قصة كاملة للكاتبة زهرة عصام « وردة الأدهم.. بائعة الورد »

الفصل الثاني عشر 
طارق دخل عليهم و قال : بصوت عالي خيااااانه و بص لعمران و قال : بقي انت يا عمران سايبني قاعد بره و عمال تضحك و تهزر مع العيال دي مكنش العشم يخويا
عمران بتعب: و انا اقدر برضوا يا طروق دا انت الحته اللي في الشمال يا واد 
طارق : كل بعقلي حلوه يخويا كل و قرب منه وباس على جبينه و قال عامل اي دلوقتي يا حجوج
عمران: انا كويس يا حبيبي 
قعدوا معاه شوية و الدكتور دخل خرجهم بره عشان يستريح
أدهم: انا بره مش همشي لو احتجت حاجة نادي عليا 
عمران برفض: لا يا أدهم روح ارتاح يا حبيبي انا هنام أصلا

أدهم لسه هيعترض عمران وقفه بحزم و قال: كلكم تروحوا محدش هيفضل هنا 
طارق بمرح: انت تؤمر أمر كدا و الباقي ينفذ و بصلهم و مثل أنه بيقفل زرار البدله و قال: سمعتوا عمران بيه قال اي ينفذ وسابهم و خرج بغرور مصطنع
أدهم: الواد دا بيديني اوامر والا انا بيتهيقلي
فارس : شكله كدا عاوز يروح الصالة يلا الله يرحمه
أدهم بخبث: لا من الناحية دي اطمن عندنا تدريب أول الأسبوع لكن اي هيطلع عين اللي خلفونا فيه 
و خرجوا و سابوا عمران يستريح 
_______ اذكروا الله _________
رنا و ندي نازلين رغي ولا علي بالهم حاجة و نجلاء نايمة و مريم واقفة سرحانه 
مريم: انا مش فاهمه حاجه ولا هنت عارفة حاجة كل اللي أعرفه اني ميلانه ليه لكن هل دا صح ؟ جوازنا جه بطريقة غلط عارفه بس هل دا ما يسمي الحب من أول نظرة ؟ من كلامه افهم أنه بيحبني بس بسرعة كدا .. انا معنتش فاهمة حاجة اوووف بقي و بعدين بيكلمني ازاي الأستاذ اما طلعته عليك يا استاذ أدهم ميبقاش اسمي مريم
فاقت من سرحانها علي خبط الباب ندي راحت تفتح لقت أدهم في وشها ابتسمت و قالت كنا مستنينك
طارق كان واقف وراه هيفرقع من ابتسامتها بص بعينه لقي الدكتور اللي ضربه جاي عليهم بصلها و ضغط على سنانه و قال: شوجر خشي جوه بسرعة
ندي ملحقتش تستوعب أنه زقها براحه و قفل الباب ادهم بصله بتبريقة فودي وشه الناحية التانية من غير كلام
الدكتور جاي علشان يشوف حالة نجلاء و يكتبلها على خروج أول ما شاف طارق حط ايده على وشه بړعب و قال ندي لا والله العظيم ندي لا
طارق بصله بكبرياء و قال بصوت جامد : عاوز اي 
الدكتور: هطمن على مدام نجلاء و هكتبلها على خروج
طارق بص لادهم و قال اتفضل ادخل خد اللي يخصك من جوه عشان الطرطور يدخل 
الدكتور: اي طرطور دا انت دكتور على فكره و ..
طارق بصله بتبريقة و قال: طرطور وألا مش طرطور
الدكتور: طرطور و بص لادهم و قال خلصنا يا عم من الموال دا يا رب ما تيجوا المستشفى تاني لحسن والله هستقيل منها 
طارق بحاجب مرفوع: يبقي استقيل عشان المستشفى تبعنا أصلا 
الدكتور بصلهم بغيط و جز على سنانه و أدهم ضحك و دخل لمريم 
بعد شوية خرج و معاه مريم و ندي و طارق همس جمب ودنها و هي معديه مع السلامة يا شوجر قلبي 
الدكتور دخل يشوف حالة نجلاء و كتبلها فعلا على خروج و بص لرنا بإعجاب و قال: ازيك يا كتكوته اسمك اي ؟! 
