رواية راائعة للكاتبة ريهام ابو المجد مكتملة ( قدر لنا اللقاء ) الجزء الاخير

لهيام والبنات وحازم وقالت هم دول أهلي يا سامح بيه هم دول عيلتي وسندي دول اللي أخدوا دورك اللي أنت مقدرتش تأديه هم أدوه بجدارة.
واتجهت لمحمود ومسكت إيده وقالت أما دا فهو أبويا الحقيقي ومش بس أبويا دا أخويا وصاحبي وحبيبي وزوجي دا اللي يستاهل أكمل عمري كله معاه ومش محتاجة غيره في حياتي أنا عيشت عمري يتيمة وأنا ليا أب وأم بدون إرادتي لكن المرة دي بكل إرادتي وإختياري هكمل كدا.
محمود ضمھا لصدره بحنية وقال أنت سمعتها بنفسك تقدر تتفضل دلوقتي ومتخافشي هي في عيوني وفوق راسي دا لو كان يهمك يعني.
سامح مشي خطوتين وهو حاطط راسه في الأرض وندمان إنه عمل فيها كدا ندمان على قسوته وغلطته اللي لا تغتفر أبدا.
شروق من فضلك استنى.
سامح بصلها بفرحة وأمل بس كل دا أختفى لما شروق قالت أنا أسفة بس صدقني مش هقدر أرجعلك أنا عيشت أكتر من ١٦ سنة لوحدي بعيد عنك معرفتش يعني إية أب وأنت كنت السبب أنا مش بعاتب ولا كنت هعاتب لأن الموضوع بالنسبالي خلاص.
اتنهدت وبصت لمحمود عشان تكتسب منه الثقة والقوة وبعدين بصتله تاني وقالت هكدب عليكي لو قولتلك سامحتك بس يمكن في يوم أسامحك يمكن في يوم أقدر أتخطى الۏجع اللي سببتهولي لكن موعدكشي إني في يوم هنسى لإني مقدرشي أنسى عمر بحاله لكن وقت ما تحتاجني في خدمة هتلاقيني أنا معرفشي أكون قاسېة وأوعدك إني هتطمن عليك من الوقت للتاني متخافشي مش هسيبك وحيد زي ما أنت سيبتني وحيدة.
سامح ربنا يجازيكي خير يا بنتي وميحرمكيش من اللي بيحبوكي أنا أستحق اللي حصل لأني أنا نفسي مش قادر أسامح نفسي.
سامح مشي وخرج من الشقة زي ما خرج زمان من حياتها بس المرة دي ڠصب عنه مش زي زمان كان بإرادته.
بقلمي ريهام أبو المجد 
بعد ما خرج شروق بصت لمحمود وهو أخدها في حضنه وهي طلعت كل القهر والدموع اللي كانت حبساهم في وجوده فضلت
ټعيط پقهر وبصوت ومحمود قلبه بيتقطع عليها وبيملس على شعرها وإيده التانية بيمشيها على ضهرها بحنية وبيقولها طلعي كل اللي جواكي لكن متطوليش لإني مش هقدر أستحمل إني أشوفك بالشكل دا أكتر من كدا.
شروق بعياط موجوعة يا محمود راجعين بعد ما خلاص اتأقلمت وقولت خلاص.
محمود بحنية وحب أنا عارف إنك قوية ومش عايزك تزعلي دا ربنا كدا ردلك حقك لما خلاكي تشوفيهم وهم ندمانين ومش قادرين حتى يبصوا في عيونك.
شروق بحزن أنا مش فرحانة لما شوفتهم كدا يا محمود بالعكس أنا أتوجعتومهما عملوا مكنتش أتمنى أشوفهم كدا ولا أشوفه مكسور كدا قدامي.
محمود طبطب على ضهرها وقال سبحان الله جواكي الحنية دي كلها رغم إن والدك مش كدا ربنا أخرج الحنية دي من صلب القسۏة دي.
شروق لو مكنتش لقيت الحنية من اللي حواليا لما أترميت بالقسۏة دي يمكن كنت بقيت زيه كدا أنتم كنتم أكبر سبب في إني ابقى كدا وكأن ربنا بعدني عنهم عشان مبقاش شبههم يا محمود.
محمود خرجها من حضنه ورفع راسها وبص في عيونها بحب وقال شروقي أنسى وخلينا نكمل حياتنا وسط أهلنا وأحبابنا ونبني عيلتنا الصغيرة سوا بحب في جو دافئ وهادي.
شروق حاضر يا حبيبي أوعدك بس محتاجة مساعدتك ووجودك جنبي.
محمود بحب محمود أتوجد عشان خاطر شروق أنا وهبتلك نفسي من زمان.
