رواية راائعة للكاتبة ريهام ابو المجد مكتملة ( قدر لنا اللقاء ) الجزء الاخير

أنتي تقعدي في القصر وكل طلباتك مجابة إن شاء الله ومتنسيش إنك بقيتي حامل لازم تاخدي بالك من صحتك وصحة البيبي يا حبيبتي.
شروق بزعل بس أنت عارف يا محمود إني بحب الشغل دا اووي وعايزة أكمل فيه.
محمود بس أنا عايز راحتك وبعدين هو أنا مقصر معاكي في حاجة
شروق قربت منه ووقفت قدامه وقالت عمرك ما قصرت يا حبيبي بس أنا عايزة أفضل معاك في الشركة ووقت ما أحس إني تعبانة هقعد بإرادتي وعن إقتناع إنما كدا هحس طول الوقت إنك السبب في إني أسيب حاجة بحبها ووقتها هيحصل شرخ بينا وأنا مش حابة دا يحصل ولا صورتك تتهز جوايا يا محمود.
محمود وقال بحنية وحب رغم إني مش مقتنع ومش عايزك تتعبي نفسك بس عشان خاطرك أنا موافق وأنا مش عايز أكون سبب في زعلك أبدا بس أوعديني إن وقت ما تحسي بأي تعب تقعدي.
محمود ضحك وقال بحب شقاوتك دي اووي يا شروقي.
شروق لاعب أنفها بأنفه وقالت وأنا بحبك أنت.
محمود وبعدين قالت محمود أنت نمت
محمود بهمس لا.
شروق طب يلا يا حبيبي عشان متتأخرشي على الشركة أنت ناسي إننا لسه هنفطر معاهم تحت.
لها بحب وقال صح نسيت والله ما أنا لما بكون معاكي وقصاد عيونك بنسى العالم حتى نفسي.
شروق ابتسمت بحب وقالت أنا المرة دي اللي هقولك مش عارفة أحبك أكتر من كدا إية
محمود ضحك وقال وهو بيقلد طريقة كلامها حبيني أكتر.
شروق ضحكت وقالت بتسرق كلامي لية
شروق بضحك طب يلا ألبس قميصك متفضلشي واقف من غير لبس كدا.
محمود غمزلها وقال طب ما تلبسيهولي.
شروق ضحكت وقالت تاني مش هتعقل أبدا دا أنت هتبقى أب كمان كام شهر.
محمود ضحك وقال لا أعملي حسابك إن الولد اللي جاي دا مش هيخدك مني ولا تحبيه أكتر مني أنتي فاهمة
شروق ضحكت جامد وقالت أنت هتغير من ابنك يا محمود!
محمود بغيظ وأغير من أبوه كمان دا أنا بغير عليكي من نفسي.
شروق مشت إيدها على وشه وهو غمض عيونه وهي كملت وقالت برقة بس أنا بحب باباه اووي وبعشقه كمان وهو اللي في القلب.
محمود فتح عيونه وقال يعني مش هياخدك مني
شروق تؤتؤ أبدا وبعدين دا ثمرة حبنا يا حبيبي يعني أنت الأصل.
محمود وقال ربنا ميحرمنيش منك يا قلب وعيون محمود.
بقلمي ريهام أبو المجد 
شروق بعدت عنه وقالت وهي بتلبسه القميص يلا بقى عشان شريف ميجيش يخبط علينا وتتعصب عليه.
محمود ضحك وقال عندك حق دا قاټل اللحظات الرومانسية زي حازم ما شاء الله عليهم.
شروق ضحكت وخلصت وهو مسك إيدها ونزل بيها لتحت.
محمود صباح الخير.
الكل صباح الخير.
أيمن أنت نازل الشركة يا محمود
محمود ايوا يا بابا وشروق نازلة معايا.
نادية لية كدا يا شروق المفروض ترتاحي يا حبيبتي ولا أنتي زهقتي مننا
شروق لا والله يا ماما هو أنا أقدر بس أنا حابة الشغل وأنا وعدت محمود إني لو حسيت بأي تعب هقعد ومش هنزل تاني.
نادية متأكدة يا شروق
شروق ايوا يا ماما مټخافيش عليا وبعدين أنا مع محمود متقلقيش.
محمود متقلقيش يا حبيبتي أنا معاها.
ميرا أبية محمود أنا كنت حابة أنزل أتدرب معاكم في الشركة.
شريف لية يا ميرا لسه بدري على تخرجك.
ميرا دي كلها كام شهر يا شريف والأفضل إني أتدرب في المدة دي عشان يكون عندي خبرة عشان أبدأ على طول بعد التخرج.
شروق طب والله قرار هايل يا ميرا أنا بشجعك.
نادية فرحت من شروق ومن علاقتها بميرا وشروق قالت وافق يا حبيبي وأنا متأكدة إن ميرا هتكون هايلة هي ذكية وبتستوعب بسرعة.
محمود خلاص يا حبايبي موافق شوفي أنتي جاهزة أمتى يا ميرا وبلغيني.
ميرا بفرحة دلوقتي والله.
