاشور.
شريف بإبتسامة أكيد حاضر.
غسان طلب من الدعم اللي معاه ياخدوا أحمد على البوكس ويوصلوا القسم لحد ما يجيله وبعدين مسك إيد شروق وقال مش يلا يا حبيبتي زمان لارين محتجالك دلوقتي.
شريف استغرب جدا قربه منها وطريقته في الكلام وقال في نفسه يمكن خطيبها بس رجع قال إزاي وهي مش لابسة دبلة ولا حاجة بس سكت لأنه مش هيعرف يسألها.
شروق قالت حاضر بعد إذنك يا شريف.
شريف أشوفك بكرا إن شاء الله في الشركة وابقى طمنيني على الأنسة لارين.
شروق ابتسمت وقالت حاضر.
غسان فتحلها باب العربية وركبت وهو ركب وساق العربية وهيام واخدة لارين في حضنها وشروق كانت زعلانة جدا على لارين بس في نفس الوقت زعلانة منها واللي عملته في نفسها ولارين كانت حاسه بكدا بس فضلت ساكتة.
وصلوا قدام العمارة ونزلوا وركبوا الأسانسير ودخلوا الشقة وشروق بصت للارين وقالت ادخلي يا لارين خدي دوش وغيري هدومك.
لارين قربت منها ومسكت إيدها وقالت أنا أسفة يا شروق.
شروق شدت إيدها وقالت بحدة خفيفة ادخلي يلا يا لارين.
لارين بحزن حاضر.
بقلمي ريهام أبو المجد
هيام بحزن أنا أسفة يا شروق أنا مكنتش قد
الأمانة.
شروق متقوليش كدا يا حبيبتي كلنا غلطانين وبعدين احنا دلعناها اووي ودا جزائنا.
غسان حاولي تتكلمي معاها بالراحة يا شروق.
شروق قعدت على الكنبة وقالت بحزن اتكلمت وفهمتها بس مش عارفة ليه بتعمل كدا ليه بتفرط في نفسها ومش بتعمل حساب لتصرفاتها أنها مش ھتأذيها لوحدها وهتأذينا كلنا.
هيام احنا مقصرناش معاها في حاجة.
شروق أنا عارفة أنها في مرحلة خطېرة ومحتاجة نتعامل معاها بحذر بس بردك لازم يكون في عقل مينفعشي نمشي ورا قلبنا وخلاص عارفة أنها محتاجة لأب وأم بس والله أنا حاولت أخد الأدوار دي على قد ما أقدر وهيام كمان مقصرتشي بس مش عارفة أتصرف معاها إزاي.
غسان بصي يا حبيبتي هي فعلا في مرحلة مراهقة وداخلة عالم جديد وناس جديدة فهتواجه صعوبات فحاولي تاخديها بالمسايرة واحتويها على قد ما تقدري ووقت ما تحتاجيني أنا موجود يا حبيبتي.
شروق بحزن حاضر.
شروق دخلت تعملها عصير عشان يهديها وهيام كانت قاعدة ټعيط وحزينة فغسان قرب منها وقال تسمحيلي اتكلم مع حضرتك.
هيام اتعدلت وقالت أكيد اتفضل.
غسان متزعليش نفسك أنتي مش غلطانة وأكيد مكنشي ينفع تمنعيها ودا وارد يحصل مع أي حد أنتي مش عليكي ذنب متقسيش على نفسك.
هيام كلامه معاها ريحها وقالت بجد متشكرة على كلامك دا بس أنا خاېفة عليها اووي وفعلا لارين مش بتحسب نتيجة تصرفاتها.
غسان بحنية معلشي استحملي وحاولوا معاها لحد ما تغيروها.
وبعدين كمل وهو بيقدملها منديل وبيقول ممكن تبطلي عياط العياط مش لايق عليكي.
هيام حست بسخنية في جسمها واتحرجت اووي وأخدت منه المنديل وقالت برقة وهي بتبتسم شكرا.
غسان ابتسم وقال ايوا كدا تصدقي إنك بتكوني جميلة اووي وأنتي بتبتسمي.
هيام اتحرجت اووي وقلبها بدأ يدق جامد وقامت بسرعة من قدامه وجريت على المطبخ لشروق وهو ضحك عليها وحس بإحساس جميل تجاهها.
طلعت شروق وهي في إيدها العصير وقدمت لغسان وهيام وبعدين كانت داخلة للارين لقتها طالعة وحاطه وشها في الأرض وقربت من شروق وقالت أنا أسفة يا شروق أنا عارفة إني غلطت سامحيني.
بقلمي ريهام أبو المجد
حازم من وراهم تسامحك علي أيه
شروق بصت پصدمة لأنها متوقعتشي أن حازم يرجع النهاردة وكمان لو عرف هيهد الدنيا وهيزعل منها لسه هترد لقت لارين جريت على حازم وحضنته وبدأت ټعيط حازم اتخض اووي وقال مالك يا حبيبتي بټعيطي لية
لارين شددت على حضنه ومتكلمتشي فحازم اتخض اووي وبص لشروق وقال في أية يا شروق اتكلمي
شروق بتوتر مفيش دا بس اكمنك وحشتها.
حازم كدابة وأنتي عارفة إني بعرفك لما بتكدبي انطقي وقولي في أية
شروق مردتشي فبص لهيام وقال طب فهميني أنتي يا هيام.
هيام مردتشي فهو اتعصب جامد وخرج لارين من حضنه وقال اتكلمي يا لارين.
لارين جريت على أوضتها بسرعة فهو راح وراها فشروق وقفت وقالت استني يا حازم سيبها.
فحازم قال پغضب متفهموني في أية
غسان قال لشروق قوليله يا شروق هو من حقه يعرف.
حازم بص لغسان ورفع حاجبة وقال بسخرية لا والله طب اسمعي كلام أخوكي يا هانم.
شروق حكتله كل حاجه وحازم كان سامعها وڼار قايدة جواه والڠضب اتملك منه وبعد ما خلصت قرب منها وقال پغضب يعني كل دا حصل ومهنشي عليكي تقوليلي ليه هو أنا غريب.
شروق بتوتر ما هو أصل....
حازم مسك دراعها جامد وقال ما هو أية يا ست شروق كل دا
متابعة القراءة