شروق بحب وشروق كمان أتوجدت عشان محمود.
محمود ضمھا لصدره بحب وتملك وقال خلاص معدشي فية دموع ولا حزن من النهاردة نبدأ صفحة جديدة بعد ما قفلنا كل الصفح القديمة وأكيد ربنا جعل اللي حصل النهاردة عشان نبدأ من جديد بعد ما نقفل كل الصفح القديمة.
هيام بإبتسامة محمود عنده حق يا شروق أنتي فعلا كنتي محتاجة إن اللي حصل من شوية كان يحصل من زمان كان لازم نواجه كل مخاوفنا عشان نقدر نبدأ على جديد.
غسان هيام حبيبتي عندها حق يا شروق كان لازم يحصل.
حازم رغم إني كنت مدايق منه وزعلان عشان فتحلك ۏجع قديم بس أنا سعيد إن دا حصل أنتي كنتي محتاجة المواجهة دي فعلا يا حبيبتي عشان تقطعي صفحته زي ما قطعتي صفحة مروة زمان.
بقلمي ريهام أبو المجد 
سارة قربت من شروق بحزن وقالت أنا أسفة اووي يا شروق مكنتش أعرف إنك أتوجعتي اووي كدا مكنتش أعرف إنك مجني عليها في القصة كلها ورغم كدا أنا كمان كملت عليكي وكنت زيهم وأسوء ومليش حق أطلب منك تسامحيني ولو عايزاني أبعد عنك هبعد أنا أستحق كدا لكن أنا خاېفة من الوحدة مش عايزة أكون وحيدة ومنبوذة من الكل.
شروق حضنتها بحب وقالت متقوليش كدا يا سارة أنا زمان كنت زعلانة منك بس دلوقتي خلاص أنا عارفة إنك كنتي بتعملي كدا بحكم البيئة والتربية بتاعتك لكن أنا عارفة إن جواكي جميل اووي وأنا عايزاكي جنبي وأنا اللي بطلب منك متسبنيش ينفع
سارة فرحت اووي وابتسمتلها وقالت أنا بحبك اووي يا شروق يا ريتني كنت عرفت إنك أختي من زمان وياريتك كنت أنتي اللي جنبي وأمي وأختي مكنتش هكون الشخص اللي كنت عليه.
سارة بصت لمحمود والكل وقالت طب وهم هيتقبلوني
شروق بصتلهم وقالت ردوا عليها.
الكل ضحك وقرب منها وحضنوها هي وشروق وقالوا احنا كلنا عيلة واحدة يا سارة وأنتي فرد من العيلة دي.
سارة فرحت اووي
وقضوا اليوم مع بعض وضحكوا بعد ما الحزن كان خيم عليهم وحازم جرب عربيته وفرح.
شروق حطت إيدها على قلبه وقالت برقة أخص عليك فكرتك بتفكر فيا.
محمود ضحك جامد وبصلها بحب وغمزلها وقال محدش شاغل تفكيري غيرك حتى وأنتي معايا يا شروقي.
محمود بفكر في والدك.
شروق بعدت عنه وبصتله بإهتمام وقالت لية!
محمود قربها منه تاني وحط راسها على صدره وقال متبعديش عني تاني يا شروقي مكانك هنا على صدري متبعديش أبدا حتى لو أنا اللي طلبت.
شروق بحب بس أنت عمرك ما تطلب مني أبعد.
محمود باس إيدها وقال بحبك اووي يا شروقي لدرجة الإدمان.
بقلمي ريهام أبو المجد 
محمود غمض عيونه وضغط على إيدها وضمھا ليه أكتر من وسطها وقال أنا أكتر شخص محظوظ في العالم دا كله لأنك بتحبيني.
اتنهد وقال تعرفي لما كنت في ألمانيا دي كانت أصعب فترة في حياتي يمكن الأسوء عارفة ليه
شروق ميلت براسها وبصتله وقال ليه يا حبيبي
محمود بحزن كنت كل ليلة وبالأخص لما أنام على السرير لما أفضل أفكر فيكي وفجأة يجيلي أفكار كانت بتخلي جسمي يكون ڼار وقلبي يقف لما كنت أتخيل إنك نستيني وإنك بقيتي لراجل غيري ولية الحق أنه يلمسك زي كدا أو إنك تكوني بتحبيه كنت بتقهر وعيوني متقدرشي تشوف النوم فكرة إن في راجل تاني يكون لية الحق فيكي أو يلمسك كانت كفيلة إنها تقتلني في الثانية ألف مرة كنت كل ليلة أدعي ربنا وقول يا رب أجعلها من نصيبي ومتخلهاش لراجل غيري.