محمود ضحك وقال خلاص تعالي معانا.
ميرا قامت باست شروق وقالت منحرمشي منك.
وباست محمود وقالت بحبك يا أبية.
خلصوا كلهم وركبوا العربيات بتاعتهم واتجهوا للشركة.
في العربية عند شروق ومحمود شروق قالت حبيبي أنا هعمل مفاجئة للكل بليل وأقولهم على خبر حملي.
محمود ابتسم وقال اللي تحبيه يا حبيبتي المهم سعادتك.
محمود ضحك وقال أنتي هتقلبي لبناني ولا إية
شروق ضحكت وقالت براحتي.
وصلوا الشركة ومحمود دخل وهو ماسك إيد شروق والكل فضل يبصلهم وركبوا الأسانسي
شروق صبرني يا رب أنا كدا مش هلاحق عليك ولا على ابنك والله.
محمود أهو شوفتي بتبعيني من دلوقتي.
شروق ضحكت وقالت خلاص أنت مصدقت.
محمود ضحك بإنتصار والأسانسير وقف ومسك إيدها ووصلها لمكتبها ورجع لمكتبه تاني وقال للسكرتيرة بتاعته أطلبي لمدام شروق عصير مانجة فريش ووصليه لمكتبها.
السكرتيرة حاضر يا فندم.
بقلمي ريهام أبو المجد 
دخل مكتبه وقعد وبدأ يشوف الشغل اللي متراكم عليه وهي كمان ولقت حد بيخبط عليها سمحت له بالدخول.
السكرتيرة بإبتسامة مدام شروق محمود بية بعت العصير دا لحضرتك تحبي تطلبي حاجة تانية
شروق بإبتسامة متشكرة جدا لتعبك.
السكرتيرة مفيش تعب حضرتك بعد إذنك.
شروق اتفضلي.
شروق ابتسمت بحب على إهتمام محمود بيها وشربت العصير وحطت إيدها على بطنها وقالت مش عارفة أنت ولد ولا بنت بس عايزة أقولك إنك محظوظ جدا بأب زي محمود هيحبك اووي وهيشيلك جوا عنيه ومش هتلاقي أب حنين شبهه يا حبيبي وأنا كمان هحبك اووي وهكون دايما جنبك ومش هعمل فيك زي ما أهلي عملوا فيا زمان أوعدك إني مش هتخلى عنك أبدا مهما حصل وهتكون دايما في حضڼي أنا وبابي يا حبيبي.
كملت شغل وميرا كانت مع شريف في مكتبه وقالت شريف أنا هتدرب تحت إيد مين
شريف تحت إيد الباشمهندس وائل وهيكون معاكي.
ميرا بإبتسامة تمام أنا جاهزة ومتحمسة اووي.
دخل حازم المكتب وأول ما شاف ميرا ابتسم وقلبه دق جامد وهي ابتسمت وهو قال صباح الخير يا باشمهندس شريف.
شريف بإبتسامة شريف
بس يا حازم احنا أخوات.
حازم مينفعشي طبعا.
شريف خلاص طول ما احنا لوحدنا قولي يا شريف عادي.
حازم ضحك وقال اتفقنا.
حازم بص لميرا وقال صباح الخير يا ميرا منورة الشركة.
ميرا بإحرج صباح النور يا حازم.
الباب خبط ودخل الباشمهندس وائل وكان شاب تلاتيني ولابس نظارة نظر أضافت لهيئته مظهر جميل.
وائل صباح الخير يا باشمهندس شريف.
شريف سلم عليه وقال صباح الخير يا باشمهندس وائل.
وائل بص لحازم وقال صباح الخير.
حازم صباح الخير يا باشمهندس.
وائل بلغوني إنك طلبتني.
شريف ايوا فعلا كنت عايز أعرفك بالباشمهندسة ميرا المصري عايزك تدربها تحت إيدك ومتتعاملشي معاها على إنها صاحبة الشركة.
وائل بص لميرا وابتسم وقال تمام يا باشمهندس أعتبره حصل.
وبعدين بص لميرا وقال أتمنى تكوني مرتاحة بالشغل معايا.
ميرا ابتسمت وقالت أكيد إن شاء الله شريف بيشكر في حضرتك جدا.
وائل ابتسم وحازم كان واقف هيولع من الغيرة وميرا أخدت بالها فحطت وشها في الأرض وخاڤت منه.
وائل تمام أنا هاخد الباشهمندسة ميرا معايا دلوقتي.
شريف تمام أتفضل خلي بالك منها.
وائل في عيوني.
حازم پغضب نعم!!!!
وائل بصله بإستغراب فشريف أتكلم بسرعة وقال اتفضل يا وائل شوف شغلك.
بقلمي ريهام أبو المجد 
بعد ما خرجوا حازم قرب من شريف پغضب وشريف خاف ورجع لورا وقاله أنت بتتحول زي محمود ولا إية يا حازم
حازم پغضب أنت خليتها تشتغل معاه ليه ملقتشي غير وائل يا شريف
شريف ما هو عنده كفاءة عالية وهيستحملها إنما أنا معنديش خلق ليها.