فارس كان جاي لطارق بعد ما عرف حاله جده بالظبط و سمع الدكتور بيعاكس رنا .. دخل بغيظ و مسكه من لياقه البالطوا و خده وراه و هو بيقول: يعني انت مكفكاش اللي اتعمل فيك تعال بقي انا أصلا بقالي كتير مدربتش يلا اهي جاتلي على الطبطاب 
الدكتور پخوف: انت هتعمل فيا اي مش كفاية صاحبك 
فارس بظره شړ : كل خير يخويا كل خير هدردش معاك بس شوية و اوعدك هتكون على ما يرام بعدها
طارق بانشكاح: راجل ياض يا فارس كان عاوز يشقط البت بس الغبي ميعرفش إن فارس بطل ملاكمه قديم يلا ربنا يتولاك يا عين امك 
رنا وقفه و فاتحه بقها و مش مستوعبه اللي بيحصل 
طارق قالها : اقفلي بوقك يا انسه و جهزي والدتك عشان هنوصلكم
رنا بصتله و هي لسه فاتحه بقها و شاورت على نفسها طارق كتم ضحكته بالعافية على منظرها و هز رأسه بـ اه
_______ اذكروا الله _________
فارس: ها يا دكتور عرفت اسمها اي وإلا لسه
الدكتور بۏجع: عرفت والله عرفت ارحمني ابوس ايدك 
فارس: مش عاوز اشوف طلت امك البهيه دي تاني هتنزل على الحسابات تصفي حسابك و تتكل على الله
الدكتور: حاضر والله العظيم حاضر مش عاوزة حتي باقي الحساب خلوه المهم اخرج من المخروبة دي بأسرع وقت
فارس بتبريقة: انت بتقول علي المستشفى بتاعتنا مخروبة طب تعال بقي 
الدكتور بصړيخ من كتر الضړب: هو انت بتتلكك
فارس بابتسامة ثقة: ايوه بتاكك و نزل فيه ضړب
_______ اذكروا الله _________
أدهم وصل البيت و مريم دخلت من غير حتي متبصله هي اه مش زعلانة منه بس مش هتتكلم معاه و هتتقل عشان ميكررهاش تاني
أدهم بصلها بحاجب مرفوع و بيكتم ضحكته عليها و قال في نفسه: مقموصه والله العظيم مقموصه طب اصالحها إزاي بس 
طلعهم الشقة و قال : هنزل اجيب حاجه بسرعة و مش هتاخر.
مريم: براحتك أصلا محدش سالك رايح فين و سابته و دخلت 
أدهم بضحك: هو دا اخرك يعني طب والله البت دي غلبانه
بص لـ ندي و قال: مش محتاجه حاجه اجبهالك و انا جاي يا ندى
ندي بخجل: لا شكراً كتر الف خيرك انا هدخل اذاكر شوية و انام 
ندى دخلت اوضيتنا و كانت ھتموت من الجوع بس فضلت أنها تسكت احسن
مريم كانت راحة جاية و افتكرت اخيرا أنهم مكلوش حاجة من الصبح و زمان اختها جعانه 
هي عارفه إن ندي عندها عزه نفس و مش هتطلب حاجة دخلت المطبخ تدور على حاجه تعملها ملقتش 
مريم بغيظ: عايش إزاي دا من غير اكل في البيت 
_______ اذكروا الله _________
أدهم اشتري كل حاجة و طلع البيت بص للي في ايده و ضحك بسخرية و قال: مش عارف ليه مش حاسسني في الرومانسية ..
اخد الأكياس و دخل البيت لقاه هادي دخل اوضته هو و مريم لقاها قاعده على الكرسي و عماله بتاكل في اديها و بتبصله بغيظ 
أدهم كان داخل و ايده وراه ظهره وقف قدمها و بصلها و قال: هتفضلي مقموصة كدا كتير
مريم ديرت وشها الناحية التانية و متكلمتش بصلها و ضحك جواه على منظرها خرج ايده و قدملها ورد
مريم باستغراب: والله المفروض إني اتثبت كدا؟
أدهم: هو المفروض ايوه بس انا عارف البنات اليومين دول مفيش حاجة بتهمها غير كرشها فيلا قومي معايا 
مريم بغيظ: اي كرشها دي ما تنقي الفاظك يا عم انت 
أدهم بضحك : قومي بس معايا و رمي الورد على الكنبه و مسك اديها و خرج للسفره
مريم فتحت عنيها على آخرها لما لقت كميه الأكل و قالت: انت عازم حد معانا والا ايه ؟
أدهم بضحك : لا دا كله لينا احنا التلاته و نده على ندي و قعدوا ياكلوا مع بعض
مريم: احم شكراً بس بعد اذنك مش عاوزين اكل جاهز من بره تاني كدا بتكلف نفسك هات الحاجة و إحنا هنعملها هنا 
أدهم باستغراب :هو انتي بتعرفي تطبخي
مريم:ايوه
كمل اكل بفخر و أخيراً هياكل اكل بيتي زي الناس علي سيره الأكل افتكر يارا و أنها مكالتش من امبارح حاجة بص قدامه پصدمة ازي نسيها كدا بصلهم بضحكة مصطنعة عشان ميخدوش بالهم و استاذن هيروح مشوار صغير و راجع
_______ اذكروا الله _________
أدهم دخل البيت بعصبية من نفسه بص للحارس يفتح الباب و دخل بص ليارا پصدمة و فجأة ....
يتبع