تتنهد وقال تعرفي من كتر غيرتي كنت بدعي إن رجالة العالم كلها تتعمي عشان محدش يبصلك ولا يشوفك غيري أنا لما بكون معاكي وواحد يبصلك بعيونه ببقى عايزة أقتلع عيونه لأنها بصتلك.
شروق رفعت راسها وبقى وشها في وشه فقربت منه وقالت بهمس وحب بس أنا عمري ما كنت هحب غيرك أنا أتعلمت الحب على إيدك يا محمود وعرفت طعمه معاك فمكنشي ينفع أحب غيرك لإن عيوني مش بتشوف غيرك حتى لما بغمض عيوني مش بتشوف حد غيرك أنت كنت محتل كل كياني حتى وأنت بعيد عن عيني وما زلت.
شروق أتكسفت منه وقالت حبني يا محمود وعيشني أجمل سنين عمري جنبك وخلي عيني قصاد عينك عشان ترتاح.
محمود ضمھا ليه تاني وهي استسلمت ليه بكل حب وبعدين قالت كنت بتفكر في والدي لية
محمود بحزن لما أفتكرت إني خلاص هبقى أب وفكرت فيه قلبي وجعني مع إني شايف إنه مذنب ويستحق العقاپ دا لكن الأبوة اللي جوايا
عنفتني وقالتلي إن الأب محتاج فعلا ولاده حواليه خصوصا في وقت كبره مكنتش حابب أقولك عشان مش عايزك تزعلي.
شروق طبطبت عليه وقالت فهماك يا محمود ودا اللي كنت هكلمك فيه.
محمود بإستغراب سامعك يا حبيبتي كملي.
شروق أنا رغم زعلي منه وإني مش قادرة أسامحه بس في نفس الوقت صعب عليا لما شوفته كدا ومش عايزة أكون قاسېة عشان عيالي ميعملوش معايا كدا رغم إني عارفة إني صح وأنهم ظلموني لكن أنا مش كدا.
اتنهدت وقالت أنا هبقى أروح أزوره يا محمود وهكون جنبه مش هسيبه لنفسه ودماغه لأن الندم وحش وبيخلي صاحبه يروح لسكة وحشة ونهايتها أوحش أنا هبره ومش هقطع حبل الود والوصال وهحاول أسامحه دا ربنا سبحانه وتعالى بيسامح وبيغفر لعبده واحنا بشړ عايزة أسامحه عشان ألاقي اللي يسامحني بعدين.
محمود باس راسها بحب وفخر وقال أنا مشوفتش زيك يا شروقي قبل كدا أنت حقيقي ملاك ودا أقل وصف ليكي هي دي شروقي فعلا المتسامحة واللي قلبها أبيض.
محمود أنتي فعلا كدا وأنا مطمن على أطفالي معاكي لإني واثق إنك هتحسني تربيتهم أكتر مني.
شروق ربنا ميحرمنيش منك.
بقلمي ريهام أبو المجد 
محمود حط إيده على بطنها وقال حبيبة بابي أنا بحبك اووي بس بحب مامي أكتر منك وعايزك متتعبهاش عشان خاطري.
شروق ضحكت وقالت أنت يعني خلاص متأكد إنها بنت
محمود ضحك وقال ايوا حاسس إنها بنت وبتمنى كدا فعلا وعايزها نسخة منك.
شروق حطت إيدها على خده وقالت بس كدا هتخنقها بغيرتك.
محمود ايوا عشان مش هخلي حد يقرب منها عشان هتكون شبهك غير إنها بنوتي القمر.
محمود ضحك وفضل يقرب منها وقال مش عايز أنام ما تيجي نسهر.
شروق حطت إيديها الإتنين على صدره وقالت متقربشي أكتر من كدا يا حبيبي عشان خطړ وهزعلك.
محمود بص على إيديها اللي على صدره وقال طب مش عيب كدا وبعدين أنا عايزك تزعليني وريني هتعملي إية يعني
شروق بضحكة طب يلا نام وبطل كلامك دا عشان بيحرجني.
شروق حطت إيدها على وشها من الكسوف وقالت محمود بطل بقى ويلا ننام.
محمود بعبوث دا أنتي بقيت بتقطعي اللحظات الرومانسية زي حازم وشريف طب والله لسيبلك السرير وهروح أنام على الكنبة.
وقام فعلا ونام على الكنبة بزعل فشروق قالت محمود بطل لعب العيال دا وتعالى نام على السرير.
محمود بغيظ لا ونامي بقى عشان عندي شغل.
ونام على ضهره وغمض عيونه شروق قامت من على السرير واتجهت للكنبة وقعدت جنبه ومشت إيدها على وشه بحنية وقالت بعتاب هتسيبني أنام على السرير لوحدي من غير ما تاخدني في حضنك
محمود مردش فهي