حازم بس مش هستحمل أشوفها معاه يا شريف.
شريف ضحك وقال أهدى يا حازم دا شغل يا ابني.
حازم رفع صباعه في وشه وقال بتحذير أقسم بالله أخليك تلف ورا لارين ومش هتطولها لو لعبت معايا.
شريف لا والله خلاص هتصرف بس كله إلا لارين يا أبو نسب.
خرج حازم وهو متعصب وميرا راحت مع وائل مكتبه وبدأ يفهمها الشغل وهي كانت بتستوعب بسرعة.
عند محمود كان قاعد لسه بيخلص في الورق ورقبته وجعته شروق كانت قاعدة في مكتبها وحست إن محمود تعبان فقررت تروح تشوفه خرجت وراحت للسكرتيرة وقالت الباشهمندس محمود جوا
السكرتيرة بإبتسامة ايوا يا فندم.
شروق حد معاه جوا
السكرتيرة لا تحبي أبلغه بوجودك ولا هتدخلي
شروق بإبتسامة لا أنا هدخل بس أطلبيلي عصير برتقال فريش من فضلك وأنا هفضل معاكي هنا لحد ما الطلب يوصل.
السكرتيرة طب أتفضلي حضرتك أستريحي على ما الطلب يوصل.
بعد عشر دقايق العصير وصل وهي أخدته ودخلت عليه بس بالراحة من غير ما يحس لقته قاعد مركز في الورق وبيدعك في رقبته.
شروق اټصدمت وقالت أنت عارف من ساعتها وبتستعبط عليا
محمود ضحك ومسكها من إيديها ووقفها قدامه وقال أنا قلبي بيشوفك قبل عنيا وريحتك المميزة دي بتداعب أنفي ولو من على بعد ١٠٠ كيلو.
شروق ضحكت وقالت بكاش.
محمود ضحك وقال بس مقولتليش جاية لية
شروق ضحكت وقالت دماغك راحت لبعيد اووي أنا بس بفكهولك عشان تكون على راحتك بدل ما أنت خانق نفسك كدا.
محمود ضحك وقال أخص عليا.
شروقوقالت وأنا موجودة عشانك يا حبيبي.
بقلمي ريهام أبو المجد 
شروق ابتسمت وقالت طب أتعود بقى.
شروق ضحكت وبعدين مسكت كوباية العصير وقالت طب أشرب العصير اللي بتحبه عشان تفوق وتركز وأنت بتشتغل.
محمود بعد الكوباية وقال طب أشربي أنتي الأول.
وقال أمال أنا خليتك تشربي أنتي الأول لية
شروق اتحرجت اووي وهو بصلها وابتسم برضا وقال أنتي متعرفيش إن رسولنا الكريم عليه أفضل الصلاة وأذكى السلام كان بيعمل كدا مع السيدة عائشة رضي الله عنها عشان يعبرلها عن حبه.
شروق فرحت اووي وقالت علية أفضل الصلاة وأذكى السلام.
وبعدين حطت إيدها على خده وقالت تعرف كل يوم حبك في قلبي بيكبر وبيزيد عن اليوم اللي قبله.
محمود فضل يملس على شعرها بحنية وقال وأنا وصلت لدرجة متتخيلهاش في حبك يا شروقي.
شروق غمضت عيونها عشان تستمع لدقات قلبه بحب وفضلت تمشي كف إيدها على صدره بحب وهو غمض عيونه وسند راسه على راسها بحب.
بعد فترة من الوقت الباب خبط فشروق وقفت جنبه ومحمود ضحك عليها وبعدين قال اتفضل.
دخلت السكرتيرة وقالت محمود بيه الأنسة نيرمين مديرة مكتب صادق بيه وصلت ومعاها ملفات المشروع الجديد عشان تتناقش مع حضرتك.
محمود بعملية تمام خليها تتفضل.
شروق فضلت واقفة جنب محمود وعندها فضول تشوفها دخلت نيرمين وكان لبسها مش كويس وماشية بدلع فشروق اتعصبت منها.
نيرمين بدلع وهي بتمد إيدها لمحمود وبتقول مستر محمود أنا نيرمين مديرة مكتب صادق بية واللي هتابع الشغل مع حضرتك.
شروق بصتلها بقرف ومدت هي إيدها وسلمت عليها وقالت بدلع شبهها أهلا بحضرتك بس باشمهندس محمود مبيسلمشي على بنات ومش اسمه مستر اسمه باشمهندس أو قوليله محمود بيه.
نيرمين بصتلها پغضب بس حاولت تداريه وقالت ومين حضرتك
شروق بغيظ وهي بتبص لمحمود أنا الباشمهندسة شروق.
نيرمين بإبتسامة صفرا أتشرفنا.
بقلمي ريهام أبو المجد 
محمود وهو بيحاول يداري إبتسامته على حركات شروق وغيرتها الواضحة اتفضلي يا أنسة نرمين تحبي تشربي إية
نيرمين قعدت وحطت رجل على رجل